LIVE TV
സിനിമാ ചിത്രീകരണത്തിനിടെ തെലുങ്ക് നടന് നന്ദമൂരി ബാലകൃഷ്ണ(ബാലയ്യ)യ്ക്ക് പരിക്ക്. സംഘട്ടനം ചെയ്യുന്നതിനിടെ കാലുതെറ്റി വീണാണ് ബാലകൃഷ്ണയ്ക്ക് പരിക്കേറ്റത്. നടന് മഞ്ചു മനോജും ബാലകൃഷ്ണയും പങ്കെടുത്ത സംഘട്ടനരംഗം ചിത്രീകരിക്കുന്നതിനിടെയാണ് സംഭവം.
പേശികള്ക്ക് ക്ഷതമേറ്റതായി പരിശോധനയില് സ്ഥിരീകരിച്ചു. ഡോക്ടര്മാരുടെ നിര്ദേശപ്രകാരം ഡോക്ടര്മാരുടെ നിര്ദേശ പ്രകാരം ശസ്ത്രക്രിയ നടത്തുമെന്ന് ചിത്രത്തിന്റെ അണിയറപ്രവര്ത്തകര് പ്രസ്താവനയിലൂടെ അറിയിച്ചു.
ചെറിയ രീതിയിലുള്ള ശസ്ത്രക്രിയ മാത്രമാണെന്നും ആശങ്കപ്പെടേണ്ട സാഹചര്യമില്ലെന്നും അണിയറപ്രവര്ത്തകര് വ്യക്തമാക്കി. നന്ദമൂരി ബാലകൃഷ്ണ ഉടന് തന്നെ ചിത്രീകരണത്തിലേക്ക് തിരിച്ചെത്തുമെന്നും സംഘം അറിയിച്ചു. ശസ്ത്രക്രിയയ്ക്ക് ശേഷം ഏതാനും ദിവസത്തെ വിശ്രമം ഡോക്ടര്മാര് നിര്ദ്ദേശിച്ചിട്ടുണ്ട്.
ഗോപീചന്ദ് മലിനേനി സംവിധാനം ചെയ്യുന്ന 'എന്ബികെ 111' എന്ന് താത്കാലികമായി പേരിട്ടിരിക്കുന്ന ചിത്രത്തിന്റെ ചിത്രീകരണത്തിനിടയിലാണ് പരിക്കേറ്റത്. ബ്ലോക്ക്ബസ്റ്റര് ചിത്രമായ 'വീരസിംഹറെഡ്ഡി'ക്ക് ശേഷം ഗോപീചന്ദ് മലിനേനിയും ബാലകൃഷ്ണയും ഒന്നിക്കുന്ന രണ്ടാമത്തെ ചിത്രമാണിത്. ചിത്രത്തില് കാജല് അഗര്വാളാണ് നായികയായി എത്തുന്നത്.
Content Highlights: Actor Balayya injured on a film set; doctors have advised surgery. The injury occurred while filming an action sequence.
