LIVE TV
സിഖ് മനുഷ്യാവകാശ പ്രവർത്തകനായിരുന്ന ജസ്വന്ത് സിങ് ഖൽറയുടെ ജീവിതത്തെ ആസ്പദമാക്കി ഒരുങ്ങിയ സിനിമയാണ് സത്ലജ്. ദിൽജിത് ദോസഞ്ച് നായകനായി എത്തിയ സിനിമ സെൻസർ ബോർഡുമായുള്ള പോരാട്ടങ്ങൾക്കൊടുവിൽ കഴിഞ്ഞ ദിവസം സീ 5 വിലൂടെ സ്ട്രീമിങ് ആരംഭിച്ചിരുന്നു. എന്നാൽ ഇപ്പോൾ സ്ട്രീമിങ് ആരംഭിച്ച് രണ്ട് ദിവസത്തിനുള്ളിൽ സ്ട്രീമിങ് പ്ലാറ്റ്ഫോമിൽ നിന്ന് സിനിമ പിൻവലിച്ചിരിക്കുകയാണ്.
ചിത്രത്തിലെ ചിലഭാഗങ്ങൾ ദേശവിരുദ്ധ ശക്തികൾ ദുരുപയോഗം ചെയ്യാൻ സാധ്യതയുണ്ടെന്ന് പറഞ്ഞ് സിനിമ നീക്കംചെയ്യാൻ അധികൃതർ ആവശ്യപ്പെടുകയായിരുന്നെന്നാണ് റിപ്പോർട്ട്. ചിത്രം ഇന്ത്യയിൽ ഇനി മുതൽ ലഭ്യമാകില്ലെന്ന് സ്ട്രീമിംഗ് പ്ലാറ്റ്ഫോമായ ZEE5 അറിയിച്ചു. ദിൽജിത് ദോസാഞ്ച് നായകനായ ഈ ചിത്രത്തിന് 'പഞ്ചാബ് 95' എന്നാണ് ആദ്യം പേരിട്ടിരുന്നത്. ചിത്രം 2022-ൽ സെൻസർ ബോർഡിന് സമർപ്പിച്ചപ്പോൾ 127 കട്ടുകളും പേരുമാറ്റവും ബോർഡ് നിർദ്ദേശിച്ചിരുന്നു. സിനിമയുടെ അൺസെൻസേർഡ് വേർഷൻ ആണ് ഒടിടിയിലൂടെ പുറത്തുവന്നത്. ഇന്ത്യയിൽ ചിത്രം തടഞ്ഞെങ്കിലും, വിദേശ രാജ്യങ്ങളിൽ 'ZEE5 ഗ്ലോബൽ' വഴി ചിത്രം ഇപ്പോഴും ലഭ്യമാണ്.
#Satluj has reportedly been removed from ZEE5 after being available for just 24 hours. Whether a film is praised or criticized should be left to the audience. Censorship shouldn't decide what people are allowed to watch. pic.twitter.com/UmGyX3jqm5
— What The Fuss (@WhatTheFuss_) July 5, 2026
ചിത്രം നീക്കം ചെയ്യപ്പെടുമെന്ന ഭയം നേരത്തെ തന്നെ ഉണ്ടായിരുന്നുവെന്ന് നായകൻ ദിൽജിത് ദോസഞ്ച് ഒരു സോഷ്യൽ മീഡിയ ലൈവിനിടെ സൂചിപ്പിച്ചിരുന്നു. അതിനാൽ ആരാധകർ അത് ഡൗൺലോഡ് ചെയ്ത് വെക്കണമെന്നും അദ്ദേഹം അന്ന് ആവശ്യപ്പെട്ടിരുന്നു. ദിൽജിത് ദോസാഞ്ചിനെ കൂടാതെ അർജുൻ രാംപാൽ, കൻവാൾജിത് സിങ്, സുവിന്ദർ വിക്കി, ഗീതിക വിദ്യ ഓല്യൻ തുടങ്ങിയ പ്രമുഖ താരങ്ങളും ചിത്രത്തിൽ പ്രധാന വേഷങ്ങളിൽ എത്തുന്നുണ്ട്. ഹണി ട്രഹാൻ ആണ് ചിത്രത്തിന്റെ സംവിധായകൻ. ചിത്രം പിൻവലിച്ചതിനെ തുടർന്ന് വലിയ വിമർശനങ്ങൾ ആണ് സോഷ്യൽ മീഡിയയിലൂടെ ഉയരുന്നത്.
Content Highlights: After undergoing 127 censorship cuts and a title change, Satlaj has been withdrawn from ZEE5 just two days after its streaming debut, sparking widespread discussion.
