LIVE TV
രശ്മിക മന്ദാനയും ഷാഹിദ് കപൂറും കൃതി സനോണും പ്രധാനവേഷത്തിലെത്തുന്ന ബോളിവുഡ് ചിത്രമാണ് കോക്ടെയിൽ 2. ഒരു ത്രികോണ പ്രണയസിനിമയായി ഒരുങ്ങുന്ന ചിത്രം ഇന്നലെ പുറത്തിറങ്ങി. സമ്മിശ്ര പ്രതികരണമാണ് സിനിമയ്ക്ക് ലഭിച്ചത്. ചിത്രത്തിന് എ സർട്ടിഫിക്കറ്റ് ആണ് സെൻസർ ബോർഡ് നൽകിയത്. ഇതിൽ പ്രതികരികരിച്ചിരിക്കുകയാണിപ്പോൾ നടൻ ഷാഹിദ് കപൂർ.
കോക്ക്ടെയിൽ 2-ന്റെ പ്രചാരണത്തിനിടെ സോഷ്യൽ മീഡിയയിൽ ആരാധകരുമായി സംവദിക്കുകയായിരുന്നു അദ്ദേഹം. ''ഈ സിനിമയിൽ നിങ്ങൾക്ക് എതിർക്കാൻ കഴിയുന്ന ഒന്നും ഇല്ല. ചിത്രത്തിന് അഡൾട്ട് സർട്ടിഫിക്കറ്റ് ആണ് ലഭിച്ചിരിക്കുന്നത് എന്നാൽ അത് എന്തുകൊണ്ടാണെന്ന് എനിക്ക് മനസ്സിലായില്ല. എല്ലാവർക്കും ഒരുമിച്ച് കാണാവുന്ന, മൂന്ന് പേരുടെ കഥയാണ് ഈ ചിത്രം പറയുന്നത്' ഷാഹിദിന്റെ വാക്കുകൾ. ലവ് രഞ്ജനും തരുൺ ജെയിനും ചേർന്നാണ് കോക്ക്ടെയിൽ 2-ന്റെ തിരക്കഥ രചിച്ചത്. ദിനേഷ് വിജാൻ, ലവ് രഞ്ജൻ, അങ്കുർ ഗാർഗ് എന്നിവർ മാഡോക്ക് ഫിലിംസ്, ലവ് ഫിലിംസ് ബാനറിൽ നിർമിച്ച ചിത്രമാണിത്. ചിത്രത്തിൽ കുനാൽ എന്ന കഥാപാത്രത്തെയാണ് ഷാഹിദ് അവതരിപ്പിക്കുന്നത്.
#ShahidKapoor on #Cocktail2 getting an ‘A’ certificate from the CBFC and About the movie. pic.twitter.com/IDbjvaDLlm
— 𝙃𝙖𝙧𝙨𝙝. (@shanaticharsh) June 18, 2026
നേരത്തെ കോക്ടെയിൽ 2 ലെസ്ബിയൻ പ്രണയകഥയാണ് എന്ന തരത്തിൽ സോഷ്യൽ മീഡിയയിൽ അഭ്യൂഹങ്ങൾ പരന്നിരുന്നു. ഇതിൽ നടി കൃതി സനോൺ പ്രതികരിച്ചിരുന്നു. 'ഞങ്ങൾ മൂന്നുപേരുടെയും കഥാപാത്രങ്ങൾ സ്ട്രെയിറ്റ് ആണ്. ഇതൊരു ഇമോഷണൽ ത്രീസം ആണ്, ഫിസിക്കൽ അല്ല', കൃതി വ്യക്തമാക്കി. 2012-ൽ പുറത്തിറങ്ങിയ കോക്ടെയിൽ എന്ന ചിത്രത്തിൽ സ്പിരിച്വൽ സീക്വൽ ആണ് കോക്ടെയിൽ 2. സെയ്ഫ് അലി ഖാൻ, ദീപികാ പദുക്കോൺ, ഡയാനാ പെന്റി എന്നിവരായിരുന്നു 'കോക്ക്ടെയ്ൽ' ആദ്യ ഭാഗത്തിൽ പ്രധാന വേഷങ്ങളിലെത്തിയത്. അതീവ ഗ്ലാമറസ് ലുക്കിൽ രശ്മികയും കൃതിയുമെത്തിയ ട്രെയ്ലർ ശ്രദ്ധനേടിയിരുന്നു.
Content Highlights: Shahid Kapoor has raised questions about the A certification granted to Cocktail 2. Sharing a video on social media, the actor expressed surprise over the classification, triggering discussions among fans about censorship standards and film certification decisions.
