LIVE TV
മെഗാസ്റ്റാര് ചിരഞ്ജീവി സൂപ്പര് ഹിറ്റ് സംവിധായകന് ബോബി കൊല്ലിയുമായി വീണ്ടും കൈകോര്ക്കുന്ന ചിത്രം മെയ് 21 ന് ആരംഭിക്കുന്നു. പ്രശസ്ത പ്രൊഡക്ഷന് ബാനര് ആയ കെവിഎന് പ്രൊഡക്ഷന്സിന്റെ ബാനറില് വെങ്കട്ട് കെ നാരായണന് നിര്മ്മിക്കുന്ന ഈ ഹൈ-വോള്ട്ടേജ് എന്റര്ടെയ്നര് ചിത്രത്തിന് താല്ക്കാലികമായി നല്കിയിരിക്കുന്ന പേര് ചിരുബോബി2 / ചിരു158 എന്നാണ്. ആരാധകര് ഏറെ പ്രതീക്ഷയോടെ കാത്തിരിക്കുന്ന പ്രോജക്റ്റ് മെയ് 21 ന് അതിന്റെ ഔപചാരികമായ ലോഞ്ചിനായി ഒരുങ്ങുകയാണ്.
തന്റെ ആവേശകരമായ ഒരു ജിം-സെഷന് വീഡിയോയിലൂടെയാണ് ചിരഞ്ജീവി ഈ ചിത്രത്തിന്റെ പ്രഖ്യാപനം നടത്തിയത്. ഈ ചിത്രത്തിലെ കേന്ദ്ര കഥാപാത്രത്തിന് ശക്തമായ ഒരു പുതിയ രൂപം നല്കാന് അദ്ദേഹം നടത്തുന്ന കഠിന പരിശ്രമവും ഈ വീഡിയോ കാണിച്ചു തരുന്നുണ്ട്. ചിരഞ്ജീവി ആരാധകരെ ആവേശത്തിലാക്കുന്ന ജിം സെഷന് വീഡിയോ ആണ് പുറത്ത് വിട്ടിരിക്കുന്നത്.
നേരത്തെ, ചിത്രത്തിന്റെ നിര്മ്മാതാക്കള് ആകര്ഷകമായ ഒരു കണ്സെപ്റ്റ് പോസ്റ്ററും, ശ്രദ്ധേയമായ ഒരു ലുക്ക് ടെസ്റ്റ് ഇമേജും പുറത്തിറക്കിയതുമുതല് ചിത്രത്തെക്കുറിച്ചുള്ള ആവേശം ആരാധകര്ക്കിടയില് ഏറെ ശക്തമാണ്. ഇവരുടെ മുന് ചിത്രമായ വാള്ട്ടെയര് വീരയ്യയുടെ വന് വിജയത്തിന് ശേഷം, ചിരഞ്ജീവിയും ബോബി കൊല്ലിയും വീണ്ടും ഒന്നിക്കുന്നത് സ്വാഭാവികമായും പ്രതീക്ഷ വര്ദ്ധിപ്പിക്കുന്നു.
തന്റെ മാസ് പാക്കേജിലൂടെ ഉള്ള കഥപറച്ചിലിന് പേരുകേട്ട ബോബി കൊല്ലി, ചിരഞ്ജീവിക്കായി ഏറ്റവും തീവ്രവും ശക്തവുമായ കഥാപാത്രങ്ങളിലൊന്നാണ് ഒരുക്കുന്നതെന്നാണ് റിപ്പോര്ട്ട്. ആരാധകര്ക്കും സാധാരണ പ്രേക്ഷകര്ക്കും അനുയോജ്യമായ രീതിയില് സ്ഫോടനാത്മകമായ സീക്വന്സുകള്, അതിശയിപ്പിക്കുന്ന എലിവേഷനുകള്, വിസില് അടിക്കാന് പ്രേരിപ്പിക്കുന്ന നിമിഷങ്ങള് എന്നിവ ഈ ചിത്രത്തില് ഉണ്ടായിരിക്കുമെന്ന് ആണ് പ്രതീക്ഷിക്കപ്പെടുന്നത്. രചന, സംവിധാനം: ബോബി കൊല്ലി, പ്രൊഡക്ഷന് ബാനര്: കെവിഎന് പ്രൊഡക്ഷന്സ്, നിര്മ്മാതാവ്: വെങ്കട്ട് കെ നാരായണ, പിആര്ഒ: ശബരി.
Content Highlights: Bobby Kolli film Chiru 158; produced by KVN Productions
