Get the latest news at
your fingertips!
Download our app now
LIVE TV
Search
നടിപ്പിന് നായകന് സൂര്യ നായകനാവുന്ന ആര് ജെ ബാലാജി ചിത്രം കറുപ്പ് മെയ് 14 ന് റിലീസിന് ഒരുങ്ങുകയാണ്. ചിത്രം കഴിഞ്ഞ വര്ഷം പുറത്തിറങ്ങുമെന്ന് റിപ്പോര്ട്ടുകള് വന്നെങ്കിലും റിലീസ് നീട്ടിവെക്കുകയായിരുന്നു. ഇപ്പോഴിതാ ചിത്രത്തിന്റെ കേരള റിലീസിനെ സംബന്ധിച്ചുള്ള അപ്ഡേറ്റ് ആണ് ചർച്ചയാകുന്നത്.
മെയ് 14 ന് രാവിലെ 9 മണി മുതലാണ് കറുപ്പിന്റെ കേരളത്തിലെ ആദ്യ ഷോ ആരംഭിക്കുക. വലിയ പ്രതീക്ഷയോടെ സൂര്യ ആരാധകർ കാത്തിരിക്കുന്ന സിനിമയായതിനാൽ ചിത്രം വമ്പൻ ഓപ്പണിങ് തന്നെ നേടുമെന്നാണ് കണക്കുകൂട്ടൽ. രണ്ട് പതിറ്റാണ്ടുകള്ക്ക് ശേഷം സൂര്യയും തൃഷയും വീണ്ടും ഒന്നിക്കുന്നതും ഈ ചിത്രത്തിന്റെ പ്രത്യേകതയാണ്. സൂര്യയെയും തൃഷയെയും അവരുടെ മുന് സിനിമകളില് നിന്ന് വ്യത്യസ്തമായ ഒരു മേക്കോവറില് കറുപ്പ് അവതരിപ്പിക്കും. വൈറല് ഹിറ്റുകള്ക്ക് പിന്നിലെ യുവ സംഗീത സെന്സേഷനായ സായ് അഭ്യാങ്കറാണ് കറുപ്പിനായി സംഗീതം ഒരുക്കുന്നത്.
FDFS - 9:00 AM 🧨💥 #Karuppu pic.twitter.com/zToqzBagxa
— Karthick (@Carthickkkk) May 2, 2026
സീ തമിഴ് ആണ് ചിത്രത്തിന്റെ സാറ്റ്ലൈറ്റ് അവകാശം സ്വന്തമാക്കിയിരിക്കുന്നത് എന്നാണ് പുറത്തുവരുന്ന വിവരം. ഇന്ദ്രന്സ്, നാട്ടി, സ്വാസിക, അനഘ മായ രവി, ശിവദ, സുപ്രീത് റെഡ്ഡി തുടങ്ങി വമ്പന് താരനിരയാണ് ചിത്രത്തില് അണിനിരക്കുന്നത്. ഒരു പക്കാ മാസ്സ് ഫെസ്റ്റിവല് സിനിമയാകും കറുപ്പ് എന്ന സൂചനയാണ് ഇതുവരെ പങ്കുവെച്ച അപ്ഡേറ്റുകളില് നിന്ന് ലഭിച്ചിരിക്കുന്നത്. സൂര്യക്ക് മുൻപ് ആദ്യം വിജയ്യെ നായകനാക്കായിരുന്നു തന്റെ പ്ലാൻ എന്നും എന്നാൽ അത് നടക്കാതെ പോയി എന്നും സംവിധായകൻ ആർ ജെ ബാലാജി മുൻപ് വെളിപ്പെടുത്തിയിരുന്നു.
Content Highlights: Suriya film Karuppu kerala release time details out now
