Get the latest news at
your fingertips!
Download our app now
LIVE TV
Search
രൺവീർ സിങ്ങിനെ നായകനാക്കി ആദിത്യ ധർ സംവിധാനം ചെയ്ത മാസ്സ് ആക്ഷൻ ത്രില്ലർ ചിത്രമാണ് ‘ധുരന്ദർ’. മികച്ച പ്രതികരണങ്ങൾ നേടി സിനിമ തിയേറ്ററിൽ നിന്ന് 1000 കോടിയ്ക്ക് മുകളിലാണ് നേടിയത്. സിനിമയുടെ രണ്ടാം ഭാഗം മാർച്ച് 19 ന് റിലീസിന് ഒരുങ്ങുകയാണ്. സിനിമയുടെ ട്രെയ്ലർ പുറത്തിറങ്ങി. മികച്ച പ്രതികരണമാണ് ട്രെയിലറിന് പ്രേക്ഷകരിൽ നിന്നും ലഭിക്കുന്നത്. സിനിമയുടെ പെയ്ഡ് പ്രീമിയർ ഷോയുടെ അഡ്വാൻസ് ബുക്കിംഗ് തുടങ്ങിയിരുന്നു. ഗംഭീര വരവേൽപ്പാണ് സിനിമയ്ക്ക് ലഭിക്കാൻ പോകുന്നതെന്ന സൂചനകളാണ് ബുക്കിംഗ് ട്രെൻഡ് നൽകുന്നത്. ഇപ്പോഴിതാ പെയ്ഡ് പ്രീമിയർ ഷോകളുടെ ടിക്കറ്റ് റേറ്റ് കണ്ട് ഞെട്ടിയിരിക്കുകയാണ് പ്രേക്ഷകർ.
400 മുതൽ 3100 രൂപ വരെയാണ് പല തിയേറ്ററുകളും ധുരന്ദർ 2 വിനായി ചാർജ് ചെയ്യുന്നത്. ബാംഗ്ലൂരിൽ റിക്ലൈനെർ സീറ്റുകളുടെ ചാർജ് 2300 -2400 വരെയാണ്. അങ്ങ് നോർത്തിലും ടിക്കറ്റ് വിലയിൽ മാറ്റമൊന്നുമില്ല. 600 മുതൽ 900 വരെയാണ് മൾട്ടിപ്ളെക്സുകളിൽ ടിക്കറ്റ് ചാർജ്. മുംബൈയിലെ ബോറിവാലിയിലെ ഐനോക്സ് മെഗാപ്ലെക്സിൽ റിക്ലൈനെർ സീറ്റുകൾക്ക് 3100 രൂപയാണ് റേറ്റ്. എന്നാൽ നിമിഷനേരം കൊണ്ടാണ് ഇത്രയും വിലപിടിപ്പുള്ള സീറ്റുകൾ വിറ്റുപോകുന്നത്. കേരളത്തിലും സ്ഥിതി മറിച്ചല്ല. കൊച്ചിയിലെ പിവിആർ ഫോറം മാളിലെ പിഎക്സ്എൽ സ്ക്രീനിൽ 300, 400. 500, 1200 എന്നിങ്ങനെയാണ് ടിക്കറ്റ് വില. കേരളത്തിലും ചിത്രം വലിയ ഓപ്പണിങ് നേടുമെന്ന സൂചനകളാണ് അഡ്വാൻഡ് ബുക്കിങ്ങിലൂടെ മനസിലാക്കാൻ സാധിക്കുന്നത്. യഷ് ചിത്രം ടോക്സിക് റിലീസ് മാറ്റിയതിനാൽ 200 മുകളിൽ സ്ക്രീനുകൾ ധുരന്ദർ 2 വിന് കേരളത്തിൽ ലഭിക്കുമെന്നാണ് കണക്കുകൂട്ടൽ. പിവിആർ പിക്ചേഴ്സ് ആണ് സിനിമ കേരളത്തിൽ വിതരണത്തിന് എത്തിക്കുന്നത്. ഹിന്ദി, തമിഴ്, മലയാളം പതിപ്പുകളുടെ ബുക്കിംഗ് ആണ് ഇപ്പോൾ ആരംഭിച്ചിരിക്കുന്നത്.
ഒരു പക്കാ ആക്ഷൻ ചിത്രമാകും രണ്ടാം ഭാഗം എന്ന സൂചനയാണ് ട്രെയ്ലർ നൽകുന്നത്. നിറയെ വയലൻസും ആക്ഷനും കൊണ്ട് സമ്പന്നമാണ് ട്രെയ്ലർ. രൺവീർ സിങിന്റെ അത്യുഗ്രൻ പ്രകടനം തന്നെ സിനിമ ഉറപ്പ് നൽകുമെന്നും ട്രെയ്ലറിലൂടെ ചിത്രത്തിന്റെ മേക്കേഴ്സ് ഉറപ്പ് നൽകുന്നുണ്ട്. 4 മണിക്കൂറിനടുത്ത് സിനിമയ്ക്ക് ദൈർഘ്യം ഉണ്ടെന്നാണ് റിപ്പോർട്ടുകളിൽ പറയുന്നത്. സിനിമയുടെ ആദ്യ ഭാഗം മൂന്ന് മണിക്കൂറും 34 മിനിറ്റുമായിരുന്നു. റൺ ടൈം കൂടുതലായിട്ടും സിനിമ പ്രേക്ഷകരെ ആകർഷിച്ചിരുന്നു. സിനിമയുടെ രണ്ടാം ഭാഗത്തിനും 1000 കോടിയ്ക്ക് മുകളിൽ കളക്ഷൻ നേടാൻ ആകുമെന്നാണ് അനലിസ്റ്റുകളുടെ കണക്കുകൂട്ടൽ.
Dhurandhar 2 ticket prices in Bengaluru are reaching insane levels. pic.twitter.com/nK2A2o92WJ
— Lets Cinema (@letscinema) March 9, 2026
ജിയോ സ്റ്റുഡിയോസ് , ബി62 സ്റ്റുഡിയോസ് എന്നിവർ ചേർന്ന് നിർമിക്കുന്ന ചിത്രത്തിൽ സഞ്ജയ് ദത്ത്, അക്ഷയ് ഖന്ന, ആർ മാധവൻ, അർജുൻ രാംപാൽ എന്നിവരും നിർണ്ണായക വേഷങ്ങളിലെത്തുന്നു. 'ഉറി ദ സർജിക്കൽ' സ്ട്രൈക്ക് എന്ന ചിത്രത്തിലൂടെ ശ്രദ്ധ നേടിയ സംവിധായകനാണ് ആദിത്യ ധർ. ചിത്രത്തിലെ രൺവീറിന്റെയും മറ്റു അഭിനേതാക്കളുടെയും പ്രകടനങ്ങൾ കയ്യടി നേടിയിരുന്നു.
Content Highlights: Dhurandhar 2 ticket prices in Multiplexes are reaching insane levels, still shows get sold out
