LIVE TV
വെല്ലിംഗ്ടണില്‍ നടന്ന മൂന്നാം ട്വന്റി20 മത്സരത്തില്‍ ന്യൂസിലന്‍ഡിനെ ആറ് വിക്കറ്റിന് തകര്‍ത്ത് ഇന്ത്യ അഞ്ച് മത്സരങ്ങളുടെ പരമ്പര 3-0ത്തിന് സ്വന്തമാക്കിയിരുന്നു. അഭിഷേക് ശര്‍മ്മയുടെ ബാറ്റിങ് കരുത്തിലാണ് ഇന്ത്യ വിജയം സ്വന്തമാക്കിയത്.
199 റണ്‍സ് വിജയലക്ഷ്യം പിന്തുടര്‍ന്ന ഇന്ത്യ, അഭിഷേകിന്റെ വെടിക്കെട്ട് ബാറ്റിംഗിന്റെ മികവില്‍ വെറും 13.2 ഓവറില്‍ നാല് വിക്കറ്റ് നഷ്ടത്തില്‍ ലക്ഷ്യത്തിലെത്തി.
38 പന്തില്‍ 113 റണ്‍സാണ് അഭിഷേക് അടിച്ചുകൂട്ടിയത്. വെറും 35 പന്തിലാണ് സെഞ്ച്വറി. ഈ തകര്‍പ്പന്‍ വിജയത്തോടെ നിരവധി റെക്കോര്‍ഡുകളാണ് ഇന്ത്യ സ്വന്തം പേരില്‍ തിരുത്തിക്കുറിച്ചത്.
ടി20 ക്രിക്കറ്റില്‍ ഏറ്റവും കൂടുതല്‍ സെഞ്ച്വറികള്‍ നേടുന്ന ഇന്ത്യന്‍ താരമെന്ന റെക്കോര്‍ഡ് അഭിഷേക് സ്വന്തമാക്കി. 430 മത്സരങ്ങളില്‍ നിന്ന് 10 സെഞ്ച്വറികള്‍ നേടിയിട്ടുള്ള വിരാട് അഭിഷേക് മറികടന്നത്.
ടി20 ക്രിക്കറ്റില്‍ ഏറ്റവും കൂടുതല്‍ സെഞ്ച്വറികള്‍ നേടിയ താരങ്ങളില്‍ മൂന്നാം സ്ഥാനത്ത് എത്താനും അഭിഷേകിന് സാധിച്ചു. ക്രിസ് ഗെയ്ല്‍ (22), ബാബര്‍ അസം (13) എന്നിവര്‍ മാത്രമാണ് ഇനി അഭിഷേകിന് മുന്നിലുള്ളത്.
ന്യൂസിലന്‍ഡിനെതിരെ ഒരു ബാറ്റര്‍ നേടുന്ന ഏറ്റവും വേഗമേറിയ ടി20 സെഞ്ച്വറിയാണിത്. ഈ വര്‍ഷം തിരുവനന്തപുരത്ത് നടന്ന മത്സരത്തില്‍ ഇഷാന്‍ കിഷന്‍ 42 പന്തില്‍ നേടിയ സെഞ്ച്വറിയുടെ റെക്കോര്‍ഡാണ് അഭിഷേക് തകര്‍ത്തത്.
Content Highlights : abhishek sharma fastest t20 century records broken india
