LIVE TV
ഭ്രമയുഗം, ഡീയസ് ഈറേ, ഭൂതകാലം എന്നീ സിനിമകളിലൂടെ പ്രേക്ഷകരെ ഞെട്ടിച്ച സംവിധായകൻ ആണ് രാഹുൽ സദാശിവൻ. പ്രണവിനെ നായകനാക്കി രാഹുൽ ഒരുക്കിയ ഡീയസ് ഈറേ വമ്പൻ വിജയമാണ് നേടിയത്. ഇപ്പോഴിതാ അടുത്ത രാഹുൽ സദാശിവൻ സിനിമയെക്കുറിച്ചുള്ള അപ്ഡേറ്റ് ആണ് സോഷ്യൽ മീഡിയയെ ഇളക്കിമറിക്കുന്നത്.
പൃഥ്വിരാജ്, മഞ്ജു വാര്യർ എന്നിവരെ കേന്ദ്ര കഥാപാത്രങ്ങളാക്കിയാണ് രാഹുൽ അടുത്ത സിനിമ ഒരുക്കുന്നത് എന്നാണ് റിപ്പോർട്ട്. പതിവ് പോലെ ഇതും ഹൊറർ ഴോണറിൽ ആണ് എന്നും ചില ട്രാക്കർമാർ റിപ്പോർട്ട് ചെയ്യുന്നു. സിനിമയെക്കുറിച്ചുള്ള മറ്റു വിവരങ്ങൾ ഒന്നും നിലവിൽ പുറത്തുവന്നിട്ടില്ല. 37.68 കോടിയാണ് ഡീയസ് ഈറേ കേരള ബോക്സ് ഓഫീസിൽ നിന്നും നേടിയത്. ആഗോള ബോക്സ് ഓഫീസിൽ നിന്നും ചിത്രം 80 കോടിക്കും മുകളിൽ നേടിയെന്നാണ് റിപ്പോർട്ടുകൾ സൂചിപ്പിക്കുന്നത്. 'ക്രോധത്തിന്റെ ദിനം' എന്ന അര്ത്ഥം വരുന്ന 'ദി ഡേ ഓഫ് റാത്ത്' എന്നതാണ് ചിത്രത്തിന്റെ ടൈറ്റില് ടാഗ് ലൈന്. നൈറ്റ് ഷിഫ്റ്റ് സ്റ്റുഡിയോസ്, വൈ നോട്ട് സ്റ്റുഡിയോസിന്റെ ബാനറിൽ ചക്രവർത്തി രാമചന്ദ്ര, എസ്. ശശികാന്ത് എന്നിവർ ചേർന്ന് നിർമ്മിക്കുന്ന ചിത്രത്തിന്റെ തിരക്കഥയും രാഹുൽ സദാശിവൻ തന്നെയാണ്.
മമ്മൂട്ടി ചിത്രമായ ഭ്രമയുഗമാകട്ടെ നിരവധി അവാർഡുകൾ ആണ് നേടിയത്. ഇക്കഴിഞ്ഞ കേരള സംസ്ഥാന പുരസ്കാരത്തിൽ മമ്മൂട്ടിക്ക് മികച്ച നടനുള്ള അവാർഡും സിദ്ധാർഥ് ഭരതന് മികച്ച സഹനടനുള്ള അവാർഡും ലഭിച്ചിരുന്നു. ചിത്രം ഓസ്കർ അക്കാദമി മ്യൂസിയത്തിൽ ഫെബ്രുവരി 12 ന് പ്രദർശിപ്പിച്ചിരുന്നു. ‘Where the Forest Meets the Sea’ എന്ന ചലച്ചിത്ര വിഭാഗത്തിലാണ് ഭ്രമയുഗം പ്രദർശിപ്പിച്ചത്. 2024ൽ ബ്ലാക് ആൻഡ് വൈറ്റിൽ തിയറ്ററുകളിൽ എത്തിയ സിനിമയാണ് ഭ്രമയുഗം. ബ്ലാക് ആൻഡ് വൈറ്റിൽ ഏറ്റവും കൂടുതൽ കളക്ഷൻ നേടിയ സിനിമ കൂടിയാണിത്. 50 കോടിയാണ് കളക്ഷൻ. കൊടുമൺ പോറ്റി എന്ന കഥാപാത്രത്തെയാണ് മമ്മൂട്ടി ചിത്രത്തിൽ അവതരിപ്പിച്ചത്. അർജുൻ അശോകൻ, സിദ്ധാർത്ഥ് ഭരതൻ, അമൽഡ ലിസ്, മണികണ്ഠൻ തുടങ്ങിയവരാണ് ഭ്രമയുഗത്തിൽ പ്രധാന വേഷത്തിൽ എത്തിയത്.
Content Highlights: Rahul sadasivan to join hands with prithviraj and manju warrier for his next film
