Get the latest news at
your fingertips!
Download our app now
LIVE TV
Search
അഖിൽ സത്യൻ സംവിധാനം ചെയ്ത് നിവിൻ പോളി നായകനായ സർവ്വം മായ വലിയ വിജയമാണ് തിയേറ്ററിൽ നിന്നും നേടുന്നത്. ഒടിടിയിൽ സിനിമ സ്ട്രീമിങ് ആരംഭിച്ചിട്ടും തിയേറ്ററിൽ നിന്ന് 150 കോടി നേടിയിരിക്കുകയാണ് ചിത്രം. നിവിൻ പോളിയുടെ തിരിച്ചുവരവ് ആരാധകർ ആഘോഷിക്കുകയാണ്. ഇപ്പോഴിതാ സിനിമയുടെ ഒരു ക്യൂട്ട് ബിഹൈൻഡ് ദി സീൻ വീഡിയോ ആണ് സോഷ്യൽ മീഡിയയിൽ ചിരിപടർത്തുന്നത്.
സിനിമയുടെ ഷൂട്ടിനിടെ നിവിൻ പോളിയോട് ഓട്ടോഗ്രാഫ് ചോദിക്കുന്ന ഒരുപറ്റം കുട്ടികളെ വീഡിയോയിൽ കാണാനാകും. കുട്ടികൾ നിവിനെ മാമൻ എന്ന് വിളിക്കുന്നതും തിരിച്ചു നിവിൻ തമാശകലർന്ന സ്വരത്തിൽ 'ആരാടാ മാമൻ' എന്ന് ചോദിക്കുന്ന വീഡിയോയുമാണ് ശ്രദ്ധ നേടുന്നത്. കുട്ടികളുടെ കയ്യിൽ നിന്ന് പുസ്തകം വാങ്ങി ഓട്ടോഗ്രാഫ് ഒപ്പിട്ടുകൊടുക്കുന്ന നിവിൻ പോളിയെയും വീഡിയോയിൽ കാണാനാകും. നിറയെ കമന്റുകളാണ് ഈ വീഡിയോയ്ക്ക് ലഭിക്കുന്നത്. അതേസമയം, സർവ്വം മായ കഴിഞ്ഞ ദിവസം മുതൽ ഒടിടിയിൽ സ്ട്രീമിങ് ആരംഭിച്ചിരുന്നു. മികച്ച പ്രതികരണമാണ് സ്ട്രീമിങ്ങിലും സിനിമയ്ക്ക് ലഭിക്കുന്നത്.
നിവിന്റെ പ്രകടനത്തിനാണ് കയ്യടികൾ മുഴുവൻ ലഭിക്കുന്നത്. ഗംഭീര പ്രകടനമാണ് നിവിൻ കാഴ്ചവെച്ചതെന്നും കോമഡി സീനുകളിൽ നിവിനെ വെല്ലാൻ ആരുമില്ലെന്നാണ് കമന്റുകൾ. സിനിമയിലെ കോമഡി സീനുകളും പ്രേക്ഷകരിൽ ചിലർ കട്ട് ചെയ്തു സോഷ്യൽ മീഡിയയിൽ പോസ്റ്റ് ചെയ്യുന്നുണ്ട്. റിയ ഷിബുവും നിവിനൊപ്പം അഭിനന്ദനങ്ങൾ വാരിക്കൂട്ടുന്നുണ്ട്. ഡെലുലു എന്ന കഥാപാത്രമായി റിയ പെർഫെക്റ്റ് ആയിരുന്നു എന്നാണു അഭിപ്രായങ്ങൾ. സാധാരണയായി തിയേറ്ററിൽ ഹിറ്റാകുന്ന സിനിമകൾക്ക് ഒടിടിയിൽ എത്തുമ്പോൾ ട്രോൾ ലഭിക്കുക പതിവാണ് എന്നാണ് സ്ട്രീമിങ്ങിലും സർവ്വം മായയ്ക്ക് മികച്ച അഭിപ്രായങ്ങൾ ആണ് ലഭിക്കുന്നത്. ജിയോ ഹോട്ട്സ്റ്റാറിലൂടെയാണ് സിനിമ സ്ട്രീം ചെയ്യുന്നത്.
പാച്ചുവും അത്ഭുതവിളക്കും എന്ന സിനിമയ്ക്ക് ശേഷം അഖിൽ സത്യൻ ഒരുക്കിയ ചിത്രമാണ് സർവ്വം മായ. പുറത്തിറങ്ങി വെറും പത്ത് ദിവസം കൊണ്ടാണ് സർവ്വം മായ 100 കോടി നേടിയത്. നിവിൻ പോളിയുടെ കരിയറിലെ ആദ്യ 100 കോടി ചിത്രം കൂടിയാണ് സർവ്വം മായ. ഫൺ സ്വഭാവത്തിൽ ഒരുങ്ങിയ ആദ്യ പകുതിയും ഇമോഷണൽ, ഫീൽ ഗുഡ് രണ്ടാം പകുതിയുമാണ് സിനിമയുടെ പ്രത്യേകത എന്നാണ് അഭിപ്രായങ്ങൾ. സെൻട്രൽ പിക്ചേഴ്സ് ആണ് സിനിമ കേരളത്തിൽ വിതരണം ചെയ്തത്.
Content Highlights: Nivin pauly fun interaction with kids from sarvam maya set goes viral
