LIVE TV
പഞ്ചവത്സര നിയമ ബിരുദ കോഴ്‌സുകള്‍ക്ക് അപേക്ഷ ക്ഷണിച്ച് രാജ്യത്തെ 26 നിയമ സര്‍വകലാശാലകള്‍. കോമണ്‍ ലോ അഡ്മിഷന്‍ ടെസ്റ്റ് വഴിയാണ് പ്രവേശനം. ഇതിനായി ഓണ്‍ലൈന്‍ വഴി അപേക്ഷ നല്‍കണം.
പ്ലസ്ടുവിന് 45 ശതമാനം മാര്‍ക്കാണ് യോഗ്യത. പട്ടിക, ഭിന്നശേഷി വിഭാഗക്കാര്‍ക്ക് 40% മാര്‍ക്ക് മതി. ഉയര്‍ന്ന പ്രായപരിധിയില്ല. അപേക്ഷാഫീസ് 4000 രൂപയാണ് പട്ടിക, ഭിന്നശേഷി, ബിപിഎല്‍ വിഭാഗക്കാര്‍ക്ക് 3500 രൂപ അടച്ചാല്‍ മതിയാകും.
പ്രവേശനപരീക്ഷ ഡിസംബര്‍ 7ന് ഉച്ചയ്ക്കു 2 മുതല്‍ 4 വരെ ഓഫ്ലൈനായി ആണ് നടത്തുന്നത്. കേരളത്തില്‍ പരീക്ഷയെഴുതാന്‍ അവസരമുണ്ട്. ആകെ 120 മള്‍ട്ടിപ്പിള്‍ ചോയ്‌സ് ചോദ്യങ്ങളാകും പരീക്ഷയ്ക്ക് ഉണ്ടാകുക. തെറ്റ് ഉത്തരം നല്‍കിയാല്‍ 0.25 മാര്‍ക്ക് കുറയ്ക്കും. കൂടുതല്‍ വിവരങ്ങള്‍ക്കായി സന്ദര്‍ശിക്കുക.
Content Highlights: applications invited for clat 2026 exam
