LIVE TV
ഇൻഷുറൻസ് മേഖലയിലെ യുപിഐ എന്നാണ് ബീമ സുഗം അറിയപ്പെടുന്നത്. ഒരു പോളിസി എടുക്കുമ്പോൾ ഏജന്റുമാർക്കോ മറ്റ് ഇടനിലക്കാർക്കോ നൽകേണ്ടി വരുന്ന കമ്മീഷൻ ഒഴിവാക്കി, ഇൻഷുറൻസ് സേവനങ്ങൾ നേരിട്ട് ജനങ്ങളിലേക്ക് എത്തിക്കുകയാണ് ഇതിന്റെ ലക്ഷ്യം.
ഇൻഷുറൻസ് പോളിസികൾ വാങ്ങാനും പുതുക്കാനും ക്ലെയിം ചെയ്യാനുമുള്ള ഒരു ഏകീകൃത ഡിജിറ്റൽ പ്ലാറ്റ്ഫോമാണിത്. യുപിഐ ബാങ്കിംഗ് മേഖലയിൽ ഉണ്ടാക്കിയ വിപ്ലവം പോലെ ഇൻഷുറൻസ് മേഖലയെ ലളിതമാക്കുകയാണ് ഇതിന്റെ ലക്ഷ്യം.
സീറോ-കമ്മീഷൻ
ഇടനിലക്കാർക്കും ഏജന്റുമാർക്കും കമ്മീഷൻ നൽകേണ്ടതില്ലാത്ത സീറോ-കമ്മീഷൻ ഇൻഷുറൻസ് ഉൽപ്പന്നങ്ങൾ ഈ പ്ലാറ്റ്ഫോമിലൂടെ ലഭ്യമാകും. കമ്മീഷൻ ഒഴിവാക്കുന്നതോടെ പോളിസികളുടെ പ്രീമിയം തുകയിൽ കാര്യമായ കുറവുണ്ടാകും. ഇത് സാധാരണക്കാർക്ക് ഇൻഷുറൻസ് കൂടുതൽ താങ്ങാനാവുന്നതാക്കും.
സങ്കീർണ്ണമായ നിബന്ധനകൾ ഒഴിവാക്കി ലളിതമായി മനസ്സിലാക്കാവുന്ന സ്റ്റാൻഡേർഡ് ഇൻഷുറൻസ് ഉൽപ്പന്നങ്ങളാണ് ഇതിലൂടെ ലഭിക്കുക. ലൈഫ്, ഹെൽത്ത്, മോട്ടോർ ഇൻഷുറൻസുകൾ ഒരൊറ്റ പ്ലാറ്റ്ഫോമിൽ താരതമ്യം ചെയ്യാനും തിരഞ്ഞെടുക്കാനും സാധിക്കും.
എപ്പോൾ മുതൽ ലഭ്യമാകും?
പദ്ധതി ഘട്ടം ഘട്ടമായാണ് നടപ്പിലാക്കുന്നത്. ജൂൺ മുതൽ പുതിയ വാഹനങ്ങൾക്കുള്ള മോട്ടോർ ഇൻഷുറൻസ് ലഭ്യമാക്കും. ഓഗസ്റ്റ് മുതൽ ആരോഗ്യ ഇൻഷുറൻസ് ഉൽപ്പന്നങ്ങളും വാഹന ഇൻഷുറൻസ് പുതുക്കലും ലഭ്യമാക്കാനാണ് പദ്ധതി. സെപ്റ്റംബർ മുതൽ ടേം ഇൻഷുറൻസ്പ്ലാനുകള് ഇതിലേക്ക് വരും.
ഗുണങ്ങളേറെ
ചുരുക്കത്തിൽ, ഇടനിലക്കാരില്ലാതെ നേരിട്ട് കുറഞ്ഞ നിരക്കിൽ ഇൻഷുറൻസ് ലഭ്യമാക്കുന്നതിലൂടെ ഇൻഷുറൻസ് മേഖലയെ കൂടുതൽ പ്രിയപ്പെട്ടതാക്കാൻ ഈ നീക്കം സഹായിക്കും.
