LIVE TV
പശ്ചിമേഷ്യയിൽ സമാധാന ചർച്ചകൾ പുരോഗമിക്കുന്നതിനിടെ സ്വർണ വിപണിയിൽ വീണ്ടും കുതിപ്പ്. ഒരു പവൻ സ്വർണത്തിന് ഒറ്റയടിയ്ക്ക് 2,120 രൂപയുടെ വർധനയാണ് ഇന്ന് രേഖപ്പെടുത്തിയിരിക്കുന്നത്. ഒരു ഗ്രാം സ്വർണത്തിന് 265 രൂപയുടെ മുന്നേറ്റത്തോടെ 13,725 രൂപയാണ് ഇന്നത്തെ വിപണി വില.
കഴിഞ്ഞ ദിവസം രണ്ടു തവണയാണ് സ്വർണ വില ഉയർന്നത്. രാവിലെ പവന് രാവിലെ 1,280 രൂപ വർധനയോടെ 1,06,880 രൂപയായിരുന്നു വില. എന്നാൽ ഉച്ചയോടെ വീണ്ടും 800 രൂപ കൂടി വർധിച്ചു. രാവിലെ ഗ്രാമിന് 160 രൂപ വർധിച്ച് 13,360 രൂപയായിരുന്നു എങ്കിൽ ഉച്ചക് ശേഷം ഗ്രാമിന് 100 രൂപ കൂടി മുന്നേറ്റം രേഖപ്പെടുത്തി.
ഇതോടെ ഒരു പവൻ സ്വർണത്തിന് 1,07,680 രൂപയുമായി. ഈ മാസത്തെ ഇതുവരെയുള്ള ഏറ്റവും ഉയർന്ന നിലയായിരുന്നു ഇത്. എന്നാൽ അതിനെയും കടത്തിവെട്ടിയാണ് ഇപ്പോൾ സ്വർണം വൻ കുതിപ്പ് റിപ്പോർട്ട് ചെയ്തിരിക്കുന്നത്.
തുടർച്ചയായ കുറച്ച് ദിവസങ്ങളിലെ ഇടിവിന് ശേഷമാണ് രാജ്യാന്തര വിപണിയിൽ സ്വർണവില വീണ്ടും ശക്തമായ തിരിച്ചുവരവ് നടത്തിയത്. ഔൺസിന് 4,200 ഡോളർ എന്ന നിർണായക നിലവാരം മറികടന്നതോടെ ആഗോള വിപണിയിൽ വാങ്ങൽ സമ്മർദ്ദം വർധിച്ചു.
ഇതിന്റെ പ്രതിഫലനമാണ് കേരളത്തിലെ പ്രാദേശിക വിപണിയിലും പ്രകടമായത്. പശ്ചിമേഷ്യയിലെ സമാധാന ചർച്ചകൾ, ഡോളറിലെ ചാഞ്ചാട്ടം, ആഗോള സാമ്പത്തിക അനിശ്ചിതത്വം എന്നിവയും സ്വർണവിലയെ സ്വാധീനിച്ച പ്രധാന ഘടകങ്ങളായാണ് വിപണി വിദഗ്ധർ വിലയിരുത്തുന്നത്.
ഏകദേശം ഇന്നത്തെ സ്വർണവില അനുസരിച്ച്, പണിക്കൂലിയും GSTയും ഉൾപ്പെടെ ഒരു പവൻ (8 ഗ്രാം) സ്വർണാഭരണം വാങ്ങാൻ ഏകദേശം 1.20 ലക്ഷം മുതൽ 1.25 ലക്ഷം വരെ വേണ്ടിവരും. സ്വർണത്തിന്റെ അടിസ്ഥാന വിലയ്ക്ക് പുറമെ ഡിസൈൻ അനുസരിച്ചുള്ള പണിക്കൂലിയും (Making Charge) 3% GSTയും കൂടി ചേർന്നാണ് അന്തിമ തുക കണക്കാക്കുന്നത്. പണിക്കൂലി ഓരോ ജ്വല്ലറിയിലും ഡിസൈനിനും അനുസരിച്ച് മാറുന്നതിനാൽ യഥാർത്ഥ വിലയിൽ വ്യത്യാസം ഉണ്ടാകാം.
Content Highlights: Gold prices in kerala continue to rise, making every gram more valuable. Today’s gold rate update you need to know before buying.
