LIVE TV
നിങ്ങള് തുടര്ച്ചയായി ഇന്സ്റ്റഗ്രാമില് റീലുകള് ഇട്ടിട്ടും ഒന്നും റീച്ച് ആകുന്നില്ലേ?. ലൈക്കുകളും കാഴ്ചക്കാരും ഇല്ലേ?. അതിന് കാരണം നിങ്ങളിടുന്ന റീലിന്റെ ഉള്ളടക്കം മോശമായതുകൊണ്ട് മാത്രമാകണമെന്നില്ല. ഇന്സ്റ്റഗ്രാം സെറ്റിംഗ്സിലെ ചില പ്രശ്നങ്ങള് കൊണ്ടുമാകാം. അതുകൊണ്ടാവാം മികച്ച ഉള്ളടക്കമുള്ള വീഡിയോകള് ഉണ്ടായിരുന്നിട്ടും അവ ആളുകളിലേക്ക് എത്താതിരിക്കുന്നത്. ഇനി പറയുന്ന ചെറിയ ചില മാറ്റങ്ങള് വരുത്തിനോക്കൂ. നിങ്ങളുടെ ഇന്സ്റ്റഗ്രാം റീലുകള്ക്ക് റീച്ച് ലഭിക്കും.
പല ഉപയോക്താക്കളും ചെയ്യുന്ന ഏറ്റവും വലിയ തെറ്റ് താഴ്ന്ന നിലവാരത്തില് വീഡിയോകള് അപ്ലോഡ് ചെയ്യുന്നതാണ്. ഇങ്ങനെ ചെയ്താല് റീല് കുറച്ച് ആളുകളിലേക്ക് മാത്രമേ എത്തുകയുള്ളൂ. ഇതിനായി, ഇന്സ്റ്റഗ്രാം തുറന്ന് സെറ്റിംഗ്സിലേക്ക് പോകുക. അവിടെ Data usage and media quality എന്ന ഓപ്ഷനുകള് നിങ്ങള്ക്ക് കാണാം. ഇവിടെ, Upload in high quality എന്ന ഓപ്ഷന് ഓണാക്കുക. ഈ ക്രമീകരണം നിങ്ങളുടെ വീഡിയോ മികച്ച നിലവാരത്തില് അപ്ലോഡ് ചെയ്യാന് സഹായിക്കും. ഇതിലൂടെ വീഡിയോ കൂടുതല് ആളുകളിലേക്ക് എത്തുകയും ചെയ്യും.
നിങ്ങളുടെ ഫോണില് Data saver (ഡാറ്റ സേവര്) അല്ലെങ്കില്
Battery saver (ബാറ്ററി സേവര്) ഓണാക്കിയിട്ടുണ്ടെങ്കില്, ഇന്സ്റ്റഗ്രാം നിങ്ങളുടെ റീലുകളുടെ ഗുണനിലവാരവും റീച്ചും പരിമിതപ്പെടുത്തിയേക്കാം. ഈ സവിശേഷത, പ്രത്യേകിച്ച് ആന്ഡ്രോയിഡ് ഫോണുകളില് Background Internet & video processing മന്ദഗതിയിലാക്കുന്നു. അതിനാല്, നിങ്ങളുടെ റീല് അപ്ലോഡ് ചെയ്യുന്നതിന് മുമ്പ് ബാറ്ററി സേവറും ഡാറ്റ സേവറും ഓഫ് ചെയ്യുക. ഇത് വീഡിയോ വേഗത്തില് പ്രോസസ്സ് ചെയ്യാന് സഹായിക്കുകയും ഇന്സ്റ്റഗ്രാം അല്ഗോരിതം മികച്ച രീതിയില് പുഷ് ചെയ്യാന് അനുവദിക്കുകയും ചെയ്യും.
ഇന്സ്റ്റഗ്രാമിന്റെ അല്ഗോരിതം ട്രെന്ഡിംഗ് ഓഡിയോ ഉള്ള റീലുകളെ കൂടുതല് പ്രോത്സാഹിപ്പിക്കുന്നു. പഴയതോ (Copyright) പകര്പ്പവകാശമുള്ളതോ ആയ ഗാനങ്ങള് ഉപയോഗിക്കുന്നത് റീച്ച് കുറയ്ക്കും. ഒരു റീല് ഉണ്ടാക്കുമ്പോള്, ട്രെന്ഡിംഗ് മ്യൂസിക് വിഭാഗം പരിശോധിക്കുന്നത് ഉറപ്പാക്കുക. അമ്പടയാളമുള്ള ഓഡിയോ ടൈറ്റിലുകള് ട്രെന്ഡിംഗിലാണ്. അത്തരം ഗാനങ്ങള് ഉപയോഗിക്കുന്നത് നിങ്ങളുടെ റീലുകള് വൈറലാകാനുള്ള സാധ്യത വര്ദ്ധിപ്പിക്കുന്നു.
ഇന്സ്റ്റഗ്രാം അക്കൗണ്ട് ടൈപ്പ് റീച്ചിനെ സ്വാധീനിക്കുമെന്നത് വളരെ കുറച്ച് ആളുകള്ക്ക് മാത്രം അറിയാവുന്ന കാര്യമാണ്. നിങ്ങളുടെ അക്കൗണ്ട് (private)സ്വകാര്യമാണെങ്കില്, റീലുകള് അത്രയും ആളുകളിലേക്ക് എത്തില്ല. ഇത് ഒഴിവാക്കാന്, നിങ്ങളുടെ അക്കൗണ്ട് പബ്ലിക് ആക്കുന്നത് ഗുണം ചെയ്യും. കൂടാതെ, (Professional account )പ്രൊഫഷണല് അക്കൗണ്ട് ഓണാക്കുന്നതും ഗുണം ചെയ്യും. കാരണം ഇത് നിങ്ങള്ക്ക് insight and audience data യിലേക്കും പ്രവേശനം നല്കുന്നു. ഏത് തരത്തിലുള്ള ഉള്ളടക്കമാണ് ഏറ്റവും കൂടുതല് റീച്ചാകുന്നതെന്ന് മനസ്സിലാക്കാന് ഇത് നിങ്ങളെ സഹായിക്കും.
ഓരോ റീലിലും ധാരാളം ഹാഷ്ടാഗുകള് ഇടുന്നത് ദോഷകരമാകും. ഇന്സ്റ്റാഗ്രാം അതിനെ സ്പാം പ്രവര്ത്തനമായി തെറ്റിദ്ധരിച്ച് നിങ്ങളുടെ റീച്ച് കുറച്ചേക്കാം. എല്ലായ്പ്പോഴും ആവശ്യമുള്ള 4 അല്ലെങ്കില് 6 ഹാഷ്ടാഗുകള് ഉപയോഗിക്കുക. നിങ്ങളുടെ റീലിന്റെ വിഷയവുമായി ബന്ധപ്പെട്ട ഹാഷ്ടാഗുകള് തിരഞ്ഞെടുക്കാന് ശ്രദ്ധിക്കുക. ക്രമരഹിതമായതോ ആവര്ത്തിച്ചുള്ളതോ ആയ ടാഗുകള് ഉപയോഗിക്കുന്നത് ഒഴിവാക്കുക.
ഫോളോവേഴ്സ് ഓണ്ലൈനില് ഇല്ലാത്ത സമയത്താണ് നിങ്ങള് റീല് പോസ്റ്റ് ചെയ്യുന്നതെങ്കില്, തുടക്കത്തില് തന്നെ കുറച്ച് Engagements മാത്രമേ ഉണ്ടാവുകയുള്ളൂ. തുടക്കത്തിലെ പ്രകടനത്തെ അടിസ്ഥാനമാക്കിയാണ് ഇന്സ്റ്റാഗ്രാം, റീലുകള്ക്ക് മുന്ഗണന നല്കുന്നത്. വൈകുന്നേരം 6:00 നും 10:00 നും ഇടയിലും രാവിലെ 8:00 നും 10:00 നും ഇടയിലും റീലുകള് പോസ്റ്റ് ചെയ്യുന്നത് ഏറ്റവും അനുയോജ്യമാണെന്ന് കണക്കാക്കപ്പെടുന്നു. ശരിയായ സമയത്ത് സ്ഥിരമായി പോസ്റ്റ് ചെയ്യുന്നത് ക്രമേണ നിങ്ങളുടെ റീച്ച് വര്ദ്ധിപ്പിക്കുന്നു.
Content Highlights : Why your Instagram reels aren't going viral. It may not be because the content of your reel is bad. Try changing some settings.
