LIVE TV
ന്യൂഡൽഹി: ഡൽഹിയിൽ ചെങ്കോട്ടയ്ക്ക് സമീപം നടന്ന സ്‌ഫോടനത്തിൽ അന്വേഷണം പുരോഗമിക്കുമ്പോൾ അൽഫലാഹ് സർവകലാശാലയിലെ രണ്ട് സീനിയർ സ്റ്റാഫുകൾ നിരീക്ഷണത്തിൽ. സ്റ്റുഡൻസ് ഇസ്ലാമിക്ക് മൂവ്‌മെന്റ് ഓഫ് ഇന്ത്യ (സിമി)യുമായും ജമാത്ത് ഇസ്ലാമിയുമായും ഇരുവർക്കും ബന്ധമുണ്ടെന്നാണ് നിഗമനം. ഹരിയാനയിലെ ഫരീദാബാദിലുള്ള അൽഫലാഹ് സർവകലാശാലയിലെ ഡോക്ടറാണ് സ്ഫോടകവസ്തുക്കൾ നിറച്ച കാറുമായെത്തി നവംബർ 10ന് സ്‌ഫോടനം നടത്തിയത്. സംഭവത്തിൽ 15 പേർ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തിരുന്നു.
ഹരിയാനയിലെ ഫരീദാബാദിൽ വൈറ്റ് കോളർ ഭീകര സംഘത്തെ സുരക്ഷാ ഏജൻസി പിടികൂടിയതിന് പിന്നാലെയായിരുന്നു സ്‌ഫോടനം. 2,900 കിലോഗ്രാം സ്‌ഫോടക വസ്തുക്കൾ കണ്ടെത്തുകയും ഇതുമായി ബന്ധപ്പെട്ട് അൽഫലാഹ് സർവകലാശാലയിലെ മൂന്ന് ഡോക്ടർമാരെ അറസ്റ്റ് ചെയ്യുകയും ചെയ്തിരുന്നു. കസ്റ്റഡിയിലുള്ള ഡോക്ടർ ദമ്പതികളായ മുസമ്മിലിനും ഷഹീൻ സയ്ദിനും ഭീകര സംഘടനകളുമായി ബന്ധമുണ്ടെന്ന് വ്യക്തമായിട്ടുണ്ട്. ഇവർ 26ലക്ഷത്തോളം രൂപയാണ് സ്വരൂപിച്ചത്.
അൽഫലാഹ് ഗ്രൂപ്പ് ആൻഡ് ട്രസ്റ്റിന്റെ സാമ്പത്തിക ക്രമക്കേടുകളെ കുറിച്ചും ഇ ഡി അന്വേഷണം വ്യാപിപ്പിച്ചിട്ടുണ്ട്. അറസ്റ്റിലായ അൽഫലാഹ് ഗ്രൂപ്പ് ചെർമാൻ ജവാദ് അഹമ്മദ് സിദ്ധിഖി വ്യാജ രേഖകൾ ചമച്ച് സ്ഥലങ്ങൾ ഏറ്റെടുത്തിട്ടുണ്ടെന്നും അന്വേഷണ സംഘം കണ്ടെത്തിയിട്ടുണ്ട്. സർവകലാശാലയിൽ നടന്ന പരിശോധനകൾക്ക് പിന്നാലെ നവംബർ 18നാണ് ഇഡി സിദ്ധിഖിയെ അറസ്റ്റ് ചെയ്തത്.
Content Highlights: Two senior staffs of Alfalah University under Scanner
