LIVE TV
നിയമസഭാ തെരഞ്ഞെടുപ്പിന് ശേഷം നടന്ന ആദ്യ തദ്ദേശ ഉപതെരഞ്ഞെടുപ്പില്‍ യുഡിഎഫിന് ക്ഷീണം. സിറ്റിംഗ് സീറ്റുകളെല്ലാം നിലനിര്‍ത്താന്‍ യുഡിഎഫിന് കഴിഞ്ഞില്ല. ജയിച്ച സീറ്റുകളില്‍ ഭൂരിപക്ഷത്തിന് വന്‍ കുറവുണ്ടായി. 19 സീറ്റുകളില്‍ യുഡിഎഫിനും പതിനെട്ട് സീറ്റുകളില്‍ എല്‍ഡിഎഫിനുമാണ് ജയം. പാലക്കാട് ചിറ്റൂരില്‍ സുമേഷ് അച്യുതന്‍ രാജിവെച്ച സീറ്റ് യുഡിഎഫിന് നഷ്ടമായി. തൃക്കൊടിത്താനത്ത് എല്‍എഡിഎഫിന് അട്ടിമറി വിജയം നേടാനായി. ഫാത്തിമ തഹ്‌ലിയയുടെ കുറ്റിച്ചിറയിലും സി വി ശാന്തകുമാറിന്‌റെ അടൂരിലും യുഡിഎഫിന് ഭൂരിപക്ഷം നാലിലൊന്നായി കുറഞ്ഞു.
12 ജില്ലകളിലെ 38 തദ്ദേശ വാര്‍ഡുകളിലായി 126 സ്ഥാനാര്‍ഥികളാണ് ജനവിധി തേടിയത്. ഉപതെരഞ്ഞെടുപ്പില്‍ 58.81% പേരാണ് വോട്ട് രേഖപ്പെടുത്തിയത്. ജില്ലാ അടിസ്ഥാനത്തില്‍ ഏറ്റവും അധികം പോളിംഗ് രേഖപ്പെടുത്തിയത് കണ്ണൂര്‍ ജില്ലയിലാണ്. ഏറ്റവും കുറവ് പോളിംഗ് രേഖപ്പെടുത്തിയത് കോട്ടയം ജില്ലയിലാണ്. കൊച്ചി, കോഴിക്കോട് കോര്‍പ്പറേഷനുകളിലെയും മട്ടന്നൂര്‍, ചിറ്റൂര്‍-തത്തമംഗലം, ചാലക്കുടി നഗരസഭകളിലേയും ഓരോ വാര്‍ഡുകളിലും തിരുവനന്തപുരം, കോട്ടയം, പാലക്കാട് ജില്ലകളിലെ ഓരോ വാര്‍ഡുകളിലെയും ഏഴ് ബ്ലോക്ക് പഞ്ചായത്ത് വാര്‍ഡുകള്‍, 23 പഞ്ചായത്ത് വാര്‍ഡുകള്‍ എന്നിവിടങ്ങളിലുമാണ് ഉപതെരഞ്ഞെടുപ്പ് നടന്നത്.
Content Highlights: Vote counting has begun for by-elections held in 38 local body wards across Kerala, with results expected as counting progresses.
കല്ലറയിൽ യുഡിഎഫിന് ജയം. യുഡിഎഫ് സ്ഥാനാർത്ഥി അമി തിലക് 2993 വോട്ടുകൾക്കാണ് ജയിച്ചത്.
തൃക്കൊടിത്താനം ജില്ലാ പഞ്ചായത്ത് ഡിവിഷൻ 17 പിടിച്ചെടുത്ത് എൽഡിഎഫ്. മഞ്ജു സുജിത്ത് 2140 വോട്ടുകളുടെ ഭൂരിപക്ഷത്തിന് വിജയിച്ചു.
ചിറയിന്‍കീഴിലെ കയ്യാങ്കളി ഉപതെരഞ്ഞെടുപ്പിനെ ബാധിച്ചെന്ന് സസ്‌പെന്‍ഷന്‍ നേരിട്ട കോണ്‍ഗ്രസ് പ്രാദേശിക നേതാവ് സജാദ്. രമ്യാ ഹരിദാസിന്‌റെ പ്രവൃത്തികളോടുള്ള ജനങ്ങളുടെ അതൃപ്തിയാണ് തോല്‍വിക്ക് കാരണമെന്നും സജാദ് പറഞ്ഞു.
തൃക്കൊടിത്താനത്ത് വിജയം ഉറപ്പിച്ച് എൽഡിഎഫ്. പത്താം റൗണ്ട് പൂർത്തിയാകുമ്പോൾ മഞ്ജു സുജിത്തിന്റെ ലീഡ്
1434 ആണ്.
കല്ലറ, തൃക്കൊടിത്താനം, പല്ലശ്ശന ഡിവിഷനുകളിലെ ഫലമാണ് ഇനി പ്രഖ്യാപിക്കാനുള്ളത്. കല്ലറയിൽ 1900 വോട്ടുകൾക്ക് യുഡിഎഫ് ലീഡ് തുടരുകയാണ്. ഇനി മൂന്ന് റൗണ്ടുകളാണ് ബാക്കിയുള്ളത്. പാലക്കാട് ജില്ലാ പഞ്ചായത്ത് പല്ലശ്ശന ഡിവിഷനിൽ എൽഡിഎഫ് ലീഡ് തുടരുകയാണ്. വി പൊന്നുക്കുട്ടനാണ് മുന്നിൽ. തൃക്കൊടിത്താനത്ത് 9 റൗണ്ട് പൂർത്തിയാകുമ്പോൾ 1446 വോട്ടിന് എൽഡിഎഫ് മുന്നിലാണ്.
കോഴിക്കോട് കോർപ്പറേഷനിലെ കുറ്റിച്ചിറ വാർഡിൽ യുഡിഎഫ് ഭൂരിപക്ഷം 436 വോട്ടിലേക്ക് ചുരുക്കിയ വോട്ടർമാർക്ക് അഭിവാദ്യങ്ങളെന്ന് മുഹമ്മദ് റിയാസ് എംഎൽഎ. ഫേസ്ബുക്ക് കുറിപ്പിലൂടെയാണ് പ്രതികരണം.
'2273 വോട്ടിന്റെ ഭൂരിപക്ഷത്തിൽ ലീഗ് വിജയിച്ച അതേ കോഴിക്കോട് കോർപ്പറേഷനിലെ കുറ്റിച്ചിറ വാർഡിൽ,ഇത്തവണ ഉപതെരെഞ്ഞെടുപ്പിൽ യു.ഡി.എഫ് ഭൂരിപക്ഷം 436 വോട്ടിലേക്ക് ചുരുങ്ങി. ജനവിരുദ്ധ യുഡിഫ് സർക്കാർ നിലപാടുകളും, മതനിരപേക്ഷതയിൽ വെള്ളം ചേർത്ത് ബി.ജെ.പി രാഷ്ട്രീയത്തോടുള്ള സംസ്ഥാന സർക്കാരിന്റെ മൃദുസമീപനവും യുഡിഫ് പരമ്പരാഗത വോട്ടർമാർ ഉൾപ്പടെ ldf ന് വോട്ട് ചെയ്‌തതിന്‌ കാരണമായിട്ടുണ്ട്. യുഡിഎഫിന്റെ ശക്തികേന്ദ്രത്തിൽ ഈ മുന്നേറ്റം സാധ്യമാക്കിയ സഖാക്കൾക്കും വോട്ടർമാർക്കും അഭിവാദ്യങ്ങൾ. വിജയിച്ച യുഡിഫ് സ്ഥാനാർത്ഥിക്കും ലീഗ് കേന്ദ്രത്തിൽ പൊരുതി തോറ്റ ldf സ്ഥാനാർത്ഥിക്കും അഭിനനന്ദനങ്ങൾ'.
തിരുവനന്തപുരം ജില്ലാ പഞ്ചായത്തിലെ കല്ലറയിൽ സസ്പെൻസ് തുടരുന്നു. യുഡിഎഫ് സ്ഥാനാർഥി അമി തിലക് 1300 വോട്ടുകൾക്ക് ലീഡ് ചെയ്യുന്നു.
ചേലക്കര പതിനാറാം വാർഡ് കുറുമല എൽഡിഎഫിൽ നിന്ന് പിടിച്ചെടുത്തു. വടക്കാഞ്ചേരി ബ്ലോക്ക് പഞ്ചായത്ത് തളി ഡിവിഷനിൽ യുഡിഎഫ് ഭൂരിപക്ഷം ഉയർത്തി. ചാലക്കുടി മുൻസിപ്പാലിറ്റി ഇരുപത്തിനാലാം വാർഡ് യുഡിഎഫ് നിലനിർത്തി. തളിക്കുളം ഗ്രാമപഞ്ചായത്ത് ആര്യമ്പാടം വാർഡ് വെള്ളാങ്ങല്ലൂർ ബ്ലോക്ക് പഞ്ചായത്ത് എടതിരിഞ്ഞി ഡിവിഷൻ എന്നിവ എൽഡിഎഫ് നിലനിർത്തി.
ഏഴാം റൗണ്ട് പൂർത്തിയാകുമ്പോൾ തൃക്കൊടിത്താനത്ത് എൽഡിഎഫ് ലീഡ്. എൽഡിഎഫ് സ്ഥാനാർത്ഥി മഞ്ജു സുജിത്ത് 918 വോട്ടിന് മുന്നിൽ
തിരുവനന്തപുരത്ത് ഉപതിരഞ്ഞെടുപ്പ് നടന്ന അഞ്ച് വാർഡുകളിൽ മൂന്നിടത്തും എൽഡിഎഫിന് വിജയം. രണ്ട് സീറ്റ് യുഡിഎഫിൽ നിന്ന് പിടിച്ചെടുത്തു. വർക്കല ഒറ്റൂരിലെ സിറ്റിംഗ് സീറ്റ് നിലനിർത്തി.
പാലക്കാട് ജില്ലയിൽ മൂന്നിടത്ത് അട്ടിമറി
ഉപതെരഞ്ഞെടുപ്പിൽ പാലക്കാട് ജില്ലയിൽ മൂന്നിടത്ത് അട്ടിമറി. ചിറ്റൂർ മുൻസിപ്പാലിറ്റി 24-ാം വാർഡിൽ ടോസിൽ വിജയിച്ചുകയറി എൽഡിഎഫ്. യുഡിഎഫിൻ്റെ സീറ്റ് പിടിച്ചെടുത്തു. ആലത്തൂർ ബ്ലോക്ക് പഞ്ചായത്തിലെ അത്തിപ്പറ്റ ഡിവിഷനിൽ എൽഡിഎഫിനാണ് വിജയം.
790 വോട്ടിന് യുഡിഎഫിൻ്റെ സീറ്റ് പിടിച്ചെടുത്തു.
ശ്രീകൃഷ്ണപുരം പഞ്ചായത്തിൽ വാർഡ് 13 രാഗം കോർണറിൽ യുഡിഎഫ് വിജയിച്ചു. എൽഡിഎഫിൻ്റെ സീറ്റ് പിടിച്ചെടുത്തു
പട്ടഞ്ചേരി വാർഡ് 9 പാറക്കാട്ടുച്ചള്ള എൽഡിഎഫ് നിലനിർത്തി. കരിമ്പ വാർഡ് 13 വെട്ടം യുഡിഎഫ് നിലനിർത്തി. മലമ്പുഴ ബ്ലോക്ക് പഞ്ചായത്ത് ഹേമാംബിക നഗർ ഡിവിഷൻ എൽഡിഎഫ് നിലനിർത്തി.
മലപ്പുറം ജില്ലയിൽ സിറ്റിംഗ് സീറ്റുകൾ അതാത് മുന്നണികൾ നിലനിർത്തി. വേങ്ങര മൂന്നാം വാർഡും താനാളൂർ ഒന്നാം വാർഡും യുഡിഎഫ് നിലനിർത്തിയപ്പോൾ മങ്കട നാലാം വാർഡും കാലടി 12-ാം വാർഡും എൽഡിഎഫ് നിലനിർത്തി.
കല്ലറയിൽ ലീഡ് ഉയർത്തി UDF
തിരുവനന്തപുരം ജില്ലാ പഞ്ചായത്തിലെ കല്ലറയിൽ യുഡിഎഫ് സ്ഥാനാർഥി അമി തിലക് ലീഡ് ചെയ്യുന്നു. നാല് റൗണ്ട് പൂർത്തിയായപ്പോൾ 939 വോട്ടിന് മുന്നിലാണ്.
തൃക്കൊടിത്താനത്ത് നിറം മങ്ങി യുഡിഎഫ്
തൃക്കൊടിത്താനം ജില്ലാ പഞ്ചായത്തിൽ യുഡിഎഫ് ലീഡ് വീണ്ടും കുറഞ്ഞു. ലീഡ് 202 ആയി. ചങ്ങനാശ്ശേരി എംഎൽഎ വിനു ജോബിന്റെ സീറ്റാണ്.
കൊച്ചി കോർപ്പറേഷൻ അയ്യപ്പൻ കാവ് ഡിവിഷൻ - UDF നിലനിർത്തി
പൂതൃക്ക പഞ്ചായത്തിലെ എട്ടാം വാർഡ് ട്വന്റി ട്വന്റി നിലനിർത്തി ( ഭൂരിപക്ഷം 96)
വടക്കേക്കര പഞ്ചായത്തിലെ ഒൻപതാം വാർഡ് UDF നിലനിർത്തി ( ഭൂരിപക്ഷം 140)
പാറക്കടവ് പഞ്ചായത്തിലെ നാലാം വാർഡ് LDF നിലനിർത്തി ( ഭൂരിപക്ഷം 207)
തിരുവനന്തപുരം വർക്കലയിൽ 925 വോട്ടിന്റെ ഭൂരിപക്ഷത്തിൽ എൽഡിഎഫ് വിജയിച്ചു.
UDF 4 വാർഡുകളിൽ ജയിച്ചു.
ഭൂരിപക്ഷം
കുറ്റൂർ ഓതറ വാർഡ് - 148, രബീഷ് മോൻ
കുന്നന്താനം, വള്ളോകുന്നു വാർഡ് - 2, രാധാമണിയമ്മ
റാന്നി, ബ്ലോക്ക്പടി വാർഡ് - 5, രമ്യ മോൾ
അരുവാപുലം, കല്ലേലി വാർഡ് - 112, അനില സുരേഷ്
തിരുവനന്തപുരം തിരുപ്പുറം, പഴയകടയിൽ വാർഡ് നിലനിർത്തി കോൺഗ്രസ്. കോൺഗ്രസ് സ്ഥാനാർത്ഥി സി എസ് സുനിൽ 169 വോട്ടുകൾക്ക് വിജയിച്ചു.
തിരുവനന്തപുരം മംഗലപുരം ഗ്രാമപഞ്ചായത്തിലെ മുണ്ടയ്ക്കൽ വാർഡ് 139 വോട്ടിന് എൽഡിഎഫ് വിജയിച്ചു. യുഡിഎഫിൻ്റെ കയ്യിലുണ്ടായിരുന്ന വാർഡാണ് എൽഡിഎഫ് പിടിച്ചെടുത്തത്.
പാലക്കാട് കരിമ്പ പതിമൂന്നാം വാർഡ് വെട്ടം യുഡിഎഫ് സ്ഥാനാർത്ഥി അബ്ദുൽ ജലീൽ 335 വോട്ടിന് വിജയിച്ചു. യുഡിഎഫ് സ്ഥാനാർഥി അബ്ദുൽ ജലീൽ 692 വോട്ടും, എൽഡിഎഫ് സ്ഥാനാർത്ഥി മുഹമ്മദ് അഷറഫ് 357 വോട്ടും നേടി. ബിജെപി സ്ഥാനാർത്ഥി ശിവൻ ഒ ആർ 187 വോട്ടാണ് നേടിയത്.
പാറക്കടവ് പുളിയനം തെക്ക് നാലാം വാർഡ് LDF നിലനിർത്തി. സിപിഐഎമ്മിന്റെ സുഗന്ധി ജോഷി 207 വോട്ടിന്റെ ഭൂരിപക്ഷത്തിന്
വിജയിച്ചു.
കാസർകോട് പിലിക്കോട് പഞ്ചായത്ത് രണ്ടാം വാർഡ് LDF നിലനിർത്തി. 297 വോട്ടിന് സി കെ ഓമന വിജയിച്ചു. വോട്ട് നില, LDF - 591, UDF - 294, BJP - 18.
പാലക്കാട് ശ്രീകൃഷ്ണപുരം ഗ്രാമപഞ്ചായത്തിൽ അട്ടിമറി. വാർഡ് 13 UDF പിടിച്ചെടുത്തു.
പത്തനംതിട്ട അരുവാപ്പുലം കല്ലേലി വാർഡിൽ UDF ഭൂരിപക്ഷം കുറഞ്ഞു. സി വി ശാന്തകുമാറിന് ലഭിച്ച വോട്ട് യുഡിഎഫ് സ്ഥാനാർത്ഥിക്ക് ലഭിച്ചില്ല.
മട്ടന്നൂർ നഗരസഭ ഉരുവച്ചാൽ വാർഡ് എൽഡിഎഫ് നിലനിർത്തി. എ കെ സുരേഷ് കുമാർ 276 വോട്ടിന് ജയിച്ചു.
കണ്ണൂർ പെരളശ്ശേരി പഞ്ചായത്തിലെ ആറാം വാർഡ് യുഡിഎഫിൽ നിന്ന് എൽഡിഎഫ് പിടിച്ചെടുത്തു. എൽഡിഎഫിലെ കെ വി രതീശനാണ് വിജയിച്ചത്. 65 വോട്ടിനാണ് ജയം.
തിരുവനന്തപുരം മംഗലപുരം പഞ്ചായത്തിലെ മുണ്ടക്കൽ വാർഡിൽ എൽഡിഎഫ് ലീഡ് ചെയ്യുന്നു. യുഡിഎഫ് സിറ്റിങ്സീറ്റ് ആയിരുന്നു.
എറണാകുളം പൂത്തൃക്ക പഞ്ചായത്തിൽ 339 വോട്ടിന് ട്വൻ്റി20 വിജയിച്ചു.
മലപ്പുറം വേങ്ങര 3-ാം വാർഡിൽ യുഡിഎഫ് സ്ഥാനാർത്ഥി ഹസീന ഫസൽ 808 വോട്ടിന്റെ ഭൂരിപക്ഷത്തിൽ വിജയിച്ചു. കഴിഞ്ഞ തവണ ലീഡ് 720 ആയിരുന്നു.
പാലക്കാട് കരിമ്പ ഗ്രാമ പഞ്ചായത്തില്‍ വെട്ടം 13 ആം വാർഡിൽ യുഡിഎഫ് 335 വോടിന് അബ്‌ദുൾ ജലീൽ ജയിച്ചു.
പത്തനംതിട്ട കൂറ്റൂർ ഓതറ വാർഡിൽ UDF ന് വിജയം
കോട്ടയം പാമ്പാടി ഗ്രാമപഞ്ചായത്തിൽ അട്ടിമറി. യുഡിഎഫ് വാർഡ് എൽഡിഎഫ് പിടിച്ചെടുത്തു. എൽഡിഎഫ് സ്ഥാനാർത്ഥി സണ്ണി വർഗീസ് വിജയിച്ചു. 66 വോട്ടിന്റെ ഭൂരിപക്ഷമാണുള്ളത്. കഴിഞ്ഞ തവണ 98 വോട്ടിന് യുഡിഎഫ് വിജയിച്ച വാർഡ് ആണിത്.
യുഡിഎഫ് ജയം
പത്തനംതിട്ട അരുവാപ്പുലം പഞ്ചായത്ത് കല്ലേലി വാർഡിൽ യുഡിഎഫ് സ്ഥാനാർത്ഥി വിജയിച്ചു. അനില സുരേഷാണ് വിജയിച്ചത്. റാന്നി ബ്ലോക്ക് പടി വാർഡിൽ യുഡിഎഫ് സ്ഥാനാർത്ഥി രമ്യ മോൾ വിജയിച്ചു.
കോട്ടയം മീനടം ഗ്രാമപഞ്ചായത്ത് ഒന്നാം വാർഡിൽ 156 വോട്ടുകൾക്ക് കോൺഗ്രസ് സ്ഥാനാർഥി പ്രീത പ്രസാദ് വിജയിച്ചു.
പാലക്കാട് പട്ടഞ്ചേരി പഞ്ചായത്തിൽ 18 വോട്ടിന് എൽഡിഎഫ് സ്ഥാനാർഥി ബിന്ദു കുമാരി വിജയിച്ചു. കഴിഞ്ഞ തവണ രണ്ട് വോട്ടിന് വിജയിച്ച വാർഡിലാണ് ഇത്തവണ 18 വോട്ടിന് എൽഡിഎഫ് വിജയിച്ചത്.
കണ്ണൂരിലെ പെരളശ്ശേരി പഞ്ചായത്തിലെ ആറാം വാർഡ് യുഡിഎഫിൽ നിന്ന് എൽഡിഎഫ് പിടിച്ചെടുത്തു. എൽഡിഎഫിലെ കെ വി രതീശനാണ് വിജയിച്ചത്. 65വോട്ടിനാണ് ജയം.
ചാലക്കുടി മുന്‍സിപ്പാലിറ്റി വാര്‍ഡ് 24 നിലനിര്‍ത്തി യുഡിഎഫ്. വി ഒ പൈലപ്പന്‍ വിജയിച്ചു.
ഇടുക്കി മുട്ടം പഞ്ചായത്ത് ഒമ്പതാം വാർഡ് എൽഡിഎഫിൽ നിന്ന് പിടിച്ചെടുത്ത് യുഡിഎഫ്.
പാലക്കാട് ചിറ്റൂർ തത്തമംഗലം നഗരസഭയിലെ 24-ാം വാർഡിലേക്ക് നടന്ന ഉപതെരഞ്ഞെടുപ്പിൽ ഫലം ഫോട്ടോ ഫിനിഷിലേക്ക്. എൽഡിഎഫിനും യുഡിഎഫിനും തുല്യം വോട്ടുകളാണ് ലഭിച്ചത്. എൽഡിഎഫിനും യുഡിഎഫിനും 423 വോട്ട് വീതമാണ് ലഭിച്ചത്. ഇവിടെ. നറുക്കെടുപ്പിലൂടെ വിജയിയെ കണ്ടെത്തും.
