Get the latest news at
your fingertips!
Download our app now
LIVE TV
Search
പത്തനംതിട്ട: ഇളമണ്ണൂരില് പിരിവ് കുറഞ്ഞതിന് സ്ഥാപന ഉടമയെ മര്ദ്ദിച്ചു. കെ എം വുഡ് പ്രൊഡക്ട്സ് എന്ന സ്ഥാപനത്തിന്റെ ഉടമയ്ക്കാണ് മര്ദ്ദനമേറ്റത്. ക്ലബിന്റെ പിരിവിന് വേണ്ടി എത്തിയവര് കൂടുതല് തുക ആവശ്യപ്പെടുകയായിരുന്നു. ക്ഷേത്രത്തിലെ കെട്ടുരുപ്പടികള് കൊണ്ടുപോകാന് എന്ന പേരിലായിരുന്നു പണപ്പിരിവ്.
എന്നാല് ഇത് നല്കാത്തത് മൂലം സ്ഥാപന ഉടമയെ ക്രൂരമായി മര്ദ്ദിച്ചെന്നാണ് എഫ്ഐആര്. ഇന്നലെ ഉച്ചയ്ക്ക് മൂന്നരയോടു കൂടിയായിരുന്നു സംഭവം. സ്ഥാപന ഉടമയ്ക്ക് 10 ലക്ഷം രൂപയുടെ നഷ്ടമുണ്ടായതായി പൊലീസ് അറിയിച്ചു.
സംഭവത്തില് മൂന്നുപേരെ അറസ്റ്റ് ചെയ്തു. പ്രാദേശിക സിപിഐഎം പ്രവര്ത്തകരെയാണ് അറസ്റ്റ് ചെയ്തത്. കണ്ടാലറിയാവുന്ന ഏഴ് പേര്ക്കെതിരെയും കേസെടുത്തിട്ടുണ്ട്.
Content Highlights: CPM workers assault establishment owner over low collection in Ilamannur Pathanamthitta
