Get the latest news at
your fingertips!
Download our app now
LIVE TV
Search
തിരുവനന്തപുരം: രാഹുല് മാങ്കൂട്ടത്തിലിനെ സസ്പെന്ഡ് ചെയ്യാനുള്ള തീരുമാനം താന് അറിഞ്ഞിട്ടില്ലെന്ന് മുന് കെപിസിസി പ്രസിഡന്റ് കെ സുധാകരന്. നടപടിയെടുക്കുന്ന യോഗത്തില് താന് പങ്കെടുത്തിട്ടില്ലെന്നും കെ സുധാകരന് പറഞ്ഞു. രാഹുലിന്റെ കാര്യത്തില് തന്റെ നിലപാടില് ഉറച്ച് നില്ക്കുന്നു. ഓരോരുത്തര്ക്കും വ്യത്യസ്ത കാര്യങ്ങളില് വ്യത്യസ്ത നിലപാടുകള് ഉണ്ടാകുമെന്നും കെ സുധാകരന് വ്യക്തമാക്കി.
'ഇതെല്ലാം കാലക്രമേണ ശമിക്കുന്ന പ്രശ്നങ്ങളാണ്. പല കാലങ്ങളിലായി ഇങ്ങനെ പല കാര്യങ്ങളും സംഭവിക്കുകയും അത് മറക്കുകയും പൊറുക്കപ്പെടുകയും ചെയ്തിട്ടുണ്ട്. ഞാന് പറയുന്നത് എന്റെ മാത്രം നിലപാടാണ്. രാഹുല് ചില കാര്യങ്ങളില് മാറ്റം വരുത്തേണ്ടതുണ്ട്. പല നേതാക്കളും എന്റെ അഭിപ്രായത്തിന് എതിരാണ്. അതില് എനിക്ക് പരിഭവമില്ല. ഓരോരുത്തര്ക്കും അവരവരുടെ നിലപാടുകള് ഉണ്ടല്ലോ.' കെ സുധാകരന് കൂട്ടിച്ചേര്ത്തു.
അതേസമയം രാഹുല് മാങ്കൂട്ടത്തില് വിഷയത്തില് കെ സുധാകരന്റെ പ്രസ്താവനയില് നിന്ന് ഒഴിഞ്ഞ് മാറിയായിരുന്നു പ്രതിപക്ഷ നേതാവ് വി ഡി സതീശന്റെ പ്രതികരണം. ഈ സംഭവം ഇപ്പോള് കുത്തിപ്പൊക്കി കൊണ്ടുവരുന്നത് സ്വര്ണക്കൊള്ള കേസ് വഴിതിരിച്ച് വിടാനുള്ള ശ്രമമാണെന്നും ഇക്കാര്യത്തില് കോണ്ഗ്രസ് കൈക്കൊണ്ടത് മാതൃകാപരമായ നിലപാടാണെന്നും വി ഡി സതീശന് പറഞ്ഞു.
രാഹുല് മാങ്കൂട്ടത്തില് പെണ്കുട്ടിയെ ഗര്ഭധാരണത്തിനും ഗര്ഭഛിദ്രത്തിനും നിര്ബന്ധിക്കുന്നത് എന്ന് പറയപ്പെടുന്ന ശബ്ദരേഖയും പുറത്ത് വന്നിരുന്നു. ഇതിന് മുന്പ് പുറത്ത് വന്ന ശബ്ദരേഖയും വാട്സ് ആപ്പ് ചാറ്റുമുള്പ്പെടെ വിവാദമായിരുന്നു. ഇതിന് പിന്നാലെയാണ് ഇപ്പോള് പുതിയ വിവാദവും പൊട്ടിപ്പുറപ്പെട്ടിരിക്കുന്നത്. ഇതിന് മുന്പ് പുറത്തുവന്ന ശബ്ദരേഖയെ തുടര്ന്ന് രാഹുലിനെ പാര്ട്ടിയില് നിന്ന് മാറ്റി നിര്ത്തിയിരുന്നു. തദ്ദേശ തെരഞ്ഞെടുപ്പിന്റെ ഭാഗമായി രാഹുല് വീണ്ടും സജീവമായതിന് പിന്നാലെയാണ് വീണ്ടും ശബ്ദരേഖ പുറത്തുവന്നത്.
Content Highlight; 'I am not aware of the decision to suspend Rahul, I am saying only my position'; K Sudhakaran
