LIVE TV
വാഷിങ്ടൺ: ഇറാന്-യുഎസ് സമാധാന കരാര് ഒപ്പുവെച്ചെന്ന് സ്ഥിരീകരിച്ച് അമേരിക്കന് പ്രസിഡന്റ് ഡോണള് ട്രംപ്. എല്ലാ കരാറുകളും ഒപ്പ് വെച്ചു ഹോര്മൂസ് കടലിടുക്ക് വെള്ളിയാഴ്ചയോടെ തുറക്കും എന്നാണ് ഡോണള് ട്രംപ് അറിയിച്ചത്. ഇറാന് ആണവായുധം ഉണ്ടാക്കില്ലെന്ന് ഉറപ്പായെന്നും ഇരുരാജ്യങ്ങളും തമ്മില് ശക്തമായ നയന്ത്രത്തില് ഏര്പ്പെട്ടെന്നും ട്രംപ് വ്യക്തമാക്കി. കരാറുമായി സംബന്ധിച്ച എല്ലാ വിവരങ്ങളും ഉടന് പുറത്ത് വിടുമെന്നും ട്രംപ് പറഞ്ഞു.
പശ്ചിമേഷ്യന് സംഘര്ഷം അവസാനിപ്പിക്കാനുള്ള കരാറില് ഉടന് ഒപ്പു വെക്കുമെന്ന് യുഎസ് പ്രസിഡന്റ് ഡോണള്ഡ് ട്രംപ് പ്രഖ്യാപിച്ചിരുന്നു. കരാറില് ഒപ്പിട്ടാലുടന് ഹോര്മുസ് വീണ്ടും തുറക്കുമെന്നും ട്രംപ് അറിയിച്ചിരുന്നു. ഇറാന് ഭാവിയില് ആണവായുധം നിർമ്മിക്കില്ലെന്നും യുറേനിയം ശേഖരം യുഎസ് പിടിച്ചെടുത്ത് നശിപ്പിക്കുമെന്നും ട്രംപ് പ്രഖ്യാപിച്ചിരുന്നു. ഭാവിയില് ഇറാന് ആണവായുധങ്ങള് നിര്മ്മിക്കുകയോ വികസിപ്പിക്കുകയോ ചെയ്യില്ല, ഇറാനിലെ മലനിരകള്ക്കിടയില് ഒളിപ്പിച്ചിരിക്കുന്ന സമ്പുഷ്ടീകരിച്ച യുറേനിയം ശേഖരം പുറത്തെടുത്ത് നശിപ്പിക്കുമെന്നുമാണ് ട്രംപ് പറഞ്ഞത്.
Content Highlights: US President Donald Trump has confirmed that a peace agreement between Iran and the United States has been signed, marking a major diplomatic development
