LIVE TV
ഫുട്ബോൾ ഇതിഹാസം ക്രിസ്റ്റ്യാനോ റൊണാൾഡോയും പങ്കാളി ജോർജിന റോഡ്രിഗസും വിവാഹിതരായി. പത്ത് വർഷത്തെ നീണ്ട പ്രണയത്തിന് ശേഷമായിരുന്നു വിവാഹം. ഓഗസ്റ്റ് 11-ന് പോർച്ചുഗലിലെ കാസ്കൈസിൽ നടന്ന സ്വകാര്യ ചടങ്ങിലാണ് ഇവർ ഔദ്യോഗികമായി വിവാഹിതരായത്.
വെള്ള വസ്ത്രം ധരിച്ച് വിവാഹമോതിരങ്ങൾ പ്രദർശിപ്പിക്കുന്ന ഇൻസ്റ്റാഗ്രാം പോസ്റ്റിലൂടെയാണ് ദമ്പതികൾ തങ്ങളുടെ വിവാഹവിവരം സ്ഥിരീകരിച്ചത്. 2025 ഓഗസ്റ്റ് 11-ന് ജോർജിന റോഡ്രിഗസ് തങ്ങളുടെ വിവാഹനിശ്ചയം പ്രഖ്യാപിച്ചതിന്റെ കൃത്യം ഒരു വർഷത്തിന് ശേഷമാണ് ഈ ചടങ്ങ് നടന്നിരിക്കുന്നത്. സെലിബ്രിറ്റി ആഘോഷങ്ങൾ ഒഴിവാക്കി തികച്ചും കുടുംബാംഗങ്ങളുടെ സാന്നിധ്യത്തിലാണ് വിവാഹം നടത്തിയത്.
Cristiano resmi umumkan pernikahannya dengan pasangannya Georgina Rodríguez 💍
— beIN SPORTS Indonesia (@beINSPORTSid) August 12, 2026
Congrats Cris!
📸 Instagram: @cristiano #beINSPORTSID pic.twitter.com/6gN0c3zkHV
കഴിഞ്ഞ ഓഗസ്റ്റ് 8-ന് മദീരയിലെ ഫഞ്ചൽ കത്തീഡ്രലിൽ ഇരുവരും വിവാഹിതരാകുന്നുവെന്ന അഭ്യൂഹത്തെ തുടർന്ന് നൂറുകണക്കിന് ആരാധകർ അവിടെ തടിച്ചുകൂടിയിരുന്നു. എന്നാൽ അവിടെ മറ്റൊരു ദമ്പതികളുടെ വിവാഹമാണ് നടന്നത്. പിന്നീട് എല്ലാ അഭ്യൂഹങ്ങൾക്കും വിരാമമിട്ടുകൊണ്ടാണ് ദമ്പതികൾ സ്വന്തം നിലയിൽ സ്വകാര്യ ചടങ്ങിലൂടെ വിവാഹിതരായത്.
content highlights: cristiano ronaldo and georgina rodriguez get married
