LIVE TV
അഫ്ഗാനിസ്ഥാനെതിരായ ടി20 പരമ്പരയ്ക്ക് മുമ്പ് ഇന്ത്യൻ ടീമിന് ആശ്വാസവാർത്ത. പരിക്കേറ്റ ഓൾറൗണ്ടർ വാഷിംഗ്ടൺ സുന്ദർ ഫിറ്റ്നസ് വീണ്ടെടുത്തു.
സുന്ദർ അഫ്ഗാനെതിരെയായ ടി 20 പരമ്പര മത്സരങ്ങൾക്ക് സജ്ജനാണെന്ന് ബെംഗളൂരുവിലെ സെന്റര് ഓഫ് എക്സലന്സ് വ്യക്തമാക്കി. സെപ്റ്റംബർ 13-നാണ് പരമ്പരയ്ക്ക് തുടക്കമാകുന്നത്. 15 ന് രണ്ടാം ടി 20 യും 17 ന് മൂന്നാം ടി 20 യും നടക്കും.
അതേസമയം പേസർ ജസ്പ്രീത് ബുംറയുടെ കാര്യത്തിൽ ഇതുവരെ തീരുമാനായിട്ടില്ല. സെപ്റ്റംബർ 9-ന് നടക്കുന്ന സിമുലേഷന് ശേഷമേ ബുംറയെ അഫ്ഗാനിസ്ഥാനെതിരായ പരമ്പരയിൽ ഉൾപ്പെടുത്തുന്ന കാര്യത്തിൽ ബി സി സി ഐ തീരുമാനമെടുക്കൂ.
ബുംറയ്ക്ക് പുറമെ ഹർഷിത് റാണ, നിതീഷ് കുമാർ റെഡ്ഡി എന്നിവരുടെ ഫിറ്റ്നസ് ക്ലിയറൻസും ഇന്ത്യ കാത്തിരിക്കുകയാണ്. ഇരുവരും ഫിറ്റ്നസ് ടെസ്റ്റുകളും മാച്ച് സിമുലേഷനുകളും പൂർത്തിയാക്കിയെങ്കിലും പൂർണ്ണ ഫിറ്റ്നസ് ഔദ്യോഗികമായി പ്രഖ്യാപിച്ചിട്ടില്ല.
അടുത്തിടെ അയർലൻഡ്, ഇംഗ്ലണ്ട് പരമ്പരകളിലായി തുടർച്ചയായി ആറ് ടി20 മത്സരങ്ങളിൽ തോൽവി വഴങ്ങിയതോടെയാണ് അഫ്ഗാനിസ്ഥാനെതിരെ ശക്തമായ ടീമിനെത്തന്നെയാണ് ഇന്ത്യ അണിനിരത്തുന്നത്.
Content Highlights: washington sundar fit for india vs afghanistan t20i series
