LIVE TV
ശ്രീലങ്കയ്ക്കെതിരായ ഒന്നാം ക്രിക്കറ്റ് ടെസ്റ്റിൽ രണ്ടാം ഇന്നിങ്സിൽ അടിതെറ്റി ഇന്ത്യ. 78 റണ്സിന്റെ ഒന്നാം ഇന്നിംഗ്സ് ലീഡുമായി നാലാം ദിനം രണ്ടാം ഇന്നിംഗ്സിനായി ക്രീസിലിറങ്ങിയ ഇന്ത്യ 193 റണ്സിന് ഓള് ഔട്ടായി. 66 റണ്സെടുത്ത റിഷഭ് പന്താണ് ഇന്ത്യയുടെ ടോപ് സ്കോറര്.
ആദ്യ ഇന്നിംഗ്സില് സെഞ്ചുറി നേടിയ മലയാളി താരം ദേവ്ദത്ത് പടിക്കല് 44 റണ്സുമായി രണ്ടാം ഇന്നിംഗ്സിലും തിളങ്ങിയപ്പോള് കെ എല് രാഹുല് 35 റണ്സെടുത്തു. മറ്റാര്ക്കും ഇന്ത്യൻ നിരയില് രണ്ടക്കം കടക്കാനായില്ല.
ശ്രീലങ്കക്കായി അസിത ഫെര്ണാണ്ടോ 31 റണ്സിന് നാലു വിക്കറ്റെടുത്തപ്പോൾ പ്രഭാത് ജയസൂര്യ 43 റണ്സിന് 3 വിക്കറ്റെടുത്തു. ലാഹിരു കുമാര രണ്ട് വിക്കറ്റ് നേടി.
നേരത്തെ ശ്രീലങ്കയുടെ 192 റൺസിന്റെ ഒന്നാം ഇന്നിങ്സിന് മറുപടിയായി ഇന്ത്യ 462 റൺസ് നേടിയിരുന്നു. 162 റൺസ് നേടിയ ദേവ്ദത്ത് പടിക്കലിന്റെ സെഞ്ച്വറിയാണ് ഇന്ത്യയെ ഒന്നാം ഇന്നിങ്സിൽ തകർപ്പൻ സ്കോറിലേക്ക് നയിച്ചത്. ഇന്ത്യയുടെ ഒന്നാം ഇന്നിംഗ്സ് ലീഡ് അടക്കം 372 റൺസ് വിജയലക്ഷ്യമാണ് ശ്രീലങ്കയ്ക്ക് മുന്നിലുള്ളത്.
content highlights: india vs sri lanka 1st test galle india second innings bowled out 193
