LIVE TV
അരങ്ങേറ്റ സീസണില് ഏറ്റവുമധികം സിക്സറുകള്നേടിയ താരമെന്ന റെക്കോഡ് പേരിലാക്കി കൂപ്പര് കോണൊലി. ശ്രീലങ്കന് ഇതിഹാസ താരത്തെയാണ് അദ്ദേഹം മറികടന്നത്. ഈ സീസണില് കളിക്കുന്ന കോണൊലി 32 സിക്സറുകളാണ് നേടിയത്. 2008 ഐപിഎലിലെ ആദ്യ സീസണിലെ സനത് ജയസൂര്യ നേടിയ റെക്കോഡാണ് കോണൊലി തകര്ത്തത്. അന്ന് ജയസൂര്യ നേടിയത് 31 സിക്സറുകളായിരുന്നു.
സീസണില് ഒരു സെഞ്ചുറിയും രണ്ട് അര്ധ സെഞ്ചുറികളും താരം നേടിയിട്ടുണ്ട്. ആര്സിബിക്കെതിരായ മത്സരത്തില് മൂന്ന് സിക്സറുകളാണ് കോണൊലി നേടിയത്. പഞ്ചാബ് കിങ്സിനുവേണ്ടി മികച്ച പ്രകടനം നടത്തിയ താരം ജയങ്ങളില് നിര്ണായകവുമായി. 13 മത്സരങ്ങളില്നിന്ന് 473 റണ്സാണ് താരം നേടിയത്. പുറത്താകാതെ നേടിയ 107 റണ്സാണ് ഏറ്റവും ഉയര്ന്ന സ്കോര്. 32 സിക്സറുകള് മാത്രമല്ല. 39 ഫോറുകളും നേടിയിട്ടുണ്ട് കൂപ്പര് കോണൊലി. നിലവില് ഓറഞ്ച് ക്യാപിനുള്ള പോരാട്ടത്തില് കോണൊലി എട്ടാം സ്ഥാനത്താണ്. ഇനി ഒരു മത്സരം ശേഷിക്കെ ഒന്നാം സ്ഥാനത്തേക്ക് എത്തുകയും ഓറഞ്ച് ക്യാപ് നിലനിര്ത്തുകയും വെല്ലുവിളിയാണ്. അതേസമയം, ഓറഞ്ച് ക്യാപിനും പോരാട്ടം കടുപ്പമേറിയതാണ്.
ഗുജറാത്ത് ടൈറ്റന്സ് താരങ്ങളായ സായ് സുദര്ശന്, ശുഭ്മാന് ഗില്, വിരാട് കോഹ്ലി, കെഎല് രാഹുല്, ഹെന്റിച്ച് ക്ലാസന്, വൈഭവ് സൂര്യവംശി തുടങ്ങിയവരാണ് പോരാട്ടത്തിലുള്ളത്. 552 റണ്സുമായാണ് ശുഭ്മാന് ഗില് രണ്ടാമതെത്തിയത്. 542 റണ്സുള്ള വിരാട് കോഹ്ലി മൂന്നാം സ്ഥാനത്തും 533 റണ്സോടെ കെഎല് രാഹുല് നാലാമതുമുണ്ട്. ഹെന്റിച്ച് ക്ലാസന്, വൈഭവ് സൂര്യവംശി, അഭിഷേക് ശര്മ തുടങ്ങിയവരും പിന്നാലെയുണ്ട്. 450 റണ്സോടെ സഞ്ജു സാംസണ് പത്താം സ്ഥാനത്താണ്. ഒരു മത്സത്തിലെ മികച്ച പ്രകടനം കൊണ്ടുതന്നെ ഒന്നാമതെത്താന് സാധിക്കുന്ന രീതിയിലാണ് ഈ ഐപിഎല് സീസണിലെ പോരാട്ടങ്ങളെല്ലാം.
content highlights: Most sixes in a debut season; Cooper Connolly claims the record
