Get the latest news at
your fingertips!
Download our app now
LIVE TV
Search
ഐസിസിയുടെ വനിതാ ടി20 റാങ്കിങില് നേട്ടമുണ്ടാക്കി ഇന്ത്യന് ഓള് റൗണ്ടര് ദീപ്തി ശര്മ. താരം ബൗളര്മാരുടെ പട്ടികയില് ഒന്നാം റാങ്കിലെത്തി. കരിയറില് ഇതാദ്യമായാണ് താരം ഒന്നാം സ്ഥാനത്തെത്തുന്നത്.
അതേസമയം വനിതകളുടെ ഏകദിന ബാറ്റിങ് റാങ്കിങില് ഇന്ത്യയുടെ സ്മൃതി മന്ദാനയ്ക്ക് ഒന്നാം സ്ഥാനം നഷ്ടമായി. ദക്ഷിണാഫ്രിക്ക ക്യാപ്റ്റന് ലോറ വോള്വാര്ടാണ് പുതിയ ഒന്നാം സ്ഥാനക്കാരി. സ്മൃതി രണ്ടാം സ്ഥാനത്തേക്കിറങ്ങി.
ശ്രീലങ്കക്കെതിരായ ആദ്യ ടി20 പരമ്പരയില് 4 ഓവറില് 20 റണ്സ് വഴങ്ങി ദീപ്തി ഒരു വിക്കറ്റെടുത്തിരുന്നു. ഇതാണ് താരത്തിനു നേട്ടമായത്. ഈ പ്രകടനത്തിലൂടെ താരത്തിന്റെ റേറ്റിങ് പോയിന്റ് അഞ്ചിലേക്ക് ഉയര്ന്നതോടെയാണ് ഒന്നാം സ്ഥാനത്തേക്ക് കുതിച്ചത്. ഓസ്ട്രേലിയയുടെ അന്നബെല് സതര്ലാന്ഡിനെ പിന്തള്ളിയാണ് ദീപ്തിയുടെ നേട്ടം.
ഇന്ത്യയുടെ ജെമിമ റോഡ്രിഗ്സും നേട്ടമുണ്ടാക്കിയിട്ടുണ്ട്. താരം ടി20 ബാറ്റര്മാരുടെ പട്ടികയില് 9ാം സ്ഥാനത്തേക്ക് കയറി. 5 സ്ഥാനങ്ങളാണ് ഒറ്റയടിക്ക് മെച്ചപ്പെടുത്തിയത്. ജെമിമയ്ക്കും ശ്രീലങ്കക്കെതിരായ പോരാട്ടമാണ് തുണയായത്. മത്സരത്തില് ഇന്ത്യന് ജയത്തില് നിര്ണായകമായത് ജെമിമ പുറത്താകാതെ നേടിയ അര്ധ സെഞ്ച്വറിയാണ്.
Content Highlights: ICC Women’s Rankings: Deepti Sharma Hits number one
