LIVE TV
ആഷസ് ക്രിക്കറ്റ് പരമ്പരയിലെ രണ്ടാം ടെസ്റ്റിന് മുമ്പ് ഇംഗ്ലണ്ട് ടീമിന് തിരിച്ചടി. പേസ് ബൗളിങ് നിരയിൽ മാർക് വുഡ് കളിച്ചേക്കില്ലെന്നതാണ് ഇംഗ്ലണ്ട് ടീമിന് തിരിച്ചടിയാകുന്നത്. ഇടത് കാൽ മുട്ടിനേറ്റ പരിക്കിനെ തുടർന്നാണ് മാർക് വുഡിന്റെ രണ്ടാം ടെസ്റ്റിലെ സാന്നിധ്യം സംശയത്തിലാക്കുന്നത്.
35കാരനായ മാർക് വുഡ് ഒമ്പത് മാസത്തെ ഇടവേളയ്ക്ക് ശേഷമാണ് അന്താരാഷ്ട്ര ക്രിക്കറ്റിലേക്ക് തിരിച്ചെത്തിയത്. കാൽമുട്ടിന്റെ ശസ്ത്രക്രീയയെ തുടർന്നാണ് താരം കളിക്കാതിരുന്നത്. ആഷസ് പരമ്പരയിലെ ആദ്യ മത്സരത്തിൽ ടീമിലേക്ക് മടങ്ങിയെത്തിയെങ്കിലും വീണ്ടും പരിക്കേറ്റു. വെറും 11 ഓവർ മാത്രമാണ് ഒന്നാം ടെസ്റ്റിൽ മാർക് വുഡ് പന്തെറിഞ്ഞത്.
രണ്ടാം ടെസ്റ്റിൽ മാർക് വുഡിന് പകരമായി മീഡിയം പേസർ ജോഷ് ടങ് ഇംഗ്ലണ്ടിൽ ടീമിൽ ഇടം പിടിച്ചേക്കും. മാത്യൂ പോട്സ് ആണ് ടീമിലെത്താൻ സാധ്യതയുള്ള മറ്റൊരു മീഡിയം പേസർ. ഡിസംബർ നാല് മുതൽ ബ്രിസ്ബെയ്നിലാണ് ഓസ്ട്രേലിയയും ഇംഗ്ലണ്ടും തമ്മിലുള്ള രണ്ടാം ടെസ്റ്റ് ആരംഭിക്കുക. ആദ്യ മത്സരത്തിൽ ഓസ്ട്രേലിയ വിജയിച്ചിരുന്നു.
Content Highlights: Mark Wood set to miss 2nd Ashes Test in Brisbane
