LIVE TV
പഞ്ചാബ് കിംഗ്‌സ് ടീം ഉടമയും ബോളിവുഡ് താരവുമായ പ്രീതി സിന്റയുടെയും ഡല്‍ഹി ക്യാപിറ്റല്‍സ് താരം ഫാഫ് ഡുപ്ലെസിസിന്റെയും ചിത്രം സോഷ്യല്‍ മീഡിയയില്‍ വൈറലായിരിക്കുകയാണ്. ഐപിഎല്ലില്‍ ഡല്‍ഹി ക്യാപിറ്റല്‍സും പഞ്ചാബ് കിംഗ്‌സും തമ്മിലുള്ള മത്സരത്തിന് ശേഷമാണ് ഫാഫും പ്രീതി സിന്റയും തമ്മിലുള്ള ഈ ചിത്രം സോഷ്യല്‍ മീഡിയയില്‍ പ്രചരിച്ചത്. ചിത്രത്തിനെ കുറിച്ചുള്ള ആരാധകരുടെ പ്രതികരണത്തിന് ഫാഫ് നല്‍കിയ രസകരമായ മറുപടിയാണ് ഇപ്പോള്‍ ചര്‍ച്ചയാവുന്നത്.
Make it happen 😂🎥🎬
— Faf Du Plessis (@faf1307) May 25, 2025
ചിത്രം വൈറലായതിന് പിന്നാലെ ഇരുവരെയും ഒരുമിച്ച് ഒരു സിനിമയില്‍ കാസ്റ്റ് ചെയ്യണമെന്ന ആവശ്യവുമായി നിരവധി ആരാധകരാണ് സോഷ്യല്‍ മീഡിയയിലെത്തുന്നത്. 'ആരെങ്കിലും ഫാഫ് ഡുപ്ലെസിസിനെയും പ്രീതി സിന്റയെയും ഒരു സിനിമയില്‍ അഭിനയിപ്പിക്കൂ. ഫാഫിന് നല്ല ആക്ഷന്‍- ഹീറോ വൈബ് ഉണ്ട്. പ്രീതി സിന്റയാണെങ്കില്‍ പ്രായമാകും തോറും വീര്യം കൂടി വരുന്ന വീഞ്ഞ് പോലെയാണ്. ഇരുവരെയും ഒരു സ്‌പോര്‍ട്‌സ് ഡ്രാമയിലോ രാജകീയമായ പ്രണയകഥയിലോ അഭിനയിപ്പിക്കുക. ഈ വിഷ്വല്‍ പെര്‍ഫെക്ഷന്‍ പാഴാക്കിക്കളയരുത്', എന്നാണ് ഒരു ആരാധകന്‍ എക്‌സില്‍ കുറിച്ചത്.
ഈ പോസ്റ്റിന് മറുപടി നല്‍കി ഫാഫ് എത്തുകയും ചെയ്തു. 'ഇത് സംഭവിക്കട്ടെ', എന്നായിരുന്നു ദക്ഷിണാഫ്രിക്കന്‍ ഇതിഹാസതാരം മറുപടിയായി സോഷ്യല്‍ മീഡിയയില്‍ കുറിച്ചത്. ഫാഫ് ഡുപ്ലെസിസിന്റെ മറുപടിയും ആവേശത്തോടെ ഏറ്റെടുത്തിരിക്കുകയാണ് ആരാധകര്‍.
Content Highlights:Faf du Plessis' response to fan's suggestion on pic with Preity Zinta
