Get the latest news at
your fingertips!
Download our app now
LIVE TV
Search
ടി20 ക്രിക്കറ്റിൽ 350 സിക്സറുകൾ തികയ്ക്കുന്ന താരമായി ചെന്നൈ സൂപ്പർ കിങ്സിന്റെ മഹേന്ദ്ര സിങ് ധോണി. രോഹിത് ശർമ, വിരാട് കോഹ്‌ലി, സൂര്യകുമാർ യാദവ് എന്നിവർക്ക് ശേഷം ഈ നേട്ടം കൈവരിക്കുന്ന നാലാമത്തെ ഇന്ത്യൻ താരമാകാനും ധോണിക്ക് സാധിച്ചു. രാജസ്ഥാൻ റോയൽസിനെതിരെ എട്ടാമതിറങ്ങിയ താരം സിക്സ് കണ്ടെത്തിയിരുന്നു. മത്സരത്തിൽ 17 പന്തിൽ 16 റൺസാണ് താരം നേടിയത്.
404 മത്സരങ്ങളിൽ നിന്നാണ് ഈ 350 സിക്സർ നേട്ടം. 37.68 ശരാശരിയിൽ 7,612 റൺസാണ് അദ്ദേഹം അടിച്ചുകൂട്ടിയത്. സ്ട്രൈക്ക് റേറ്റാകട്ടെ 135.75. ഈ സീസണിൽ കളിച്ച 12 മത്സരങ്ങളിൽ നിന്ന് 25.71 ശരാശരിയിൽ ധോണി 180 റൺസ് നേടിയിട്ടുണ്ട്.
ലഖ്‌നൗ സൂപ്പർ ജയന്റസിനെതിരെ 11 പന്തിൽ നിന്ന് 26 റൺസ് നേടി പുറത്താകാതെ നിന്ന ധോണി പ്ലെയർ ഓഫ് ദി മാച്ച് അവാർഡ് നേടിയിരുന്നു. ഐപിഎല്ലിന്റെ ചരിത്രത്തിൽ പ്ലെയർ ഓഫ് ദി മാച്ച് അവാർഡ് നേടുന്ന ഏറ്റവും പ്രായമുള്ള താരമെന്ന നേട്ടമാണ് ധോണി സ്വന്തമാക്കിയത്.
Content Highlights: dhoni 350 six in t20 cricket
