LIVE TV
ഐപിഎല്ലിൽ സൺറൈസേഴ്സ് ഹൈദരാബാദ്-ഗുജറാത്ത് ടൈറ്റൻസ് മത്സരത്തിനിടെ തരംഗമായി അഭിഷേക് ശർമ-ശുഭ്മൻ ഗിൽ സൗഹൃദം. മത്സരത്തിനിടെ സൺറൈസേഴ്സ് താരം അഭിഷേക് പരിക്കേറ്റ് വീണപ്പോൾ താരത്തിന്റെ അടുത്തെത്തിയ ഗുജറാത്ത് ടൈറ്റൻസ് നായകൻ ശുഭ്മൻ ഗിൽ സൗഹൃദപൂർവം അഭിഷേകിനെ കാലുകൊണ്ട് തട്ടിയിരുന്നു. പിന്നാലെ മത്സരശേഷം ഇരുവരും തമ്മിൽ സൗഹൃദത്തോടെ സംസാരിക്കുന്നതും സമൂഹമാധ്യമങ്ങളിൽ തരംഗമാകുന്നുണ്ട്.
മത്സരത്തിൽ രണ്ടാമത് ബാറ്റ് ചെയ്യുന്ന സൺറൈസേഴ്സ് ഇന്നിങ്സിന്റെ 14-ാം ഓവറിലാണ് സംഭവം. ഗുജറാത്ത് പേസർ പ്രസിദ്ധ് കൃഷ്ണ എറിഞ്ഞ അഞ്ചാം പന്ത് സൺറൈസേഴ്സ് ബാറ്റർ അഭിഷേക് ശർമയുടെ കാലിൽകൊണ്ടു. ഗുജറാത്ത് താരങ്ങൾ അപ്പീൽ ചെയ്തെങ്കിലും അംപയർ ഔട്ട് വിധിച്ചില്ല. പിന്നാലെ ഗുജറാത്തിന്റെ റിവ്യൂവിൽ തേർഡ് അംപയറിന്റെ പരിശോധനയും നടന്നു. ഈ സമയത്തും നോട്ടൗട്ടെന്നായിരുന്നു അംപയറിന്റെ കണ്ടെത്തല്‍. ഇതിന് പിന്നാലെ അംപയറും ഗില്ലും തമ്മിൽ തർക്കവുമുണ്ടായി. ഇവിടെ ഗില്ലിനെ കൂളാക്കിയതും അഭിഷേക് ശർമയാണ്. അതിന് ശേഷമാണ് പന്ത് കാലിൽ കൊണ്ടതിന് ചികിത്സ തേടിയ അഭിഷേകിനെ ശുഭ്മൻ ഗിൽ കാലുകൊണ്ട് തട്ടിയത്.
Abhishek Sharma having a Fun with Shubman Gill after the match in Yesterday. ❤️#AbhishekSharma |#ShubmanGill pic.twitter.com/KUqspgcGnP
— 𓆩ᴀʙʜɪꜱʜᴇᴋ ꜱʜᴀʀᴍᴀ ꜰᴀɴ𓆪 (@Abhishek_Fan_) May 3, 2025
Subman Gill and Abhishek Sharma Funny moments #Abhishek#GTvsSRH #Gill pic.twitter.com/dcahauyeO6
— The KALKI 🗡️ (@TheKalkispeaks) May 2, 2025
മത്സരത്തിൽ ഗുജറാത്ത് ടൈറ്റൻസിനായിരുന്നു വിജയം. 38 റൺസിന്റെ വിജയമാണ് ഗുജറാത്ത് നേടിയത്. മത്സരത്തിൽ ആദ്യം ബാറ്റ് ചെയ്ത ഗുജറാത്ത് ടൈറ്റൻസ് നിശ്ചിത 20 ഓവറിൽ ആറ് വിക്കറ്റ് നഷ്ടത്തിൽ 224 റൺസെടുത്തു. മറുപടി ബാറ്റിങ്ങിൽ 20 ഓവറിൽ ആറ് വിക്കറ്റ് നഷ്ടത്തിൽ 186 റൺസെടുക്കാനെ സൺറൈസേഴ്സിന് സാധിച്ചുള്ളു.
Content Highlights: Shubman Gill 'Kicks' Abhishek Sharma in friendship manner
