Top

വാഹനം തകരാറിലായി നടു റോഡിൽ; അപ്രതീക്ഷിതമായെത്തി സൗദി രാജകുമാരൻ; പുതുപുത്തൻ കാർ സമ്മാനം

20 Dec 2021 5:51 AM GMT
റിപ്പോർട്ടർ നെറ്റ്‌വർക്ക്

വാഹനം തകരാറിലായി നടു റോഡിൽ; അപ്രതീക്ഷിതമായെത്തി സൗദി രാജകുമാരൻ; പുതുപുത്തൻ കാർ സമ്മാനം
X

നടു റോഡിൽ വാഹനം തകരാറിലായി നമ്മളിൽ പലരും പെട്ടിട്ടുണ്ടാവും. പ്രയാസം മനസ്സിലാക്കി വഴിയിലൂടെ പോവുന്ന അപരിചിതർ ലിഫ്റ്റ് തന്നും മറ്റും സഹായിക്കുന്നതും സാധാരണയാണ്. എന്നാൽ കാറ് കേടായത് മനസിലാക്കി പുതിയൊരു കാർ അപരിചതന് സമ്മാനമായി നൽകിയിരിക്കുകയാണ് ഒരാൾ. മറ്റാരുമല്ല സൗദി അറേബ്യയിലെ അസിർ റീജിയൻ ​ഗവർണറായ രാജകുമാരൻ തുർകി ബിൻ തലാൽ അൽ സൗദിയാണ് ഈ സർപ്രൈസ് സമ്മാനം നൽകിയത്.

അസിറിയിലെ മഹയെലിലെ റോഡിൽ വാഹനം കേടായതിനെത്തുടർന്ന് നിൽക്കുകയായിരുന്നു ഒരാൾ. ഇതിനിടെയാണ് അതുവഴി പോയ സൗദി രാജകുമാരൻ ഇത് കണ്ടത്. ഇദ്ദേഹത്തിനടുത്തായി രാജകുമാരൻ വാഹനം നിർത്തി. കൈയ്യിൽ വേറെ വാഹനമുണ്ടോയെന്ന് ചോദിച്ചു. ഇല്ലെന്ന മറുപടി കേട്ടപ്പോൾ തന്റെ വാഹ​നത്തിലേക്ക് കയറാൻ രാജകുമാരൻ പറഞ്ഞു. ഇദ്ദേഹത്തെയും കൊണ്ട് ഒരു കാർ ഷോറൂമിലേക്കാണ് രാജകുമാരൻ പോയത്.

പുതുപുത്തൻ TOYOTA HILUX കാർ ഇവിടെ നിന്നും രാജകുമാരൻ വാങ്ങിച്ചു. കാറിന്റെ താക്കോൽ അദ്ദേഹത്തിന് കൊടുത്തിട്ട് ഇത് നിങ്ങളുടെയാണെന്ന് രാജകുമാരൻ പറഞ്ഞു. സംഭവത്തിന്റെ ഒരു ദൃശ്യം സോഷ്യൽ മീഡിയയിൽ പ്രചരിക്കുന്നുണ്ട്. നിരവധി പേരാണ് രാജകുമാരൻ തുർകി ബിൻ തലാൽ അൽ സൗദിനെ അഭിനന്ദിച്ച് കൊണ്ട് രം​ഗത്തെത്തിയത്.



Next Story