Get the latest news at
your fingertips!
Download our app now
LIVE TV
Search
മനുഷ്യ ശരീരത്തിൻ്റെ ഏതാണ്ട് 60 ശതമാനവും വെള്ളമാണ്. ജലാംശത്തിൻ്റെ കുറവ് ശരീരത്തിലെ സ്വഭാവിക പ്രവർത്തനങ്ങളെ പോലും ബാധിച്ചേക്കാം. അതിനാൽ ജലാംശം നിലനിർത്തുന്ന ഭക്ഷണങ്ങൾ ഡയറ്റിൽ ഉൾപ്പെടുത്തുന്നത് വളരെ പ്രധാനമാണ്. അതേ സമയം, ശരീരത്തിന് എത്രത്തോളം വെള്ളം ആവശ്യമാണോ അത്രത്തോളം തന്നെ ഇലക്ട്രോലൈറ്റുകളും അത്യാവശ്യമാണ്. സോഡിയം, പൊട്ടാസ്യം, മഗ്നീഷ്യം, കാൽസ്യം എന്നിവയുൾപ്പെടെയുള്ള ഈ ചാർജ്ജ് ചെയ്ത ധാതുക്കൾ ദ്രാവക സന്തുലിതാവസ്ഥ നിയന്ത്രിക്കുകയും പേശികളുടെ പ്രവർത്തനത്തെ പിന്തുണയ്ക്കുകയും മൊത്തത്തിലുള്ള ഊർജ്ജ നില നിലനിർത്തുകയും ചെയ്യുന്നു.
"ദ്രാവക സന്തുലിതാവസ്ഥ, പേശികളുടെ പ്രവർത്തനം, ഊർജ്ജം എന്നിവയിൽ ഇലക്ട്രോലൈറ്റുകൾ ഒരു പ്രധാന പങ്ക് വഹിക്കുന്നു. പഞ്ചസാര അടങ്ങിയ സ്പോർട്സ് പാനീയങ്ങൾ വാങ്ങുന്നതിന് പകരം ഉന്മേഷവും പോഷണവും നിലനിർത്തുന്ന ഇലക്ട്രോലൈറ്റുകൾ അടങ്ങിയ പ്രകൃതിദത്ത ഭക്ഷണങ്ങൾ നിങ്ങൾക്ക് തിരഞ്ഞെടുക്കാം," ഫിസിക്കോ ഡയറ്റ് ആൻഡ് എസ്തെറ്റിക് ക്ലിനിക്കിന്റെ സ്ഥാപകയായ വിധി ചൗള പറയുന്നു.
പൊട്ടാസ്യം പവർഹൗസുകൾ
പേശികളുടെ പ്രവർത്തനത്തിനും, പ്രത്യേകിച്ച് വ്യായാമത്തിനു ശേഷമുള്ള മലബന്ധം തടയുന്നതിനും പൊട്ടാസ്യം നിർണായകമാണ്. “വാഴപ്പഴം പൊട്ടാസ്യത്തിന്റെ ലളിതവും ഫലപ്രദവുമായ ഉറവിടമാണെന്ന് ചൗള പറയുന്നു. മധുരക്കിഴങ്ങ്, ചീര, അവക്കാഡോ എന്നിവയിലും പൊട്ടാസ്യം സമ്പുഷ്ടമാണ്. 'പ്രകൃതിയുടെ സ്പോർട്സ് ഡ്രിങ്ക്' എന്ന് പലപ്പോഴും വിളിക്കപ്പെടുന്ന തേങ്ങാവെള്ളം പോലും പഞ്ചസാര ചേർക്കാതെ പൊട്ടാസ്യം, സോഡിയം, മഗ്നീഷ്യം എന്നിവയുടെ ജലാംശം വർദ്ധിപ്പിക്കുന്നു.
മഗ്നീഷ്യം, കാൽസ്യം എന്നിവയുടെ അളവ് വർദ്ധിപ്പിക്കുന്നു
മഗ്നീഷ്യം പേശികളുടെ വിശ്രമത്തിനും ഊർജ്ജ ഉൽപാദനത്തിനും സഹായിക്കുന്നു. അതേസമയം, കാൽസ്യം ശക്തമായ അസ്ഥികൾക്കും പേശികളുടെ പ്രവർത്തനത്തിനും പ്രധാനമാണ്. മഗ്നീഷ്യം സ്വാഭാവികമായി വയറു നിറയ്ക്കാൻ സഹായിക്കുന്ന പദാർത്ഥമാണ്. ബദാം, മത്തങ്ങ വിത്തുകൾ, ചീര, പയർവർഗ്ഗങ്ങൾ എന്നിവ നിങ്ങളുടെ ഭക്ഷണത്തിൽ ഉൾപ്പെടുത്തുന്നതിലൂടെ മഗ്നീഷ്യം ശരീരത്തിന് ലഭിക്കും. ഡയറ്റീഷ്യനും സർട്ടിഫൈഡ് ഡയബറ്റിസ് എഡ്യൂക്കേറ്ററുമായ ഡോ. അർച്ചന ബത്ര പറയുന്നു. അതേ സമയം, കാൽസ്യത്തിന് തൈര്, ഇലക്കറികൾ, അല്ലെങ്കിൽ ഫോർട്ടിഫൈഡ് പ്ലാന്റ് അധിഷ്ഠിത പാൽ എന്നിവ അവർ ശുപാർശ ചെയ്യുന്നു. വാഴപ്പഴം നട്‌സ് അല്ലെങ്കിൽ വിത്തുകൾ എന്നിവയുമായി സംയോജിപ്പിക്കുന്നത് മഗ്നീഷ്യം, കാൽസ്യം എന്നിവയാൽ സമ്പന്നമായ ഒരു ലഘുഭക്ഷണം ആസ്വദിക്കാനാകുമെന്നും ചൗള പറയുന്നു.
സോഡിയം
ദ്രാവക സന്തുലിതാവസ്ഥയ്ക്ക് അത്യന്താപേക്ഷിതമായ ഒന്നാണ് സോഡിയം. സംസ്കരിച്ച ഭക്ഷണങ്ങളിൽ നിന്ന് ലഭിക്കുന്നതിനേക്കാൾ പ്രകൃതിദത്ത സ്രോതസ്സുകളിൽ നിന്ന് അത് നേടുക എന്നതാണ് പ്രധാനം. ഭക്ഷണത്തിൽ ഒരു നുള്ള് കടൽ ഉപ്പ് അല്ലെങ്കിൽ സെലറി പോലുള്ള ലളിതമായ പച്ചക്കറികൾ ചേർക്കുന്നത് നിങ്ങളുടെ ശരീരത്തിൻ്റെ സോഡിയം ആവശ്യകതയെ തൃപ്തിപ്പെടുത്തും.
ഓറഞ്ച്, നാരങ്ങ തുടങ്ങിയ സിട്രസ് പഴങ്ങൾ പൊട്ടാസ്യവും കാൽസ്യവും പ്രധാനം ചെയ്യുന്നു. അതേസമയം തണ്ണിമത്തൻ ഉയർന്ന ജലാംശം പൊട്ടാസ്യം, മഗ്നീഷ്യം എന്നിവയുമായി സംയോജിപ്പിക്കുന്നു. ചീര, സ്വിസ് ചാർഡ് തുടങ്ങിയ ഇലക്കറികൾ സ്മൂത്തികൾ, സലാഡുകൾ അല്ലെങ്കിൽ സൂപ്പുകൾ എന്നിവയ്ക്കുള്ള വൈവിധ്യമാർന്ന ഓപ്ഷനുകളാണ്. ഒറ്റ സെർവിംഗിൽ ഒന്നിലധികം ഇലക്ട്രോലൈറ്റുകൾ ഇത് ശരീരത്തിനായി പായ്ക്ക് ചെയ്യുന്നു.
Content Highlights- Keep your body charged; these are natural sugar-free electrolytes
