Top

നിയന്ത്രണം വിട്ട ലോറി മെട്രോ തൂണില്‍ ഇടിച്ചു കയറി; അപകടം

ഡ്രൈവര്‍ ആലത്തൂര്‍ സ്വദേശി ഷമീര്‍ പരുക്കുകളോടെ രക്ഷപ്പെട്ടു.

26 Feb 2022 6:54 AM GMT
റിപ്പോർട്ടർ നെറ്റ്‌വർക്ക്

നിയന്ത്രണം വിട്ട ലോറി മെട്രോ തൂണില്‍ ഇടിച്ചു കയറി; അപകടം
X

ദേശീയപാതയില്‍ നിയന്ത്രണം വിട്ട ലോറി മെട്രോ തൂണില്‍ ഇടിച്ചു കയറി അപകടം. കളമശേരിയില്‍ വെച്ചാണ് അപകടം ഉണ്ടായത്. പാലക്കാട് നിന്നും സിമന്റുമായി ചേര്‍ത്തലയിലേയ്ക്കു പോകുകയായിരുന്ന ലോറിയാണ് നിയന്ത്രണം വിട്ട് മെട്രോ തൂണിലിടിക്കുകയായിരുന്നു. ഡ്രൈവര്‍ ആലത്തൂര്‍ സ്വദേശി ഷമീര്‍ പരുക്കുകളോടെ രക്ഷപ്പെട്ടു.

കളമശ്ശേരി നഗരസഭയ്ക്കും ഞാലകം ജുമാ മസ്ജിദിനും സമീപത്തുള്ള മെട്രോ തൂണിലേക്ക് ഇടിച്ചുകയറിയാണ് അപകടം സംഭവിച്ചത്. ഇന്ന് പുലര്‍ച്ചെ 4:30 തോടെയായിരുന്നു അപകടം.

STORY HIGHLIGHTS: Out of control lorry crashes into metro pole in kalamassery

മെട്രോ പാളത്തിലെ ചെരിവ്; കാരണം വ്യക്തമാവാതെ അധികൃതർ

കൊച്ചി മെട്രോ പത്തടിപ്പാലം ഭാ​ഗത്തെ പാളത്തിലെ ചെരിവിന് കാരണമെന്തെന്ന് മനസ്സിലാവാതെ അധികൃതർ. പാളം ഉറപ്പിച്ചിട്ടുള്ള ഭാ​ഗത്തിന്റെ ചെരിവാണെന്ന് ആദ്യം സംശയിച്ചെങ്കിലും അതല്ലെന്നാണ് പ്രാഥമിക വിലയിരുത്തൽ. പത്തടിപ്പാലത്ത് മെട്രോയുടെ 347ാം നമ്പർ തൂണിന് ചുവട്ടിൽ പരിശോധനയ്ക്കായ മണ്ണ് മാറ്റിയിട്ടുണ്ട്. പരിശോധനയ്ക്കുള്ള ഉപകരണം എത്താനായി കാത്തിരിക്കുകയാണ്.

ട്രാക്കിലെ ചെരിവിന് കാരണം തൂണാണെങ്കിൽ ആറ് മാസം ഈ ഭാ​ഗത്തേക്കുള്ള മെട്രോ സർവീസ് നിർത്തേണ്ടി വരും. ചെറിയ ചെരിവ് പിന്നീട് ​ഗുരുതരമാവും. അതിനാൽ തകരാറുള്ള ഭാ​ഗം പൂർണമായും അഴിച്ചു പണിയണം. ഇതിന് അപ്പുറവും ഇപ്പുറവുമായി സർവീസ് നടത്താമെങ്കിലും ആലുവ ഭാ​ഗത്ത് ഓടുന്ന ട്രെയിനുകൾ അറ്റകുറ്റ പണിക്കായി മുട്ടം യാഡിലേക്ക് കൊണ്ടു പോവാനാവില്ല. ട്രെയിനുകൾക്ക് എല്ലാ ദിവസവും സുരക്ഷാ പരിശോധനയും ശുചീകരണവും ഉള്ളതാണ്.

എന്നാൽ നിലവിൽ ആശങ്കപ്പെടേണ്ട സാഹചര്യമില്ലെന്നാണ് കെഎംആർഎൽ പറയുന്നത്. മുകൾ ഭാ​ഗത്തെ പരിശോധന കഴിഞ്ഞു. താഴ് ഭാ​ഗത്ത് ഉടനെ പരിശോധന നടത്തും. മെട്കോ സർവീസിനെ ഇത് ബാധിക്കില്ല. പരിശോധന പൂർത്തിയാവും വരെ പത്തടിപ്പാലം ഭാ​ഗത്ത് ഭാ​ഗത്ത് ട്രെയിനുകൾക്ക് വേ​ഗം കുറച്ചിട്ടുണ്ടെന്നും കെഎംആർഎൽ വ്യക്തമാക്കി.

Next Story