ലോ കോളേജ് സംഘ‍ർഷം; തി​ങ്ക​ൾ മു​ത​ൽ ക്ലാ​സു​ക​ൾ ഓ​ൺ​ലൈ​നാ​ക്കാ​ൻ തീ​രു​മാ​നം

തി​രു​വ​ന​ന്ത​പു​രം: തിരുവനന്തപുരം ​ഗവ. ലോ കോളേജിലെ സം​ഘ​ർ​ഷത്തിന്റെ സാ​ഹ​ച​ര്യ​ത്തി​ൽ തി​ങ്ക​ളാഴ്ച മു​ത​ൽ ക്ലാ​സു​ക​ൾ ഓ​ൺ​ലൈ​നാ​ക്കാ​ൻ തീ​രു​മാ​നം. കോളേജിലെ റെ​ഗുലർ ക്ലാസ് തുടങ്ങുന്നതിനും ഈ മാസം 24 ന് യൂണിയൻ തെരഞ്ഞെടുപ്പ് നടത്തുന്ന​തിനെ​ക്കു​റി​ച്ചും ആ​ലോ​ചി​ക്കാ​ൻ തി​ങ്ക​ളാ​ഴ്ച സം​യു​ക്ത പി​ടിഎ യോ​ഗം ചേ​രാ​നും പിടി​എ എ​ക്സി​ക്യൂട്ടി​വ് തീ​രു​മാ​നി​ച്ചു.

സംഘർഷത്തിന് പിന്നാലെ എസ്എഫ്ഐ പ്രവർത്തകരെ സസ്പെൻഡ് ചെയ്ത നടപടി പിൻവലിക്കില്ലെന്ന് കോളേജ് അധികൃതർ അറിയിച്ചു. കെ എസ് യു, എസ്എഫ്ഐ പ്രതിനിധികളുമായി പ്രിൻസിപ്പൾ ചർച്ച നടത്തും. സസ്പെൻഷനിലായ വിദ്യാർത്ഥികൾക്ക് പൊതുപരീക്ഷ എഴുതാമെന്നും കോളേജ് അധികൃതർ അറിയിച്ചു.

എസ്എഫ്ഐ പ്രവർത്തകരുടെ അക്രമത്തിന് ഇരയായ പ്രൊഫസർ വി കെ സഞ്ജുവിന്റെ പരാതിയിൽ പൊലീസ് അന്വേഷണം ആരംഭിച്ചു. ആക്രമിച്ചവരുടെ പേര് വിവരങ്ങൾ ശേഖരിച്ച് നടപടി സ്വീകരിക്കാനാണ് പൊലീസ് തീരുമാനം. കെ എസ് യുവിന്റെ കൊടി കൂട്ടിയിട്ട് കത്തിച്ചതാണ് സംഘർഷത്തിലേക്ക് നയിച്ചത്. സംഭവത്തിന് പിന്നാലെ 24 എസ്എഫ്ഐ പ്രവർത്തകരെ സസ്പെൻഡ് ചെയ്തിരുന്നു.

അതേസമയം സമാധാനമായി ജോലി ചെയ്യാനുളള അന്തരീക്ഷം കോളേജിലുണ്ടാകണമെന്നാവശ്യപ്പെട്ട് ഹൈക്കോടതിയെ സമീപിക്കാനാണ് ലോ കോളേജ് അധ്യാപകരുടെ തീരുമാനം. പഠിപ്പിക്കാൻ ആവശ്യമായ അന്തരീക്ഷം ഒരുക്കണമെന്ന് കോടതിയിൽ ആവശ്യപ്പെടും. സംസ്ഥാനത്തെ നാല് ലോ കോളേജുകളിലേയും അധ്യാപകരുമായി കൂടിയാലോചിച്ച് ഹൈക്കോടതിയെ സമീപിക്കുന്നതിനെ പറ്റി തീരുമാനമെടുക്കുമെന്നും അധ്യാപകർ പറയുന്നു.

STORY HIGHLIGHTS: online Classes from Monday in Law College Thiruvananthapuram