ചവറ ​ഗ്രാമപഞ്ചായത്ത് പ്രസിഡന്റ് വാഹനാപകടത്തിൽ മരിച്ചു

കൊല്ലം: ചവറ ​ഗ്രാമപഞ്ചായത്ത് പ്രസിഡന്റ് വാഹനാപകടത്തിൽ മരിച്ചു. കൊറ്റന്‍കുളങ്ങര ചെറുകോല്‍ വീട്ടില്‍ എസ് തുളസീധരൻ പിളള(62) ആണ് മരിച്ചത്. ചവറ എഎംസി മുക്കിന് സമീപം വെളളിയാഴ്ച രാത്രിയാണ് അപകടം. ആർഎസ്പി കൊല്ലം ജില്ലാ എക്സിക്യൂട്ടീവ് അം​ഗം കൂടിയായിരുന്നു തുളസീധരൻ പിളള.

ചവറയിൽ നിന്നും നീണ്ടകര ഭാ​ഗത്തേക്ക് പോവുകയായിരുന്ന തുളസീധരന്‍ പിള്ളയുടെ ബൈക്കിൽ കെഎസ്ആർടിസി സൂപ്പർ ഫാസ്റ്റ് ബസ് ഇടിക്കുകയായിരുന്നു. റോഡിലേക്ക് വീണ തുളസീധരൻ പിളളയുടെ ശരീരത്തിലൂടെ ബസ് കയറിയിറങ്ങി സംഭവസ്ഥലത്തു വെച്ച് തന്നെ മരണമടയുകയായിരുന്നു. മൃതദേഹം ജില്ലാ ആശുപത്രി മോര്‍ച്ചറിയിലേക്കു മാറ്റി. ഭാര്യ പരേതയായ സുഭദ്ര, മക്കള്‍: തുഷാര, സുധീഷ്, മരുമകന്‍: സന്തോഷ് എന്നിവരാണ്.

STORY HIGHLIGHTS: Chavara Grama Panchayat President Dies in a Road Accident