Get the latest news at
your fingertips!
Download our app now
LIVE TV
Search
സംവിധായകൻ ജയിംസ് ഗൺ ഒരുക്കുന്ന ഡിസി കോമിക്സ് ചിത്രം സൂപ്പർമാൻ ഇന്ന് തിയേറ്ററുകളിൽ എത്തുകയാണ്. പ്രിവ്യു ഷോകളിൽ നിന്നെല്ലാം സിനിമയ്ക്ക് മികച്ച പ്രതികരണമാണ് ലഭിച്ചത്. ചിത്രം ഇന്ത്യയിൽ വമ്പൻ ഓപ്പണിങ് നേടുമെന്നാണ് ട്രേഡ് അനലിസ്റ്റുകളുടെ കണക്കുകൂട്ടൽ. ആദ്യ ദിവസം മികച്ച ബുക്കിംഗ് ആണ് സിനിമയ്ക്ക് ലഭിക്കുന്നത്.
ചിത്രം ആദ്യ ദിവസം ഇന്ത്യയിലെ മൾട്ടിപ്ളെക്സ് ചെയ്‌നുകളിൽ നിന്ന് 55,000 ടിക്കറ്റുകളാണ് വിറ്റിരിക്കുന്നത്. ഇന്ത്യയിൽ മികച്ച തുടക്കം കുറിക്കാൻ ഒരുങ്ങുകയാണ് ഈ ചിത്രം. നിലവിലെ ട്രെൻഡുകൾ അനുസരിച്ച്, 8 കോടി മുതൽ 9 കോടി വരെ നെറ്റ് വരുമാനം സൂപ്പർമാൻ നേടുമെന്നാണ് പ്രതീക്ഷിക്കുന്നത്. ഈ മാസം പുറത്തിറങ്ങിയ ഹോളിവുഡ് സിനിമകളായ എഫ് വണ്ണും ജുറാസിക് വേൾഡ് റീബർത്തും ഇന്ത്യയിൽ മികച്ച പ്രകടനമാണ് കാഴ്ചവെക്കുന്നത്. 2D, 3D വേർഷനുകളിൽ ഐമാക്സ് ഉൾപ്പെടെയുള്ള സ്‌ക്രീനുകളിലാണ് സൂപ്പർമാൻ പ്രദർശനത്തിന് എത്തുന്നത്.
ഡേവിഡ് കൊറെൻസ്വെറ്റ് ആണ് ഇക്കുറി സൂപ്പർമാനായി എത്തുന്നത്. ലൂയിസ് ലെയ്ൻ ആയി റേച്ചൽ ബ്രൊസ്നഹാൻ അഭിനയിക്കുന്നു. വില്ലനായ ലെക്സ് ലൂഥറായെത്തുന്നത് നിക്കൊളാസ് ഹൗൾട് ആണ്. എഡി ഗത്തേഗി, ആന്റണി കാരിഗൻ, നഥാൻ ഫിലിയോൺ, ഇസബെല്ല മെഴ്‌സ്ഡ്, സ്‌കൈലർ ഗിസോണ്ടോ, സാറ സാംപയോ, മരിയ ഗബ്രിയേല ഡി ഫാരിയ, വെൻഡൽ പിയേഴ്‌സ്, അലൻ ടുഡിക്, പ്രൂട്ട് ടെയ്‌ലർ വിൻസ്, നെവ ഹോവൽ എന്നിവരും ചിത്രത്തിൽ അഭിനയിക്കുന്നു.
Content Highlights: DC film superman in cinemas from today
