LIVE TV
കൊച്ചി: കരുവന്നൂര് സഹകരണ ബാങ്ക് ഇടപാട് കേസില് സിപിഐഎം നേതാക്കള്ക്കെതിരെ പി ആര് അരവിന്ദാക്ഷന് മൊഴി നല്കിയതായി എന്ഫോഴ്സ്മെന്റ് ഡയറക്ട്രേറ്റ്. കേസിലെ ഒന്നാം പ്രതിയായ പി സതീഷ് കുമാറില് നിന്നും മുന് മന്ത്രി എ സി മൊയ്തീന് രണ്ട് ലക്ഷം രൂപയും മുന് എം പി പി കെ ബിജു അഞ്ച് ലക്ഷം രൂപയും കൈപറ്റി. സതീഷ് കുമാറും എല്ഡിഎഫ് കണ്വീനര് ഇ പി ജയരാജനും തമ്മില് അടുത്ത ബന്ധമുണ്ടെന്നും പി ആര് അരവിന്ദാക്ഷന് മൊഴി നല്കിയതായി ഇ ഡി കോടതിയില് പറഞ്ഞു.
2015-16 കാലയളവില് പി സതീഷ് കുമാറില് നിന്നും 36 ലക്ഷം രൂപ ദേശാഭിമാനി പബ്ലിക്കേഷന്സ് കൈപറ്റി. രണ്ട് തവണയായി പണം നല്കിയതിന്റെ തെളിവുകള് ലഭിച്ചുവെന്നും ഇ ഡി കോടതിയെ അറിയിച്ചു. പി സതീഷ്കുമാറിന്റെ ജാമ്യാപേക്ഷയെ എതിര്ക്കവെയാണ് ഇ ഡി ഇക്കാര്യം കോടതിയെ അറിയിച്ചത്.
കണ്ടല ബാങ്ക് തട്ടിപ്പ്; അഡ്മിനിസ്ട്രേറ്റർ കൈമാറിയ റിപ്പോർട്ടിൽ വ്യാപക ക്രമക്കേടുകളുടെ വിവരങ്ങൾചോദ്യം ചെയ്യലിനിടെയാണ് അരവിന്ദാക്ഷന് ഇക്കാര്യങ്ങള് വെളിപ്പെടുത്തിയതെന്നും എന്ഫോഴ്സ്മെന്റ് ഡയറക്ടറേറ്റ് എറണാകുളം പ്രത്യേക പിഎംഎല്എ കോടതിയില് അറിയിച്ചു. പി സതീഷ് കുമാറിന്റെ ജാമ്യാപേക്ഷയെ എതിര്ക്കവെയാണ് ഇഡി ഇക്കാര്യം കോടതിയെ അറിയിച്ചത്.
