LIVE TV
ഇന്ത്യന് സിനിമയില് ഇരുപത്തി അഞ്ചു വര്ഷങ്ങള് പൂര്ത്തിയാക്കിയ എസ് എസ് രാജമൗലി ഡോണ്ട് ട്രബിള് ദി ട്രബിള് ചിത്രത്തിന്റെ കേരളത്തിന്റെ പ്രീ റിലീസ് ഇവെന്റിനായി കൊച്ചിയിലെത്തിയപ്പോള് അദ്ദേഹത്തിനെ കാണാനായി മണിക്കൂറുകള്ക്കു മുന്നേ പ്രേക്ഷകര് നിറഞ്ഞു കവിഞ്ഞ കാഴ്ചക്കാണ് ഇന്നലെ ലുലു മോളിലെ വേദി സാക്ഷിയായത്. ഇന്ത്യന് സിനിമയുടെ പ്രിയ സംവിധായകന് എസ് എസ് രാജമൗലി കേരളത്തിലെ പ്രിയപ്പെട്ട ഓര്മകള് പ്രേക്ഷകരുമായി പങ്കു വയ്ക്കുകയും ഒപ്പം ഡോണ്ട് ട്രബിള് ചിത്രത്തിന്റെ ട്രെയ്ലറിനായി മോഹന്ലാല് നല്കിയ സപ്പോര്ട്ടിനും നന്ദി പറഞ്ഞു.
'എന്റേതായ ഒരു ചിത്രം എന്ന രീതിയില് മറ്റു ഭാഷയിലേക്കു നല്കാന് ഒരു ചിത്രം എന്നത് ഈ ചിത്രത്തിലൂടെ സാധിച്ചുവെന്നും സിനിമയില് ഞാനെടുത്ത ഇടവേളകള് കൂട്ടിച്ചേര്ത്തു സിനിമാ ജീവിതം എണ്ണിയാല് ഞാനും ഇരുപത്തി അഞ്ചു വര്ഷങ്ങളായി സിനിമയിലുണ്ട്. എന്റെയും ഇരുപത്തി അഞ്ചു വര്ഷങ്ങള് 66ല് പരം ചിത്രങ്ങള്, കൂടെ ചേര്ത്ത് നിര്ത്തിയ ഓരോ പ്രേക്ഷകനും നന്ദി. ഡോണ്ട് ട്രബിള് ദി ട്രബിള് മലയാള പ്രേക്ഷകന് ആസ്വദിക്കാന് പറ്റുന്ന രീതിയില് പൂര്ണ്ണമായും ഒരു മലയാള ചിത്രമായി ഓരോ മലയാള പ്രേക്ഷനിലേക്കും എത്തുന്നു എന്നതും ഈ സിനിമ ഫാമിലി ആയി കണ്ടു വിജയിപ്പിക്കണമെന്നും' ചിത്രത്തിന്റെ നായകനായ ഫഹദ് ഫാസില് വേദിയില് പറഞ്ഞു.
സിനിമയെ ഏറ്റവും നല്ല രീതിയില് സ്നേഹിക്കുന്ന സപ്പോര്ട്ട് ചെയ്യുന്ന പ്രേക്ഷകരാണ് കേരളത്തിലുള്ളത്, അത് കൊണ്ട് തന്നെ പ്രേക്ഷകര്ക്ക് പ്രിയപ്പെട്ട ഫഹദ് ഫാസിലിന്റെ ഡോണ്ട് ട്രബിള് ദി ട്രബിള് നിങ്ങള് ഏറ്റെടുക്കുമെന്നുറപ്പുണ്ടെന്നു ചിത്രത്തിന്റെ നിര്മ്മാതാവായ എസ് എസ് കാര്ത്തികേയ പറഞ്ഞു. ചിത്രത്തിലെ ബാല താരമായ സാറ തന്റെ കുട്ടിത്തം നിറഞ്ഞ സംസാരം കൊണ്ട് വേദിയിലും പ്രേക്ഷകരുടെ പ്രിയപ്പെട്ട താരമായി മാറുന്ന കാഴ്ച ആണ് ഇന്നലെ കണ്ടത്.
പ്രമുഖ തിരക്കഥാകൃത്തായ ശ്യാം പുഷ്ക്കരന് ' ഡോണ്ട് ട്രബിള് ദി ട്രബിള്' എന്ന ചിത്രം കാണാന് സാധിച്ചെന്നും ഫാമിലിക്ക് കുട്ടികളോടൊപ്പം തിയേറ്ററില് ആസ്വദിക്കാന് പറ്റുമെന്നും അഭിപ്രായപ്പെട്ടു. ബത്ലഹേം കുടുംബ യൂണിറ്റിന്റെ മുന്നൂറു കോടി തിളക്കത്തില് സംവിധായകന് ഗിരീഷ് എ ഡി യെ വേദിയിലേക്ക് വിളിച്ചപ്പോള് അവതാരകയുടെ ചോദ്യത്തിന് തനിക്കു രാജമൗലി സാറിനെ പേടിയാണെന്നും അദ്ദേഹം സെറ്റില് കൂളാണ് പക്ഷെ ഒരു സംവിധായകന് എന്ന നിലയില് എനിക്ക് അദ്ദേഹത്തിനോട് സംസാരിക്കാന് ചെറിയ പേടി ഉണ്ടെന്നും, ഡോണ്ട് ട്രബിള് ദി ട്രബിള് കുട്ടികള്ക്കും ഫാമിലിക്കും തിയേറ്ററില് സന്തോഷിക്കാന് പറ്റുന്ന നല്ല ഒരു ചിത്രമായിരിക്കുമെന്ന് അഭിപ്രായപ്പെട്ടു.
നവാഗതനായ ശശാങ്ക് യെലേട്ടി ആണ് ഡോണ്ട് ട്രബിള് ദി ട്രബിള് സംവിധാനം ചെയ്യുന്നത്. ബാഹുബലി ഉള്പ്പെടെയുള്ള ബ്രഹ്മാണ്ഡ ചിത്രങ്ങളുടെ നിര്മ്മാതാക്കളായ ആര്ക്കാ മീഡിയ വര്ക്ക്സും ചിത്രത്തിന്റെ നിര്മ്മാണത്തില് പങ്കാളികളാണ്. ആര്ക്ക മീഡിയ വര്ക്ക്സ്, ഷോയിംഗ് ബിസിനസ് എന്നീ ബാനറുകളുടെ കീഴില് ഷോബു യാര്ലഗഡ്ഡ, പ്രസാദ് ദേവിനേനി, എസ്. എസ്. കാര്ത്തികേയ എന്നിവരാണ് ചിത്രത്തിന്റെ നിര്മ്മാതാക്കള്. കലാമൂല്യമുള്ളതും പ്രേക്ഷക-നിരൂപക പ്രശംസകള് നേടിയ ചിത്രങ്ങള് മലയാളികള്ക്ക് സമ്മാനിച്ച ഭാവനാ സ്റ്റുഡിയോസിന്റെ ഭാവനാ റിലീസ് ഡോണ്ട് ട്രബിള് ദി ട്രബിള് കേരളത്തിലെ തിയേറ്ററുകളിലേക്കെത്തിക്കുന്നു.നേരത്തെ റിലീസായ ഡോണ്ട് ട്രബിള് ദി ട്രബിളിന്റെ ടീസറും ഗാനവും സോഷ്യല് മീഡിയയില് തരംഗമായിരുന്നു.
ഫാന്റസി ഫാമിലി എന്റെര്റ്റൈനെര് ചിത്രമായ ഡോണ്ട് ട്രബിള് ദി ട്രബിളില് തന്റെ പതിവ് ശൈലിയില് നിന്നും വ്യത്യസ്തമായ കഥാപാത്രത്തെയാണ് ഫഹദ് ഫാസില് ചിത്രത്തില് അവതരിപ്പിക്കുന്നത്. ബാലതാരമായ സാറയുടെ പ്രകടനവും ചിത്രത്തിലെ പ്രധാന ആകര്ഷണങ്ങളിലൊന്നാണ്. ചിത്രം മലയാളം, തെലുങ്ക്, ഹിന്ദി ഭാഷകളില് റിലീസാകും.കാലഭൈരവയാണ് ചിത്രത്തിന് സംഗീതവും പശ്ചാത്തല സംഗീതവും ഒരുക്കുന്നത്.ചിത്രത്തിന്റെ സ്ക്രിപ്റ്റ് ഡെവലപ്മെന്റ് എസ്. എസ്. കാഞ്ചിയും, കോ-റൈറ്റര് ഹംസ അലിയുമാണ്. ബാലാജി സുബ്രഹ്മണ്യം ഛായാഗ്രഹണം നിര്വഹിക്കുമ്പോള് പ്രവീണ് ആന്റണി എഡിറ്റിംഗ് കൈകാര്യം ചെയ്യുന്നു. സുധന് കൊറിയോഗ്രഫിയും, രാമ രാജമൗലി കോസ്റ്റ്യൂം ഡിസൈനും സ്റ്റൈലിംഗും നിര്വഹിക്കുന്നു.എസ്. എസ്. ശശാങ്ക് എക്സിക്യൂട്ടീവ് പ്രൊഡ്യൂസറും, ഡി. സതീഷ് കുമാര് പ്രൊഡക്ഷന് എക്സിക്യൂട്ടീവും, രാഹുല് ഷാലി ലൈന് പ്രൊഡ്യൂസറും, ഡി. യോഗാനന്ദ് പ്രൊഡക്ഷന്കണ്ട്രോളറുമാണ്. പി ആര് ഓ : പ്രതീഷ് ശേഖ.
Content Highlights: The pre-release event for the Fahadh-starrer Don't Trouble the Trouble has electrified Kochi. S.S. Rajamouli has arrived in Kochi for the film's Kerala pre-release event.
