LIVE TV
തന്റെ സൂപ്പർഹിറ്റ് സിനിമയായ ലോകയെ മറികടന്ന് നിവിൻ പോളി ചിത്രം ബെത്ലഹേം കുടുംബ യൂണിറ്റ് കളക്ഷൻ നേടിയതിൽ ആശംസയുമായി കല്യാണി പ്രിയദർശൻ. 'കുടുംബപ്രേക്ഷകർ സിനിമയെ ഇഷ്ടപ്പെട്ടാൽ തിയേറ്ററുകളിൽ ആളുകൾ ഇരച്ചെത്തും' ഒരു അഭിമുഖത്തിലെ നിവിൻ പോളിയുടെ വാക്കുകൾ പങ്കുവെച്ചുകൊണ്ടാണ് കല്യാണി കുറിപ്പ് ഇൻസ്റ്റാഗ്രാമിൽ പങ്കുവെച്ചത്.
'വലിയ ആക്ഷൻ ചിത്രങ്ങൾക്ക് മാത്രമേ ഇത്രയും വലിയ ബോക്സ് ഓഫീസ് നേട്ടങ്ങൾ ഉണ്ടാക്കാൻ സാധിക്കൂ എന്ന് പലരും കരുതിയിരുന്ന സമയത്ത്, കുടുംബപ്രേക്ഷകരുടെ കരുത്ത് എത്രത്തോളമുണ്ടെന്ന് ബി.കെ.യു തെളിയിച്ചു തന്നു. ഈ റെക്കോർഡ് നേട്ടത്തിൽ എനിക്ക് ഏറ്റവും സന്തോഷം നൽകുന്ന കാര്യവും അതാണ്. ബി.കെ.യുവിന്റെ മുഴുവൻ അണിയറപ്രവർത്തകർക്കും അഭിനന്ദനങ്ങൾ, ഈ മനോഹരമായ വിജയം നിങ്ങൾ അർഹിക്കുന്നു', കല്യാണി കുറിച്ചു.
ഡൊമിനിക് അരുൺ സംവിധാനം ചെയ്ത 'ലോക ചാപ്റ്റർ 1: ചന്ദ്ര' എന്ന ചിത്രത്തിലെ കല്യാണിയുടെ റെക്കോർഡ് കളക്ഷനെ മറികടന്നാണ് ഗിരീഷ് എ.ഡി ഒരുക്കിയ നിവിൻ പോളി ചിത്രം 'ബെത്ലഹേം കുടുംബ യൂണിറ്റ്' മലയാളത്തിലെ എക്കാലത്തെയും വലിയ ബോക്സ് ഓഫീസ് വിജയമായി മാറിയത്. ഈ വർഷം ലോക ചാപ്റ്റർ 1 നേടിയ 302 കോടി രൂപയുടെ റെക്കോർഡ് മറികടന്ന് ബി.കെ.യു 304.95 കോടി നേടിയത്. മഞ്ഞുമ്മൽ ബോയ്സ്, എമ്പുരാൻ, ലോക ചാപ്റ്റർ 1 എന്നീ ചിത്രങ്ങൾ തീർത്ത വലിയ വിജയങ്ങൾക്ക് പിന്നാലെയാണ് ബെത്ലഹേം കുടുംബ യൂണിറ്റും അതിഗംഭീര വിജയം നേടുന്നത്.
Content Highlights: Kalyani Priyadarshan appreciates nivin pauly on the success of BKU
