LIVE TV
സൂര്യയെ നായകനാക്കി സൂപ്പര് ഹിറ്റ് തെലുങ്ക് സംവിധായകന് വെങ്കി അറ്റ്ലൂരി ഒരുക്കുന്ന 'വിശ്വനാഥ് ആന്ഡ് സണ്സ്' കേരളത്തിലെ തീയേറ്ററുകളില് പ്രദര്ശനത്തിന് എത്തിക്കുന്നത് ന്യൂ സൂര്യ ഫിലിംസ്. ചിത്രത്തിന്റെ ആഗോള റിലീസ് 2026 ഓഗസ്റ്റ് 14 നാണ്. ചിത്രം കേരളത്തില് വമ്പന് റിലീസായി എത്തിക്കാനുള്ള ഒരുക്കത്തിലാണ് ന്യൂ സൂര്യ ഫിലിംസ്. മലയാളി താരം മമിത ബൈജു നായികയായി എത്തുന്ന ചിത്രം, ഫോര്ച്യൂണ് ഫോര് സിനിമാസുമായി ചേര്ന്ന്, സിതാര എന്റര്ടെയ്ന്മെന്റ്സ് ബാനറില് സൂര്യദേവര നാഗ വംശി, സായ് സൗജന്യ എന്നിവരാണ് നിര്മ്മിച്ചിരിക്കുന്നത്. ശ്രീകര സ്റ്റുഡിയോസ് ആണ് ചിത്രം അവതരിപ്പിക്കുന്നത്.
അടുത്തിടെ ചിത്രത്തിലെ ആദ്യ ഗാനമായ 'പട്ടാമ്പൂച്ചി'യുടെ ലിറിക്കല് വീഡിയോ പുറത്ത് വരികയും മികച്ച പ്രേക്ഷക പ്രതികരണം നേടുകയും ചെയ്തിരുന്നു. ദേശീയ അവാര്ഡ് ജേതാവായ ജി വി പ്രകാശ് കുമാര് ആണ് ഗാനത്തിന് സംഗീതം ഒരുക്കിയത്. നായികയായ മമിത ബൈജുവിന്റെ നൃത്തമാണ് ഈ ചടുലമായ പ്രണയ ഗാനത്തിന്റെ ഹൈലൈറ്റ്.
സൂര്യയുടെ കരിയറിലെ നാല്പത്തിയാറാം ചിത്രമായി എത്തുന്ന വിശ്വനാഥ് ആന്ഡ് സണ്സ്, ബ്ലോക്ക്ബസ്റ്റര് ഹിറ്റായ ലക്കി ഭാസ്കറിന് ശേഷം വെങ്കി അറ്റ്ലൂരി ഒരുക്കുന്ന ചിത്രമാണ്. സംവിധായകന് വെങ്കി അറ്റ്ലൂരി തന്നെയാണ് ചിത്രം രചിച്ചിരിക്കുന്നതും.
രവീണ ടണ്ഡന്, രാധിക ശരത്കുമാര്, ഭവാനി ശ്രീ എന്നിവരാണ് ചിത്രത്തിലെ മറ്റു താരങ്ങള്. ഒരു പക്കാ ഫാമിലി എന്റെര്റ്റൈനെര് ആയാണ് ചിത്രം ഒരുക്കിയിരിക്കുന്നത് എന്ന സൂചനയാണ് ഇതിന്റെ ടീസര്, പോസ്റ്ററുകള് എന്നിവ നല്കുന്നത്. ചിത്രത്തിന്റെ ഒടിടി റൈറ്റ്സ് നെറ്റ്ഫ്ലിക്സ് ആണ് സ്വന്തമാക്കിയത്.
ഛായാഗ്രഹണം - നിമിഷ് രവി, സംഗീതം- ജി വി പ്രകാശ് കുമാര്, എഡിറ്റര് - നവീന് നൂലി, പ്രൊഡക്ഷന് ഡിസൈനര് - ബംഗ്ലാന്, എക്സിക്യൂട്ടീവ് പ്രൊഡ്യൂസര് - യലമഞ്ചിളി ഗോപാല കൃഷ്ണ (നാനി), ലൈന് പ്രൊഡ്യൂസര് - കരുമാഞ്ചി ഉമാ മഹേശ്വര റാവു, കലാസംവിധായകര് - ശിവ കാമേഷ് ഡി, ജിത്തു സെബാസ്റ്റ്യന്, ഫൈറ്റ് മാസ്റ്റര് - വി. വെങ്കട്ട്, നൃത്തസംവിധാനം - ശേഖര് വിജെ, വിജയ് ബിന്നി, സംഭാഷണങ്ങള് - കെ. എന്. വിജയകുമാര്, ചീഫ് കോ-ഡയറക്റ്റര് - ശ്രീവാസ്തവ , കോ-ഡയറക്ടര് - അഞ്ജി ചോഡപനിഡി, വിഎഫ്എക്സ് സൂപ്പര്വൈസര് - വാസുദേവ റാവു മൊജ്ജാദ, ഡിഐ - ന്യൂബ് സ്റ്റുഡിയോസ്, കളറിസ്റ്റ് - വൈശാഖ് ശിവ, ഡോള്ബി അറ്റ്മോസ് മിക്സ് - ടി. ഉദയ് കുമാര്, ടീസര് കട്ട് - ബലറാം കൃഷ്ണന്, വിഷ്ണു രാമഗിരി, നിഖില് നാദെല്ല, ചീഫ് അസോസിയേറ്റ് എഡിറ്റര് - ബലറാം കൃഷ്ണന്, അസോസിയേറ്റ് എഡിറ്റര് - ശ്രീനിവാസ് നദിമിണ്ടി, ഡയറക്ഷന് ഡിപ്പാര്ട്ട്മെന്റ് - വിജയകുമാര്, ബാലയ്യ ഡി രാജശേഖര്, രാമറാവു ആലുബെല്ലി, രാം സന്ദീപ് വര്മ്മ ജമ്പാന, രമേഷ് അഗുരി, നവീന് ഈദാര, സായ് ചരണ് വണ്ടവസു, റിഷ ചെറുകുരി, ശിവ ശങ്കര്, അനീഷ് ദേവന്പള്ളി, കലാല് വെങ്കി ഗൌഡ്, ഡിഒപി ടീം - ആന്സണ് ടൈറ്റസ്, ഹെമില് സുഗുനന്, അഭിജിത് ഷാബു, നിഖില ലാല്കുമാര്, ഹരി ബാബു, പ്രവീണ്, കോസ്റ്റ്യൂം ഡിസൈനര്മാര് - അര്ച്ചന റാവു, സന്ധ്യ സബ്ബവരപു, മോഷന് ജിഎഫ്എക്സ് - സബാരി രാമിറോ, പ്രൊഡക്ഷന് കണ്ട്രോളര് - രുദ്രേഷ് എസ്, പബ്ലിസിറ്റി ഡിസൈനര് - കബിലന്, ഡിജിറ്റല് മാര്ക്കറ്റിംഗ് - സന്ദീപ് കുല്ക്കര്ണി, പിആര്ഒ- ശബരി.
Content Highlights: New Surya Films is bringing the Suriya–Mamitha Baiju movie Viswanathan & Sons to Kerala
