LIVE TV
രതീഷ് ബാലകൃഷ്ണൻ പൊതുവാൾ രചനയും സംവിധാനവും നിർവഹിച്ച് കുഞ്ചാക്കോ ബോബൻ നായകനാകുന്ന "ഒരു ദുരൂഹ സാഹചര്യത്തിൽ" ഒടിടിയിൽ സ്ട്രീം ചെയ്യാൻ ആരംഭിച്ചിരിക്കുകയാണ്. തിയേറ്ററിൽ വേണ്ടവിധത്തിൽ ശ്രദ്ധ കിട്ടാതെ പോയ സിനിമയ്ക്ക് ഒടിടി റിലീസിന് പിന്നാലെ മികച്ച സ്വീകാര്യത ആണ് ലഭിക്കുന്നത്. ഇപ്പോഴിതാ ചിത്രത്തിലെ കുഞ്ചാക്കോ ബോബന്റെ പ്രകടനം ആണ് കയ്യടി വാരിക്കൂട്ടുന്നത്.
തിരുനെല്ലി പഞ്ചായത്തിലെ തോൽപ്പെട്ടിയിലുള്ള ജനകീയ ആരോഗ്യ കേന്ദ്രത്തിലെ ജീവനക്കാരനും റേഡിയോയുടെ സ്ഥിരം ശ്രോതാവുമായ 'സേതു' എന്ന കഥാപാത്രമായാണ് കുഞ്ചാക്കോ ബോബൻ ഈ ചിത്രത്തിൽ എത്തുന്നത്. ചിത്രത്തിലെ നടന്റെ ട്രാൻസ്ഫോർമേഷൻ സീനുകളും ഡയലോഗ് ഡെലിവെറിയുമെല്ലാം കയ്യടി വാരിക്കൂട്ടുന്നുണ്ട്. ഈ വർഷം കണ്ടതിൽ ഏറ്റവും ബെസ്റ്റ് പെർഫോമൻസ് ആണ് സിനിമയിലെ ചാക്കോച്ചന്റെ പ്രകടനം എന്നാണു കമന്റുകൾ. നടൻ ഞെട്ടിച്ചെന്നും ചിലർ സോഷ്യൽ മീഡിയയിലൂടെ കമന്റ് ചെയ്യുന്നുണ്ട്. സിനിമയ്ക്കും മികച്ച അഭിപ്രായം ആണ് ലഭിക്കുന്നത്. സിനിമയുടെ ക്ലൈമാക്സ് നിരാശപ്പെടുത്തി എങ്കിലും ചിത്രം മുഷിപ്പിക്കുന്നില്ല എന്നാണ് അഭിപ്രായങ്ങൾ.
Ambo എന്തൊരു കിടിലൻ പെർഫോർമർ ആണ് കുഞ്ചാക്കോ ബോബൻ🫡♥️
— Deepu (@deepuva24) May 15, 2026
ശരിക്കും ഞെട്ടിച്ചുകളഞ്ഞു. ഈ വർഷം കണ്ടതിൽ ഏറ്റവും ബെസ്റ്റ് പെർഫോമൻസ്.ചാക്കോച്ചൻ്റെ കരിയർ ബെസ്റ്റ് എന്നൊക്കെ പറയാം
പടം also watchable feel aayirunnu എനിക്ക്.ദിലീഷ് പോത്തൻ also അന്യായ performance ആണ് ♥️
ഒരു ദുരൂഹ സാഹചര്യത്തിൽ pic.twitter.com/Z3UxyGa9Ic
കുഞ്ചാക്കോ ബോബനൊപ്പം ദിലീഷ് പോത്തൻ, സജിൻ ഗോപു, ചിദംബരം, ജാഫർ ഇടുക്കി, സുധീഷ്, ശരണ്യ രാമചന്ദ്രൻ, പൂജ മോഹൻരാജ്, രാജേഷ് മാധവൻ, ഷാഹി കബീർ, പി.പി. കുഞ്ഞികൃഷ്ണൻ തുടങ്ങി വൻ താരനിര തന്നെ ചിത്രത്തിൽ അണിനിരക്കുന്നുണ്ട്. മാജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫനും ഉദയ പിക്ചേഴ്സിന്റെ ബാനറിൽ കുഞ്ചാക്കോ ബോബനും ചേർന്നാണ് ചിത്രം നിർമ്മിക്കുന്നത്. മലയാള സിനിമയിലെ രണ്ട് കാലഘട്ടങ്ങളിലെ വമ്പൻ പ്രൊഡക്ഷൻ കമ്പനികളായ മാജിക് ഫ്രെയിംസും ഉദയ പിക്ചേഴ്സും ആദ്യമായി ഒരുമിക്കുന്നു എന്ന വലിയ പ്രത്യേകതയും ഈ ചിത്രത്തിനുണ്ട്.
എക്സിക്യൂട്ടീവ് പ്രൊഡ്യൂസേഴ്സ്: സന്തോഷ് കൃഷ്ണൻ, നവീൻ പി. തോമസ്. ലൈൻ പ്രൊഡ്യൂസർ: അഖിൽ യശോധരൻ. ക്യാമറ: അർജുൻ സേതു. എഡിറ്റർ: മനോജ് കണ്ണോത്ത്. സംഗീതം: ഡോൺ വിൻസന്റ്. ആർട്ട്: ഇന്ദുലാൽ കാവീട്. സൗണ്ട് ഡിസൈൻ: ശ്രീജിത്ത് ശ്രീനിവാസൻ. സൗണ്ട് മിക്സിങ്: വിപിൻ നായർ. മേക്കപ്പ്: റോണെക്സ് സേവ്യർ. കോസ്റ്റ്യൂം: മെൽവി ജെ. അഡ്മിനിസ്ട്രേഷൻ ആൻഡ് ഡിസ്ട്രിബ്യൂഷൻ ഹെഡ്: ബബിൻ ബാബു. പ്രൊഡക്ഷൻ കൺട്രോളർ: ദീപക് പരമേശ്വരൻ. ചീഫ് അസോസിയേറ്റ് ഡയറക്ടർ: അജിത്ത് വേലായുധൻ. സ്റ്റണ്ട്സ്: വിക്കി നന്ദഗോപാൽ. ഡി.ഐ.: സപ്ത വിഷൻ. കളറിസ്റ്റ്: ജോയ്നർ തോമസ്. കാസ്റ്റിങ് ഡയറക്ടർമാർ: തോമസ് ജോർജ്, നൗഫൽ വി.എം., വൈശാഖ് മനോഹരൻ. കൊറിയോഗ്രഫി: ഡാൻസിങ് നിൻജ. പി.ആർ.ഒ.: മഞ്ജു ഗോപിനാഥ്. സ്റ്റിൽസ്: പ്രേംലാൽ പട്ടാഴി. മാർക്കറ്റിങ്: സൗത്ത് ഫ്രെയിംസ് എന്റർടൈൻമെന്റ്, മാർട്ടിൻ ജോർജ് ആറ്റവേലിൽ. അഡ്വർടൈസിങ്: ബ്രിങ് ഫോർത്ത്. ഡിസൈൻസ്: യെല്ലോ ടൂത്ത്സ്.
Content Highlights: Kunchacko Boban wins applause after OTT release of oru durooha sahacharyathil
