LIVE TV
പൃഥ്വിരാജും പാര്വതിയും വീണ്ടും ഒന്നിക്കുന്ന ചിത്രമാണ് ഐ നോബഡി. നിസാം ബഷീറാണ് ചിത്രത്തിന്റെ സംവിധായകന്. ഇപ്പോഴിതാ ചിത്രത്തിന്റെ ഷൂട്ടിങ്ങിനെ കുറിച്ചും നിസാമിന്റെ ഫിലിം മേക്കിങ്ങിനെ കുറിച്ചും സംസാരിക്കുകയാണ് പാര്വതി. നിസാമിന്റെ ഫിലിം മേക്കിങ് ശൈലിയുടെ വിദ്യാര്ഥിയായി താന് മാറിയെന്നും പാര്വതി പറയുന്നു.
'ഫിലിം മേക്കിങ് സ്റ്റൈലിനെക്കുറിച്ച് കൃത്യമായ ധാരണയുള്ള ആളാണ് നിസാം ബഷീര്. എഡിറ്റിംഗ്, മ്യൂസിക്ക്, ക്യാമറ ആംഗിള് എല്ലാത്തിനെയും കുറിച്ച് നിസാമിന് ധാരണയുണ്ട്. സെറ്റില് ഇടയ്ക്ക് ബാക്ക് ഗ്രൗണ്ട് മ്യൂസിക് പ്ലേ ചെയ്യാറുണ്ട്. റിഹേഴ്സലുകള് അങ്ങനെയാണ് നടക്കാറ്.
ചിത്രീകരണ സമയത്ത് മോണിറ്ററില് നോക്കാന് എനിക്കിഷ്ടമല്ല. കാരണം അങ്ങനെ നോക്കിയാല് അടുത്ത ഷോട്ടില് എന്നെ കൂടുതല് ഭംഗിയായി കാണാന് സാധിക്കുന്ന രീതിയില് ഞാന് അഡ്ജസ്റ്റ് ചെയ്യും. പക്ഷേ ഈ സിനിമയില് അത് ചെയ്യണമായിരുന്നു. ഷൂട്ടിംഗ് സമയത്ത് അഭിനയിച്ച മോണിറ്ററിന് പിന്നില് ഇരുന്ന് ഓരോ ഷോട്ടും ഞാന് കണ്ടു.
ഞങ്ങളുടെ അഭിനയത്തെ കുറിച്ച് നിസാമിന് ആശങ്ക ഒന്നുമില്ലായിരുന്നു. പക്ഷെ ഈ മൂവ്മെന്റെ വേണമെന്ന് ആവശ്യപ്പെടും. അതിനാല്ത്തന്നെ ഒരു മൂവ്മെന്റ് കൊറിയോഗ്രഫി പോലെയാണ് ചിത്രീകരണം തോന്നിയത്. നിസാമിന്റെ ഫിലിം മേക്കിങ് ശൈലിയുടെ വിദ്യാര്ഥിയായി ഞാന് മാറി'-പാര്വതി പറഞ്ഞു.
എന്ന് നിന്റെ മൊയ്തീന്, കൂടെ, മൈ സ്റ്റോറി എന്നീ ചിത്രങ്ങള്ക്ക് ശേഷം പൃഥ്വിരാജും പാര്വതി തിരുവോത്തും ഒന്നിക്കുന്ന ചിത്രം കൂടിയാണ് ഐ, നോബഡി. കൂടാതെ അശോകന്, മധുപാല്, ഹക്കിം ഷാജഹാന്, ലുക്മാന്, ഗണപതി, വിനയ് ഫോര്ട്ട് തുടങ്ങി മികച്ച താരനിരയാണ് ചിത്രത്തിന്റെ ഭാഗമാവുന്നത്.
Content Highlights: Parvati thiruvot about a nobody film shooting experience
