Get the latest news at
your fingertips!
Download our app now
LIVE TV
Search
സ്കൂൾ കാലഘട്ടത്തിൽ കഞ്ചാവ് വലിച്ചതിന്റെ അനുഭവം പങ്കിട്ട് 70-കാരനായ നടൻ അനുപം ഖേര്‍. കഞ്ചാവ് വലിച്ച് എട്ട് മണിക്കൂർ ചിരി നിർത്താനായില്ലെന്നും വട്ടായതുപോലെ തോന്നിയെന്നും നടൻ പറഞ്ഞു. അണ്‍ഫില്‍ട്ടേഡ് വിത്ത് സാംദിശ് എന്ന പോഡ്കാസ്റ്റില്‍ സംസാരിക്കവെയാണ് തന്റെ അനുഭവങ്ങള്‍ അദ്ദേഹം പങ്കുവെച്ചത്. പിന്നീട് ഒരിക്കലും താൻ ലഹരി വസ്തുക്കൾ കൈകൊണ്ട് തൊട്ടിട്ടില്ലെന്ന് അനുപം ഖേര്‍ കൂട്ടിച്ചേർത്തു.
'രണ്ട് പുകയെടുത്തുവെന്നാണ് തോന്നുന്നത്. എന്നിട്ട് ഞാന്‍ ആകാശത്തേക്ക് നോക്കിയിരുന്നു. ആ സമയം എയര്‍പോര്‍ട്ടില്‍ നിന്നുമൊരു വിമാനം ടേക്ക് ഓഫ് ആയിട്ടുണ്ടായിരുന്നു. ഞാന്‍ അതും നോക്കിയിരുന്നു. അത് ആകാശത്തൊരു കുഞ്ഞ് പൊട്ടാകുന്നത് വരെ ഞാന്‍ നോക്കിയിരുന്നു. മിക്കവാറും അത് എയര്‍പ്പോര്‍ട്ടില്‍ ലാന്റ് ചെയ്യുന്നത് വരെ ഞാന്‍ ആകാശത്തേക്ക് നോക്കിയിരുന്നുണ്ടാകും എന്നാണ്. എനിക്ക് വട്ടായതുപോലെയായിരുന്നു. അതേ ദിവസം തന്നെ കാറില്‍ കയറി ഇരുന്നപ്പോള്‍ എനിക്ക് തോന്നിയത് റോഡ് ഓടുന്നതു പോലെയാണ്.
കഞ്ചാവടിച്ച സഹപാഠികളും എനിക്കൊപ്പം ഹോസ്റ്റലിന്റെ ടെറസില്‍ നില്‍ക്കുന്നുണ്ടായിരുന്നു. 'സൈന്യം വരുന്നു' എന്ന് അവര്‍ വാര്‍ഡനോട് പറഞ്ഞു. അക്ഷരാർഥത്തിൽ എട്ടുമണിക്കൂറോളം തുടര്‍ച്ചയായി പൊട്ടിച്ചിരിക്കുകയായിരുന്നു ഞാൻ. ചിരിച്ച് ചിരിച്ച് ഞാന്‍ മരിച്ച് പോകും, എന്നെ രക്ഷിക്കൂ എന്ന് ഞാൻ അവരോട് പറഞ്ഞു. കഞ്ചാവും ഭാംഗും ഇനി കൈകൊണ്ട് തൊടില്ലെന്ന് അന്ന് ഞാന്‍ പ്രതിജ്ഞയെടുത്തു.' അനുപം ഖേര്‍.
Content Highlights: Actor Anupam Kher shares his experience of using drugs
