LIVE TV
തിരൂർ: മലപ്പുറം തിരൂരിൽ നവവരൻ വധുവിന്റെ വീട്ടിലെ മണിയറയിലെ ശുചിമുറിയിൽ ഒളിപ്പിച്ച എംഡിഎംഎ പൊലീസ് കണ്ടെടുത്തു. തവനൂർ പുത്തൻപുരയിൽ മുഹമ്മദ് ഷിബാനാണ്(26) പൊലീസിന്റെ പിടിയിലായത്.
സ്വകാര്യ ആശുപത്രിയിലെ തെറാപ്പിസ്റ്റായ ഷിബാന്റെ കാറിൽനിന്ന് തിരൂരിൽ വെച്ച് പൊലീസ് എംഡിഎംഎ പിടികൂടിയിരുന്നു. തുടർന്ന് നടത്തിയ ചോദ്യം ചെയ്യലിലാണ് നിക്കാഹ് കഴിച്ച നവവധുവിന്റെ വീട്ടിലും എംഡിഎംഎ സൂക്ഷിച്ചതായി ഷിബാൻ വെളിപ്പെടുത്തിയത്. ഉപയോഗത്തിനും വില്പനയ്ക്കുമായി എത്തിച്ചതാണ് ഇതെന്നും ബാക്കിയുള്ളവയാണ് ഭാര്യയുടെവീട്ടിൽ സൂക്ഷിച്ചതെന്നുമായിരുന്നു ഷിബാൻ പറഞ്ഞത്. തുടർന്ന് വീട്ടിലെത്തി പരിശോധിച്ച പൊലീസ് മുകളിലത്തെ നിലയിലെ മണിയറയിലെ ബാത്ത്റൂമിൽനിന്ന് എംഡിഎംഎ കണ്ടെത്തുകയായിരുന്നു. ആകെ 1.55 ഗ്രാം എംഡിഎംഎയാണ് കണ്ടെത്തിയത്. പ്രതിയെ കോടതിയിൽ ഹാജരാക്കി.
Content Highlight : Police found drugs hidden by groom in the bathroom of the bride's house in Tirur, Malappuram
