Top

പ്രാതലിന് ഉപ്പുകൂടി; ഭര്‍ത്താവ് രോഷാകുലനായി കഴുത്തില്‍ തുണിമുറിക്കി ഭാര്യയെ കൊലപ്പെടുത്തി

മഹാരാഷ്ട്രയിലെ തൈന്‍ ജില്ലയിലാണ് ഞെട്ടിക്കുന്ന കൊലപാതകം നടന്നത്

16 April 2022 12:51 PM GMT
റിപ്പോർട്ടർ നെറ്റ്‌വർക്ക്

പ്രാതലിന് ഉപ്പുകൂടി; ഭര്‍ത്താവ് രോഷാകുലനായി കഴുത്തില്‍ തുണിമുറിക്കി ഭാര്യയെ കൊലപ്പെടുത്തി
X

മുബൈ: പ്രാതലിന് ഉപ്പുകൂടിയതില്‍ രോഷാകുലനായ ഭര്‍ത്താവ് നാല്പതുകാരിയായ ഭാര്യയെ കഴുത്തില്‍ തുണി മുറുക്കി കൊലപ്പെടുത്തി. മഹാരാഷ്ട്രയിലെ തൈന്‍ ജില്ലയിലാണ് ഞെട്ടിക്കുന്ന കൊലപാതകം നടന്നത്.

ഭര്‍ത്താവ് നീലേശ്വര്‍ ഗാരങ്ങ്‌സിന്റെ ക്രൂരകൃത്യത്തിന് ഇരയായത് നിര്‍മ്മലയെന്ന സ്ത്രീയാണ്. സംഭവത്തെ തുടര്‍ന്ന് നാല്പ്പത്തിയാറുകാരനായ ഭര്‍ത്താവ് നീലേശ്വര്‍ ഗാങ്ങ്സിനെ പൊലീസ് അറസ്റ്റ് ചെയ്തു. തൈന്‍ ജില്ലയിലെ ഭയന്തര്‍വാസല്‍ സ്വദേശിയാണ് അറസ്റ്റിലായ നീലേശ്വര്‍ ഗാരങ്ങ്സ്.

സംഭവ ദിവസം പ്രാതലിന് ഭാര്യ നിര്‍മ്മല തയ്യാറാക്കിയ കിച്ചടിയില്‍ ഉപ്പു കൂടിയതില്‍ നീലേശ്വര്‍ രോഷാകുലനാവുകയായിരുന്നു. തുടര്‍ന്ന് ഇയാള്‍ ഭാര്യയുടെ കഴുത്തില്‍ തുണിമുറുക്കി കൊലപ്പെടുത്തുകയും ചെയ്തു. വീരാര്‍ പൊലീസ് സ്റ്റേഷന്‍ പരിധിയിലാണ് ദാരുണമായ കൊലപാതകം നടന്നത്. നീളത്തിലുള്ള തുണി ഉപയോഗിച്ചാണ് ഇയാള്‍ ഭാര്യയെ കഴുത്തുമുറുക്കി കൊലപ്പെടുത്തിയത്.

അതേസമയം സംഭവത്തില്‍ വിശദമായ അന്വേഷണം നടത്തിവരികയാണെന്ന് പൊലീസ് അറിയിച്ചു. ഇന്ത്യന്‍ ശിക്ഷാനിയമം 302ാം വകുപ്പ് പ്രകാരമാണ് പൊലീസ് ഇയാളെ അറസ്റ്റുചെയ്തിരിക്കുന്നത്.

സമാനമായ മറ്റൊരു സംഭവത്തില്‍ കഴിഞ്ഞ ദിവസം ചായക്കൊപ്പം പ്രാതല്‍ നല്കാന്‍ വൈകിയെന്നതില്‍ നാല്പ്പത്തിരണ്ടുകാരിയെ ഭര്‍തൃപിതാവ് വെടിവെച്ചു കൊലപ്പെടുത്തി. ചായക്കൊപ്പം പ്രാതല്‍ ലഭിക്കാത്തതില്‍ ക്ഷുഭിതനായ ഭര്‍തൃപിതാവ് സ്ത്രീയുടെ വയറിലേക്കാണ് വെടിയുതിര്‍ത്തത്. തുടര്‍ന്ന് ഗുരുതരാവസ്ഥയില്‍ ആശുപത്രിയില്‍ പ്രവേശിപ്പിക്കപ്പെട്ട ഇവര്‍ ചികിത്സയിലിരിക്കെയാണ് മരണപ്പെട്ടത്.

Story highlights: Man killed his wife for serving breakfast with too much salt

Next Story