Get the latest news at
your fingertips!
Download our app now
LIVE TV
Search
ചെന്നൈ: പ്രായം വെറും അക്കമാണെന്ന് വീണ്ടും തെളിയിക്കുകയാണ് ചെന്നൈ സൂപ്പര് കിങ്സ് മുന് നായകന് എം എസ് ധോണി. ഗുജറാത്ത് ടൈറ്റന്സിനെതിരായ മത്സരത്തില് കിടിലന് ഡൈവിങ് ക്യാച്ചുമായാണ് 'തല' ആരാധകരെ ഞെട്ടിച്ചിരിക്കുന്നത്. ചെപ്പോക്കില് നിറഞ്ഞുനിന്ന ആരാധകരെ മുഴുവന് ആവേശത്തിലാക്കാന് ധോണിയുടെ ഈ ക്യാച്ചിന് കഴിഞ്ഞു.
ONE OF THE GREATEST CATCH BY A 42 YEAR OLD MS DHONI. 🤯💥pic.twitter.com/NQrDysnxoB
— Mufaddal Vohra (@mufaddal_vohra) March 26, 2024
ടൈറ്റന്സ് താരം വിജയ് ശങ്കറെയാണ് ധോണി അവിശ്വസനീയമായ ക്യാച്ചിലൂടെ പുറത്താക്കിയത്. മത്സരത്തില് ഗുജറാത്ത് ഇന്നിംഗ്സിന്റെ എട്ടാം ഓവറിലാണ് സംഭവം. ഡാരില് മിച്ചല് എറിഞ്ഞ ഓവറിലെ മൂന്നാം പന്തില് വിജയ് ശങ്കര് ആയിരുന്നു സ്ട്രൈക്കില്.
Flying cheetah 🔥 #CSKvGT #MsDhoni #CSK #IPLUpdate $BLOCK @GetBlockGames $PARAM@ParamLaboratory @JoinEveryworld $EVERY pic.twitter.com/YXksWbEiys
— Shailu pawar Tabi 🟧🛸 🏰| 💚🌙 (@shailu_pawar) March 26, 2024
ഓഫ് സ്റ്റംപിന് പുറത്തുവന്ന പന്തില് ശങ്കര് ഡ്രൈവ് ചെയ്യാന് ശ്രമിച്ചെങ്കിലും ബാറ്റിന്റെ എഡ്ജില് കൊണ്ട് പന്ത് കൃത്യമായി കീപ്പറുടെ അടുത്തേക്ക് എത്തി. ഈ സമയത്താണ് ധോണി ഒരു കിടിലന് ഡൈവിങ്ങിലൂടെ പന്ത് കൈപ്പിടിയില് ഒതുക്കിയത്. ഇതോടെ ചെപ്പോക്ക് മുഴുവന് ആരവമുയര്ന്നു. 12 പന്തുകള് നേരിട്ട് ശങ്കര് 12 റണ്സ് ആണ് നേടിയത്.
സോഷ്യല് മീഡിയയിലും ധോണിയുടെ ക്യാച്ച് വൈറലാണ്. ഈ പ്രായത്തിലും ധോണിക്ക് കിടിലന് ഫിറ്റ്നസാണെന്നും പറക്കുന്ന ചീറ്റയുടേതിന് സമാനമാണ് ധോണിയുടെ ഡൈവിങ്ങെന്നുമെല്ലാമാണ് ആരാധകരുടെ പ്രതികരണം. മത്സരത്തില് 63 റണ്സിന് ചെന്നൈ സൂപ്പര് കിംഗ്സ് വിജയിക്കുകയും ചെയ്തു.
