Top

'ഫിറ്റ് ഇന്ത്യയും സ്വച്ഛ് ഭാരത് അഭിയാനും!'; ഓടുന്ന വണ്ടിയിൽ വ്യായാമം ചെയ്ത് ശില്പ ഷെട്ടി, വീഡിയോ

വീഡിയോ സിനിമ ലോകം അടക്കം നിരവധിപേരാണ് ഏറ്റെടുത്തിരിക്കുന്നത്.

6 May 2022 12:23 PM GMT
ഫിൽമി റിപ്പോർട്ടർ

ഫിറ്റ് ഇന്ത്യയും സ്വച്ഛ് ഭാരത് അഭിയാനും!; ഓടുന്ന വണ്ടിയിൽ വ്യായാമം ചെയ്ത് ശില്പ ഷെട്ടി, വീഡിയോ
X

ബോളിവുഡ് നടിമാരിൽ ഭൂരിഭാഗം താരങ്ങളും അവരുടെ ഫിറ്റ്നെസ്സിനു കൂടുതൽ പ്രാധാന്യം കൊടുക്കുന്നവരാണ്. താരങ്ങളുടെ ജിം വർക്ക് ഔട്ടുകളും വ്യായാമങ്ങളും സോഷ്യൽ മീഡിയ ഏറ്റെടുക്കാറുമുണ്ട്. ഇപ്പോഴിതാ ബോളിവുഡിലെ ഫിറ്റ്നസ് താരമായ ശില്പ ഷെട്ടിയുടെ വ്യായാമ വീഡിയോ ആണ് സോഷ്യൽ മീഡിയയിൽ വൈറലാകുന്നത്. കഴിഞ്ഞ ദിവസമിട്ട വീഡിയോ സിനിമ ലോകം അടക്കം നിരവധിപേരാണ് ഏറ്റെടുത്തിരിക്കുന്നത്.

ഓടിക്കൊണ്ടിരിക്കുന്ന ഒരു എയര്‍പോര്‍ട്ട് ബസില്‍ വച്ചാണ് താരത്തിന്റെ വ്യായാമം. തന്റെ യാത്രയ്ക്കിടയിൽ പുഷ് അപ്പ്, പുള്‍ അപ്പ്, ലഞ്ചസ് തുടങ്ങിയ വ്യായാമങ്ങളും ചെയ്യുന്നുണ്ട്. ബസിലെ കമ്പികളില്‍ തൂങ്ങി കിടന്നാണ് വ്യായാമം ചെയ്യുന്നത് മറ്റും ചെയ്യുന്നത്. വ്യായാമത്തിന് ശേഷം ടിഷ്യൂ പേപ്പര്‍ ഉപയോഗിച്ച് കമ്പികള്‍ തുടച്ച് വൃത്തിയാക്കിയ ശില്‍പ 'ഫിറ്റ് ഇന്ത്യ ദൗത്യവും സ്വച്ഛ ഭാരത് ദൗത്യവും' ഒരുമിച്ച് നിര്‍വഹിച്ചതായി ക്യാപ്ഷനില്‍ കുറിച്ചു.

അമിത് സദ്ദ് ഉള്‍പ്പെടെ നിരവധി ബോളിവുഡ് താരങ്ങളാണ് ശിൽപയുടെ വീഡിയോയ്ക്ക് പ്രതികരണവുമായി എത്തിയത്. ഇതിനു മുൻപും തന്റെ വ്യായാമ മുറകൾ കുറിച്ചും ശീലങ്ങളെ കുറിച്ചുള്ള ചിത്രങ്ങളും വിഡിയോയും സമൂഹ മാധ്യമങ്ങളിൽ പങ്കുവച്ചിട്ടുണ്ട്. വ്യായാമമായാലും ജീവിതമായാലും അതിനു വേണ്ടി ഇപ്പോഴും വർക്ക് ചെയ്തുകൊണ്ടേ ഇരിക്കണം. അതാണ് വിജയത്തിനുള്ള ഫോര്‍മുലയെന്നാണ് ശില്‍പ പറയുന്നത്.

Story highlights: 'Fit India and Swachh Bharat Abhiyan!'; Shilpa Shetty Exercising In A Running Bus, Video

Next Story