LIVE TV
ന്യൂഡല്‍ഹി: രാജ്യത്തെ 14 സംസ്ഥാനങ്ങളിലും മൂന്ന് കേന്ദ്രഭരണ പ്രദേശങ്ങളിലും വോട്ടര്‍പട്ടികയുടെ പുനഃപരിശോധന നടത്താന്‍ തെരഞ്ഞെടുപ്പ് കമ്മീഷന്‍ നിര്‍ദേശം നല്‍കി. കേരളമുള്‍പ്പെടെ 14 സംസ്ഥാനങ്ങളിലും എസ്എസ്ആര്‍ (സ്‌പെഷ്യൽ സമ്മറി റിവിഷന്‍) നടപ്പാക്കും. എസ്‌ഐആര്‍ പൂര്‍ത്തിയായ സംസ്ഥാനങ്ങളിലാണ് നടപടി. എസ്‌ഐആര്‍ നിലവില്‍ നടന്നുകൊണ്ടിരിക്കുന്നതോ അടുത്തിടെ പൂര്‍ത്തിയാക്കിയതോ ആയ സംസ്ഥാനങ്ങളിലും കേന്ദ്രഭരണ പ്രദേശങ്ങളിലും എസ്എസ്ആര്‍ നടത്തുന്നതിനുള്ള സമയക്രമം പിന്നീട് പ്രഖ്യാപിക്കുമെന്ന് തെരഞ്ഞെടുപ്പ് കമ്മീഷന്‍ അറിയിച്ചു.
പുതിയ വോട്ടര്‍മാരെ ചേര്‍ക്കുന്നതിനും ഒഴിവാക്കേണ്ടവരെ ഒഴിവാക്കുന്നതിനുമായി വര്‍ഷം തോറും എസ്എസ്ആര്‍ നടപ്പാക്കും. നവംബര്‍ 12ന് കരട് വോട്ടര്‍ പട്ടിക പ്രസിദ്ധീകരിക്കും. ഡിസംബര്‍ 11 വരെ അഭിപ്രായമറിയിക്കാം. അന്തിമ പട്ടിക ജനുവരി നാലിന് പ്രഖ്യാപിക്കും. ആന്‍ഡമാന്‍ നിക്കോബാര്‍ ദ്വീപുകള്‍, അസം, ബിഹാര്‍, ഛത്തീസ്ഗഢ്, ഗോവ, ഗുജറാത്ത്, കേരളം, ലക്ഷദ്വീപ്, മധ്യപ്രദേശ്, മണിപ്പൂര്‍, പുതുച്ചേരി, പഞ്ചാബ്, രാജസ്ഥാന്‍, തമിഴ്നാട്, ഉത്തര്‍പ്രദേശ്, ഉത്തരാഖണ്ഡ്, പശ്ചിമ ബംഗാള്‍ എന്നിവിടങ്ങളിലാണ് എസ്എസ്ആര്‍ നടത്തുക.
Content Highlights: The Election Commission has announced a Special Summary Revision of electoral rolls in Kerala and 13 other states and Union Territories, with the draft voter list scheduled for November 12 and the final list for January 4
