Get the latest news at
your fingertips!
Download our app now
LIVE TV
Search
ന്യൂഡൽഹി: ഡൽഹിയിലെ ജവഹർലാൽ നെഹ്‌റു സർവകലാശാലയിൽ (ജെഎൻയു) സംഘർഷം. ജെഎൻയു വിദ്യാർത്ഥി യൂണിയൻ പ്രസിഡന്റ് നിതേഷ് കുമാർ ഉൾപ്പടെ 28 വിദ്യാർത്ഥികളെ പൊലീസ് കസ്റ്റഡിയിലെടുത്തു. എബിവിപി പ്രവർത്തകർ വിദ്യാർത്ഥി യൂണിയൻ ഭാരവാഹികളെ ആക്രമിച്ചതിൽ പ്രതിഷേധിച്ച് നടത്തിയ മാർച്ചിനിടെ പ്രതിഷേധക്കാരും പൊലീസും തമ്മിൽ ഏറ്റുമുട്ടുകയായിരുന്നു.
യൂണിവേഴ്‌സിറ്റിയിലെ പടിഞ്ഞാറ് ഭാഗത്തുള്ള ഗേറ്റിന് സമീപം വൈകിട്ട് ആറോടെയാണ് പ്രതിഷേധവുമായി ഇടത് വിദ്യാർത്ഥി നേതാക്കൾ ഒത്തുകൂടിയത്. എൺപതോളം വരുന്ന വിദ്യാർത്ഥികൾ പൊലീസ് സ്ഥാപിച്ച ബാരിക്കേഡുകൾ തള്ളിമാറ്റിയെന്നും പൊലീസുകാരെ ആക്രമിച്ചെന്നും ഡൽഹി പൊലീസ് അറിയിച്ചു. ആറ് പൊലീസുകാർക്ക് പരിക്കേറ്റതായും പ്രതിഷേധത്തിന് അനുമതി നൽകിയിരുന്നില്ലെന്നും പൊലീസ് വ്യക്തമാക്കി.
19 ആൺകുട്ടികളെയും ഒൻപത് പെൺകുട്ടികളെയുമാണ് പൊലീസ് കസ്റ്റഡിയിലെടുത്തത്. നിതേഷ് കുമാറിന് പുറമെ ജെഎൻയുവിദ്യാർത്ഥി യൂണിയൻ വൈസ് പ്രസിഡന്റ് മനീഷ, ജനറൽ സെക്രട്ടറി മുൻതിയ ഫാത്തിമ എന്നിവരെയും കസ്റ്റഡിയിലെടുത്തിട്ടുണ്ട്. സമാധാനമായി നടത്തിവന്ന പ്രതിഷേധം പൊലീസാണ് അക്രമാസക്തമാക്കിയതെന്ന് വിദ്യാർത്ഥികൾ ആരോപിച്ചു.
Content Highlights: JNU protest become confrontational; delhi police detains 28 students
