LIVE TV
ന്യൂഡൽഹി: ഖത്തറിൽ ജയിലിൽ കഴിയുന്ന മലയാളികളെ കൈമാറണമെന്ന് ആവശ്യപ്പെട്ട് ഡൽഹി ജന്തർമന്ദറിൽ പ്രതിഷേധം ശക്തം. ജയിലിലുള്ള 650 മലയാളികളുടെ കുടുംബങ്ങളാണ് പ്രതിഷേധിക്കുന്നത്. രാജ്മോഹൻ ഉണ്ണിത്താൻ, ഹൈബി ഈഡൻ, ഷാഫി പറമ്പിൽ എന്നിവർ സമരക്കാരുമായി കൂടിക്കാഴ്ച നടത്തി.
സ്‌പോൺസർമാർ നൽകിയ 2015-ൽ ഇന്ത്യയും ഖത്തറും തമ്മിൽ ഒപ്പിട്ട തടവുപുള്ളികളുടെ കൈമാറ്റ കരാർ നടപ്പിൽ വരുത്തണമെന്നാണ് ആവശ്യം. പാകിസ്താൻ, ഇറാൻ തുടങ്ങിയ രാജ്യങ്ങൾ ഇത്തരത്തിൽ കരാറുകളിലൂടെ തടവുകാരെ കൈമാറിക്കഴിഞ്ഞു. എന്നാൽ ഇന്ത്യക്കാർക്ക് വേണ്ടി സംസാരിക്കാൻ ഇന്ത്യൻ ഭരണകൂടം തന്നെ തയ്യാറാകുന്നില്ല എന്നാണ് സമരക്കാരുടെ ആരോപണം.
ഇവരെ കൈമാറാൻ കേന്ദ്രവിദേശകാര്യ മന്ത്രാലയം ഇടപെടണം. മോചനമല്ല തിരികെ ഇന്ത്യയിലെ ജയിലുകളിൽ അവരെ തടവിൽ പാർപ്പിച്ചാലും മതി. അത്തരമൊരിടപെടൽ കേന്ദ്രം നടപ്പാക്കണെമെന്നാണ് പ്രതിഷേധക്കാർ ആവശ്യപ്പെടുന്നത്.
Content Highlights: Protests at Jantar Mantar demanding the extradition of Malayalis imprisoned in Qatar
