Get the latest news at
your fingertips!
Download our app now
LIVE TV
Search
രാജസ്ഥാൻ റോയൽസിന്റെ മലയാളി ക്യാപ്റ്റൻ ടീം വിടാനൊരുങ്ങുന്നതായുള്ള നിരവധി റിപ്പോർട്ടുകളാണ് കഴിഞ്ഞ ദിവസങ്ങളിൽ പുറത്തുവരുന്നത്. റിപ്പോർട്ടുകളിലേക്ക് സൂചന തരുന്ന നിരവധി സംഭവങ്ങളും പലരും ചൂണ്ടിക്കാട്ടുന്നുണ്ട്. താരത്തെ ടീമിലെത്തിക്കാൻ ചെന്നൈ സൂപ്പര്‍ കിങ്‌സ് നീക്കം നടത്തുന്നതായും റിപ്പോർട്ടുകളുണ്ട്.
ഐപിഎല്ലിൽ ചെന്നൈയുടെ വിക്കറ്റ് കീപ്പറായ മഹേന്ദ്രസിങ് ധോണി കരിയറിന്റെ അവസാന കാലഘട്ടങ്ങളിലാണെന്നിരിക്കെ പകരം സഞ്ജുവിനെ എത്തിക്കാനാണ് നീക്കം. 2026 മിനി ലേലത്തിന് മുന്നോടിയായി താരത്തെ ടീമിലെത്തിക്കാനാണ് നീക്കം.
ലേലത്തിന് മുമ്പ് സഞ്ജുവിനെ ടീമിലെത്തിക്കാനായില്ലെങ്കില്‍ ലേലത്തില്‍ വാങ്ങാനും ചെന്നൈ പദ്ധതിയിടുന്നതായി റിപ്പോര്‍ട്ടുണ്ട്. അതേസമയം കൊല്‍ക്കത്ത നൈറ്റ് റൈഡേഴ്‌സും സഞ്ജുവിന് പിറകെയുണ്ട്. അങ്ങനെയെങ്കില്‍ സഞ്ജുവിനായി ലേലത്തില്‍ കടുത്ത മത്സരം നടക്കുമെന്നുറപ്പാണ്.
2013 ലാണ് സഞ്ജു രാജസ്ഥാനിലെത്തുന്നത്. ടീമിന് വിലക്ക് നേരിട്ട ഘട്ടത്തില്‍ ഡല്‍ഹിക്കായി കളിച്ചതൊഴിച്ചാൽ മറ്റ് ടീമുകൾക്ക് വേണ്ടി കളിച്ചിട്ടില്ല. 2021 ലാണ് ടീമിന്റെ നായകനായി മലയാളി താരമെത്തുന്നത്. അടുത്ത സീസണില്‍ ടീമിനെ ഐപിഎല്‍ ഫൈനലിലുമെത്തിച്ചു.
എന്നാൽ ഇത്തവണ ഐപിഎല്ലില്‍ രാജസ്ഥാന് പ്ലേ ഓഫിലേക്ക് കടക്കാനായിരുന്നില്ല. ടീം ഒമ്പതാം സ്ഥാനത്താണ് സീസണ്‍ അവസാനിപ്പിച്ചത്.
സഞ്ജുവാകട്ടെ പരിക്കിന്റെ പിടിയിലായതിനാല്‍ മുഴുവന്‍ മത്സരങ്ങളും കളിച്ചതുമില്ല. പകരം റിയാന്‍ പരാഗാണ് ടീമിനെ നയിച്ചത്. അതിനിടയിൽ കോച്ച് രാഹുൽ ദ്രാവിഡുമായും മറ്റും അഭിപ്രായ വ്യത്യാസങ്ങളുണ്ടായെന്നും ടീമിൽ സഞ്ജു അസ്വസ്ഥനാണെന്നും റിപ്പോർട്ടുകളും പുറത്തുവന്നു.
Content Highlights: Sanju leaving Rajasthan?; Along with Chennai, Kolkata also interested in the player
