Get the latest news at
your fingertips!
Download our app now
LIVE TV
Search
ഇംഗ്ലണ്ട് ലയണൽസിനെതിരായ രണ്ടാം അനൗദ്യോഗിക ടെസ്റ്റിൽ ഇന്ത്യ എ ടീമിൽ കെ എൽ രാഹുൽ കളിച്ചേക്കുമെന്ന് റിപ്പോർട്ട്. ജൂൺ ആറ് മുതൽ ഒമ്പത് വരെയാണ് രണ്ടാം ടെസ്റ്റ് നടക്കുക. ഇന്ത്യൻ ടീമിനൊപ്പം ചേരാൻ താരം ഉടൻ തന്നെ ഇംഗ്ലണ്ടിലേക്ക് പുറപ്പെടും. രാഹുൽ കളിക്കുകയാണെങ്കിൽ യശസ്വി ജയ്സ്വാളിനൊപ്പം ഓപണറുടെ റോളിൽ കളത്തിലെത്തുമെന്നും സൂചനയുണ്ട്.
ഈ മാസം 20ന് ആരംഭിക്കുന്ന ഇംഗ്ലണ്ട് പരമ്പരയ്ക്ക് മുമ്പായി നേരത്തെ ഇംഗ്ലണ്ടിലേക്ക് അയക്കണമെന്ന് രാഹുൽ ആവശ്യപ്പെട്ടതായി ബിസിസിഐ വൃത്തങ്ങൾ സൂചിപ്പിക്കുന്നു. മുംബൈയിൽ പരിശീലനം നടത്തുവാനാണ് രാഹുൽ തീരുമാനിച്ചിരുന്നത്. എന്നാൽ മഴയെ തുടർന്ന് ഇംഗ്ലണ്ടിൽ പോയി ഇന്ത്യ എയ്ക്കുവേണ്ടി കളിക്കുവാൻ രാഹുൽ തീരുമാനിച്ചു. ബിസിസിഐ വൃത്തങ്ങൾ പ്രതികരിച്ചു.
അതിനിടെ ഇംഗ്ലണ്ട് ലയൺസും ഇന്ത്യ എയും തമ്മിലുള്ള ആദ്യ അനൗദ്യോഗിക ടെസ്റ്റ് സമനിലയിൽ അവസാനിച്ചു. മത്സരത്തിൽ ആദ്യം ബാറ്റ് ചെയ്ത ഇന്ത്യ എ ആദ്യ ഇന്നിങ്സിൽ 557 റൺസെടുത്തു. മറുപടി ബാറ്റിങ്ങിൽ ആദ്യ ഇന്നിങ്സിൽ ഇംഗ്ലണ്ട് ലയൺസ് 587 റൺസാണ് നേടിയത്. ഇതോടെ ഇംഗ്ലണ്ട് ലയണൽസിന് 30 റൺസിന്റെ ലീഡായി. രണ്ടാം ഇന്നിങ്സിൽ ഇന്ത്യ എ രണ്ട് വിക്കറ്റ് നഷ്ടത്തിൽ 241 റൺസുമെടുത്തു.
Content Highlights: KL Rahul To Play For India A In 2nd Unofficial Test Against England Lions
