Top

12 വയസിന് താഴെയുളള കുട്ടികൾ മാസ്ക് ധരിക്കേണ്ടതില്ല; ഖത്തറിലെ സ്കൂളുകളിൽ കൂടുതൽ ഇളവുകൾ

കിന്റർഗാർഡനുകളിലും ഇളവ് ബാധകമാണ്

17 March 2022 8:14 PM GMT
റിപ്പോർട്ടർ നെറ്റ്‌വർക്ക്

12 വയസിന് താഴെയുളള കുട്ടികൾ മാസ്ക് ധരിക്കേണ്ടതില്ല; ഖത്തറിലെ സ്കൂളുകളിൽ കൂടുതൽ ഇളവുകൾ
X

ദോഹ: കൊവിഡ് വ്യാപന തോത് കുറഞ്ഞതോടെ സ്‌കൂളുകളിലെ കൊവിഡ് നിയന്ത്രണങ്ങളിൽ ഇളവ് പ്രഖ്യാപിച്ചു​ ഖത്തർ വിദ്യാഭ്യാസ മ​ന്ത്രാലയം. 12 വയസിനും അതിന് താഴെയുള്ള വിദ്യാർഥികൾക്കും ഞായറാഴ്​ച മുതൽ​ സ്‌കൂളിൽ മാസ്‌ക് ധരിക്കേണ്ടതില്ല. ​മാർച്ച്​ 20 ഞായറാഴ്​ച മുതൽ പുതിയ നിർദേശങ്ങൾ പ്രാബല്യത്തിൽ വരുമെന്ന് മന്ത്രാലയം അറിയിച്ചു. കിന്റർഗാർഡനുകളിലും ഇളവ് ബാധകമാണ്.

പൊതു, സ്വകാര്യ സ്​കൂളുകളിലും കിന്റർ ഗാർഡനുകളിലും 12 വയസും അതിന് താഴെയുമുള്ള കുട്ടികൾക്കുമാണ് ഇളവുകൾ പ്രഖ്യാപിച്ചിരിക്കുന്നത്. എന്നാൽ, മാസ്​ക്​ ധരിക്കുവാൻ താൽപ്പര്യമുളള വിദ്യാർഥികൾക്ക്​ ഇത്​ തുടരുന്നതിൽ തടസ്സമുണ്ടാവില്ല. എന്നാൽ വാക്‌സിനെടുക്കാത്ത കുട്ടികൾക്ക് ആഴ്ചയിലൊരിക്കൽ വീടുകളിൽ വെച്ച് നടത്തുന്ന ആന്റിജൻ പരിശോധന തുടരണം. ഹോം കിറ്റ്​ ഉപയോഗിച്ചാണ്​ പരിശോധനകൾ.

ഒരിക്കൽ കൊവിഡ് വന്ന് ഭേദമായ കുട്ടികൾക്ക് ഈ പരിശോധന ആവശ്യമില്ല. കൊവിഡ്​ മുൻകരുതലുകളുടെ ഭാഗമായി നേരത്തെയുള്ള നിർദേശങ്ങൾ തുടരുമെന്നും മന്ത്രാലയം വ്യക്​തമാക്കി. അതേസമയം ഖത്തറിൽ ആകെ കൊവിഡ് രോഗികളുടെ എണ്ണം ആയിരത്തിൽ താഴെയെത്തി. 982 കൊവിഡ് രോഗികളാണ് ഖത്തറിലുള്ളത്. 24 മണിക്കൂറിനിടെ 68 കൊവിഡ് കേസുകൾ സ്ഥിരീകരിച്ചു. സമ്പർക്കത്തിലൂടെയാണ് 66 പേർക്ക് ബാധിച്ചത്.

Story highlights: Students in Qatar will no longer have to wear a mask to school from Sunday

Next Story